Jeremiah 48:15 - Tedim Bible

¹⁵ Moab gam leh a khuapite susia dingpa hong paito ta hi. A tangval hoihpente uh thahlup dingin a kipaipih khin zo hi, ci-in a vanglian Topa a kici keimah Kumpipa in kong gen hi.

Tedim Bible Revision 2017

¹⁵ Moab gam le a khuapite a susia ding pa hong pai to ta hi. A tangval hoih pente uh thah lup dingin kipaipih khinzo hi, ci-in Vanglian Topa a kici keimah Kumpipa in kong gen hi.

Jeremiah 48:15 Referans Kwoze

Jeremiah 50:27

A galkap hangte khempeuh uh thahsak un. Amaute in gimna a thuak ding uh hi, a thuak ni ding uh hun hong tung zo hi.

Jeremiah 46:18

“A vanglian Topa keimah in Kumpipa ka hi hi. Taber mual in mual khempeuh sangin sang zaw-in Karmel mual in tuipi tungah sangpi-in a dawktoh bangin, no hong simpa’ thahatna a lian mahmah ding hi.

Jeremiah 51:57

A kumpi uliante leh a mipilte uh akipan ukpite, uliante leh galkapte zu ka khamsak ding a, a tawntungin ihmu-in a khanglo nawn kei ding uh hi, ci-in a vanglian Topa a kici Kumpipa in kong gen hi.

Malakhi 1:14

A tuuhon lakah tuutal cidam nei napi-in, a kamciamsa bangin kei tungah hong piak ciangin, a sitbaang ganhing hong pia mi khempa in samsiatna thuak ta hen. Bang hang hiam cih leh keimah in a lian mahmah Kumpipa ka hi a, minam khempeuh in kei hong zahtak uh hi,” a ci hi.

Mangmuhna 19:16

Ama puanza tung leh a phei tungah, “kumpite’ Kumpi, topate’ Topa” ci-in min a kigelh hi.

Jeim 5:4

Ngai un, note’ lo lai-ah an atte na kheem uh a, a thaman uh pia loin na om uh a hih ciangin tua thaman in kiko-in a om hi. Tua lo-ah a at mite a kikona aw un zong vantungmite’ Topa’ bil sungah a tum zo hi.

Zekhariah 14:9

Tua ciangin Topa pen leitung khempeuh’ kumpi suak ding a, mi khempeuh in amah bek thei-in bia ding uh hi.

Daniel 4:37

Tu in keimah Nebukhadnezzar in Vantung Kumpipa phatin, zahtakin a min ka thangsak hi. A bawlna khempeuh a man hi. Amah a tawntungin thuman a, kiphasak-a gamtate a neusak hi.”

Jeremiah 51:40

Thahlup ding a, kipaipih tuuno bangin ahi zongin, tuutal leh keeltal bangin ahi zongin, amaute ka paipih suk ding hi.

Jeremiah 48:4

Moab gam kisusia khin ta a, a kahna aw uh Zoar khua dongin kiza hi.

Late 47:2

Bang hang hiam cih leh Topa, a Sang Penpa, dipkuat-huai-a, leitung khempeuhah kumpi lian khat ahi hi.

Amos 4:10

Izipt gama kong tun’sak bangin, note lakah gimna kong tungsak hi. Gal sungah na tangval teng uh ka sisak a, na sakolte uh kong paihkhiat sak hi. Na giahphual sungte uh, a uihna na nakngeek uh kong zensak hi. Tua bang hi napi-in kei lamah nong kihei kei uh hi, Topa in ci hi.

Jeremiah 50:34

Ahih hangin amaute a Tankhiapa hat a, a vanglian Topa kici hi. Amah in leitungah kilemna a om nading leh Babilon mite in gimna a ngah nadingin, amaute adingin a sem ding hi.