Jeremiah 48:14 - Tedim Bible

¹⁴ “Note in bang hangin, ‘Galhangte ka hi uh a, galsim hatte ka hi uh hi,’ ci thei na hi uh hiam?

Tedim Bible Revision 2017

¹⁴ Note in bang hangin, ‘Galhangte ka hi uh a, galsim hatte ka hi uh hi,’ ci thei na hi uh hiam?

Jeremiah 48:14 Referans Kwoze

Late 33:16

A galkap tampi in kumpi khat suakta sak zo lo a, galkap hangpa ama hatna tawh kihonkhia zo lo hi.

Isaiah 10:16

Tua ahih ciangin Topa, Vanglianpen Topa in ama mi thahat galkapte lakah natna lianpi tungsak ding a, tua natna in amaute sungah meikuang bangin kuang niloh ding hi.

Isaiah 10:13

Bang hang hiam cih leh amah in: “Keimah in thu theihtelna nei ka hih manin keima thahatna leh keima pilna tawh ka hih khin hi; mihingte’ gamgite lakhia-in amau’ sumte ka sut khin hi; keimah in a vanglianpa bangin amau kumpite ka sugawp hi.

Zefaniah 2:10

Amaute in Vanglianpen Topa’ mite, simmawhin kihisak uh ahih manin, a kiphatsakna hangun Moab mite leh Ammon mite in hih bangin daan thuak ding uh hi.

Ezekiel 30:6

“Leilu lam Migdol khuapi pan leitaw lam Siene khuapi dong, Izipt gam a hute khempeuh gal sungah si mang ding uh a, Izipt’ kiphatsakpih a galkap teng si mang ding hi, ci-in Topa Pasian in ka gen khin hi.

Jeremiah 49:16

Na kihtakhuaina leh na kisaktheihna in nang hong khem zo hi. Suangken lakah na teeng a, mualsang tungah na teeng hi. Muvanlai bu zahin sangpi-in na teen’ hangin tua lai mun panin kong lakhia suk veve ding hi, Topa in kong ci hi.

Jeremiah 9:23

Topa in a gen-inah: “Mipilte in a pilna uh kisak theihpih kei uh hen la, mihatte in a hatna uh kisak theihpih kei uh hen. Mihaute in zong a hauhna uh kisak theipih kei uh hen.

Jeremiah 8:8

“Bangci bangin note in, ‘Ko ka pil uh a, Topa’ thukham ka nei uh hi,’ ci thei ding na hi uh hiam? En un, thuman lo laitheite in tua thukham zuauthu a suah uh hi.

Isaiah 16:6

Moab’ kiphatsakna thu i za khin hi, amah kiphasak mahmah hi; a kiliatsakna, a kiphatsakna, a kihihsaknate— ama kisialhnate a mawkna ahi hi.

Thuhilh-sia 9:11

Hih leitungah ka phawk thudang khat in: a tai hat mite in tai kidemna-ah zo tawntung lo a, galhang thahatte in gal zo tawntung lo hi. A pilte in an a kham ngah tawntung lo a, a pilte hau tawntung lo hi. Hih theih siamna a neite milian suak tawntung lo hi. Mi khempeuh tungah kamsiatna vive tung hi.

Late 11:1

Topa ka bel hi; bangci-in ka tungah, “Vasa leeng bangin mual tungah tai-in,