Jeremiah 48:13 - Tedim Bible

¹³ Tua ciangin Israel mite, a muan’ uh Bethel pasian in a maizum sak mah bangin, Moab mite, a biak uh Khemoshpasian in a maizum sak ding hi.

Tedim Bible Revision 2017

¹³ Tua ciangin Israel mite, a muan uh Bethel pasian in a maizumsak mah bangin Moab mite, a biak uh Khemosh pasian in a maizumsak ding hi.

Jeremiah 48:13 Referans Kwoze

Jeremiah 48:39

Moab gam kitam ta hi! A mite kap uh hi! Maizum-in hong nungngat ta uh hi! Tua ahih manin Moab in a kim-a om mite’ nuihsat ding leh lipkhap ding a suak zo hi.

Isaiah 45:16

Milim a bawl amaute khempeuh in maizumna thuakin cih nading thei loin om ding uh hi.

Thukhente 11:24

Na Pasian Khemosh in na neih dinga hong piakte tang lo ding na hi hiam? Topa ka Pasian un kote mai-ah a suankhiatte kote in ka tang ding uh hi.

Jeremiah 48:46

Moab aw, gimna na thuak ding hi! Khemosh pasian a bia mite si khin ta uh hi. Na tapate uh sal dingin kipaipih khin a, na tanute uh zong thongkia dingin kipaipih hi.

Jeremiah 48:7

Na hatnate uh leh na neihsate uh na suan’ manun note zong hong kipai khiatpih ding hi. Na pasian uh Khemosh zong a siampi teng leh a ulian teng tawh, kipai khiatpih ding hi.

Isaiah 45:20

“Minam sung panin a suakta lai note aw, nomau kikaikhawmin hong pai un la, hong nai un! Amau’ sing milim a pua kawikawi mite in theihna nei lo uh a, a honkhia thei lo pasian tungah thu ngenngen uh hi.

Isaiah 16:12

Moab amahmah hong kilaakin, a sangna munah lungkhamin hong pai a, ama siangtho munah thu a nget ciangin bangmah ngah lo ding hi.

Isaiah 2:20

Amah pen leitung liingsak gawp dingin a thawh ni hun ciangin, Topa kihtakna leh alian ama minthan’na panin suang hawmpite sung leh keen hawmte sungah a buk theih nadingun, mite in biak ding a, amau bawl ngun milimte leh kham milimte pen buite leh bakte paih ding uh hi.

1 KUMPI MASATE 18:40

Tua ciangin Elijah in amaute kiangah, “Baal kamsangte man un; amaute khat zong suaktasak kei un,” a ci hi. Tua ciangin amaute in man uh hi; Elijah in Kishon lui-ah amaute paipih sukin tua lai-ah amaute that hi.

1 KUMPI MASATE 11:7

Tua ciangin Solomon in Jerusalem nisuahna lam mual tungah Moab mite’ aa ahi, a kihhuai Khemosh leh Ammon mite’ aa ahi a kihhuai Molek adingin mual tunga biakna khat lam hi.

1 KUMPI MASATE 11:33

bang hang hiam cih leh amah in kei hong nusia a, Sidon mite’ nusian Ashtoreth, Moab pasian Khemosh, leh Ammon mite pasian Milkom bia-in, a pa David bangin keima muhna ah a manin gamtatna leh ka thukhamte leh ka ngeina kipte zuihna tawh ka lampite tawn lo hi.

Jeremiah 48:12

“Tua ahih manin, en un, Topa in kong cih-inah, Moab mite leenggahzu buak banga a bua khia ding mi kong paisak hun hong tung ding hi. Amaute in a thawl a hawm dong bung khia-in tua khit ciangin thawl a sukham zan ding uh hi.

2 KHANG TANGTHU NIHNATE 25:15

Tua ciangin Amaziah tungah Topa hehin ama kiangah kamsang khat sawl a, tuapa in, “Bang hangin nangma khut panin amau’ mite a honkhia lo, mi pawlkhatte’ pasiante beel na hi hiam?” a ci hi.