Jeremiah 48:11 - Tedim Bible

¹¹ “Moab gam in a neu lai-a kipanin nuam takin a om den hi. Gam dangah kipaikhiatpih ngei lo a, thawl khat pan thawl khat-a tei kawikawi lenggahzu tawh kibang lo hi. A limna kilamdang ngei loin a gimnam zong kikhel ngei lo hi.

Tedim Bible Revision 2017

¹¹ Moab gam a neu lai a kipanin nuam takin a om den ahi hi. Gam dangah kipaikhiat pih ngei lo a, thawl khat pan thawl khat ah a kitei kawikawi leenggahzu tawh kibang lo hi. A limna kilamdang ngei lo a, a gimnam zong kikheel ngei lo hi.

Jeremiah 48:11 Referans Kwoze

Zefaniah 1:12

Tua hun lai takin Jerusalem khua sung, meivak tawh ka zong ding a, thu phawk loin amau’ ngeina bang bangin om cip a, ‘Topa in a pha hita leh a sia hita leh, bangmah bawl ngei lo hi,’ a ci mite, daan ka pia ding hi.

Zekhariah 1:15

Tua banga nuam taka a om hithiat minamte tungah ka heh mahmah hi. Ka mite tungah ka hehna ki-ip tentanin ka om lai takin, hih minam dangte in ka mite’ gimna nasiasak semsem uh hi.

Nahum 2:2

(Israel mite, a galte’ sukgawp ma, a nidang ngeina bangun, Topa in a om sakkik ding a kipan ahi hi).

Jeremiah 48:29

Moab kiphatsakna ka za khin zo uh hi—kiphasak pha mahmah hi. Kilian sak-in kisathei a, kuamah thu sim loin mite neu-et hi.

Isaiah 24:3

Leitung kihawmsuak sakin kisiacip ding hi; bang hang hiam cih leh Topa in hih thu genkhin zo hi.

Isaiah 16:6

Moab’ kiphatsakna thu i za khin hi, amah kiphasak mahmah hi; a kiliatsakna, a kiphatsakna, a kihihsaknate— ama kisialhnate a mawkna ahi hi.

Late 123:4

A ut ut-a gamta mite’ hong zahkona, mi kiphasakte’ hong simmawhna tawh sau vei ka gim lua khin ta uh hi.

Late 55:19

Taanglai pan-a kumpi-a a kikoih Pasian in za ding a, amaute niamkhiat ding hi; bang hang hiam cih leh amaute in thukham zui lo uh a, Pasian zahtak lo uh hi.

Jeremiah 51:34

“Babilon kumpipa Nebukhadznezzar in Jerusalem khua hong valhtum a, hong sukham gawp hi. Beel hawm bangin a hawmin hong koih a, gulpi bangin hong nawm valh hi. Ka neihsa a lim nono tawh amah kivak kham a, kei a hong hawlkhia hi.

Isaiah 25:6

Vanglianpen Topa in hih mual tungah mi khempeuh adingin anlim nekna pawi, a ciil mahmah leenggahzu nekna pawi, guhngek tawh a kidim an nekna, a siangtho leenggahzuciil nekna pawi bawl ding hi.

Paunak 1:32

Bang hang hiam cih leh thu thei lote in, pilna a don loh manun sihlawh uh a,

Nahum 2:10

Nineveh khuapi kisusia-in kinusiacip a, gamkhing suak hi. Launa lungsim tawh kidimin khukte liing kelkel a, mi khempeuh lunggimin a mai-ah si teeng lo hi.

Jeremiah 22:21

Na daupai laitak-un kong hopih hangin na hong ngai nuam kei uh hi. Na neu tung-ua kipan nong tua cih ngitnget uh a, ka thu nong mang ngei kei uh hi.

Jeremiah 48:12

“Tua ahih manin, en un, Topa in kong cih-inah, Moab mite leenggahzu buak banga a bua khia ding mi kong paisak hun hong tung ding hi. Amaute in a thawl a hawm dong bung khia-in tua khit ciangin thawl a sukham zan ding uh hi.