Jeremiah 48:10 - Tedim Bible

¹⁰ “Topa’ na citak-a sem lopa in haamsiatna thuak ta hen. Thah nading a, a namsau a dok lopa in haamsiatna thuak ta hen.

Tedim Bible Revision 2017

¹⁰ “Topaʼ na citakin a sem lopa in kamsiatna thuak tahen. Thah nadingin a namsau a dok lopa in hamsiatna thuak tahen.

Jeremiah 48:10 Referans Kwoze

1 KUMPI MASATE 20:42

Tua ciangin amah in ama kiangah, “Topa in hih bangin ci hi: ‘Suksiat dinga ka sehsa mipa paikhiasak na hih ciangin ama nuntakna taangin nangma nuntakna, ama mite’ taangin nangma mite pai ding hi,” ci hi,” a ci hi.

1 SAMUEL MASA 15:3

Tu-in pai-in Amalek mite vatgawp un la, amaute’ neih khempeuh susia mang khin un; amaute siit loin, numei leh pasal, naupang leh nawine laite, bawngte leh tuu, kalaoh leh la, that un,’ ci hi,” a ci hi.

Thukhente 5:23

“Topa’ vantungmi in, ‘Meroz samsia in, a sunga teeng mite nasia takin samsia in, bang hang hiam cih leh Topa a huh dingin a thahatpa dona ah Topa a huh dingin hong pai lo uh hi,’ a ci hi

2 KUMPI NIHNATE 13:19

Tua ciangin Pasian’ mipa ama tungah hehin, “Nga vei ahi a, guk vei ahi zongin sat ding kilawm hi; tua hi leh na beisak dongin Siria na satpuk ding hi; ahih hangin tu-in Siria thum vei bek na satpuk ding hi,” a ci hi.

1 SAMUEL MASA 15:9

Ahih hangin Saul leh mite in Agag, leh a hoih pen tuute leh bawngtalte leh gannote, leh tuunote leh a hoih khempeuh khawi uh a, tuate thatmang lo uh hi; a kisimmawh bangmah a man lo khempeuh amaute in thatmang uh hi.

Jeremiah 50:25

Topa in a galhiam koihna hong zo a, a hehna galhiamte a lakhia hi. Bang hang hiam cih leh Babilon gamah a vanglian Topa Pasian in sep ding khat a nei hi.

Jeremiah 47:6

Note in, ‘Aa, Topa’ namsau aw, Tawlnga nai lo ding na hi hiam? Na paai sungah lut kik in la, taang loin khawl dide in,’ na ci uh hi.

1 KUMPI MASATE 20:39

Kumpipa in a nawk lai takin amah in kumpipa tungah kiko-in, “Na nasempa gal sungah kuan hi; en in, galkap khat hong kihei-in kei kiangah mi khat hong paipih a, ‘Hih mipa kem in; amah man’na khat a neih zenzen leh ama nuntakna taangin nangma nuntakna hi ding a, ahih kei leh ngun talen khat na liau ding hi,’ hong ci hi.

1 KUMPI MASATE 20:40

Na nasempa hih lai hua lai-ah manlahin a om kalin amah na mang hi,” a ci hi. Israel kumpipa in ama kiangah, “Nangma thukhenna bang hi ta hen; nangmahmah in na khen tawm hi,” a ci hi.

Jeremiah 11:3

Topa, Israel mite’ Pasian in kong cih-inah, hih thuciamna a mang lo mi peuhmah in haamsiatna thuak ta hen, ci-in va gen in.

Jeremiah 47:7

Topa in ka sawl nak leh bangci-in khawl dide thei ding ahi hiam? Ashkelon khua leh tuipi gei teng sim dingin ka sawlsa ahi hi,” a ci hi.

Jeremiah 50:27

A galkap hangte khempeuh uh thahsak un. Amaute in gimna a thuak ding uh hi, a thuak ni ding uh hun hong tung zo hi.

Joshua 10:19

ahih hangin note tua lai-ah om kei un, na galte uh delhin a nungdalte bawh un la, a khuapi sung uh ah amaute lutsak kei un; bang hang hiam cih leh Topa na Pasian un note khut sungah amaute hong pia zo hi,” a ci hi.