Jeremiah 47:6 - Tedim Bible

⁶ Note in, ‘Aa, Topa’ namsau aw, Tawlnga nai lo ding na hi hiam? Na paai sungah lut kik in la, taang loin khawl dide in,’ na ci uh hi.

Tedim Bible Revision 2017

⁶ Note in, ‘Topaʼ namsau aw, tawlnga nai lo ding na hi hiam? Na paai sungah lutkik inla, taang loin khawl dide in,’ na ci uh hi.

Jeremiah 47:6 Referans Kwoze

Jeremiah 12:12

Sehnel gam mualsang panin a susia dingte hong pai zo uh hi. Gam mong khat panin gammong khat dongah a lungmuang kuamah om lo hi. Bang hang hiam cih leh Topa’ namsau in mi khempeuh a vattuk hi.

Johan 18:11

Tua lai takin Zeisu in Piter kiangah, “Namsau a pai sungah siat kik in. Pa in kei hong piak hai dawn lo ding ka hi hiam?” ci-in a gen hi.

Ezekiel 21:30

Do dingin kithawi vet kei un la, na namsau uh a paai-ah siatkik zaw un. Note na pian’na gam, na suahna mun uhah, thu a hong khen ding ka hi hi.

Ezekiel 14:17

Tua gam sungah gal tungsakin, mihing ganhing a siaksiang dingin a husia galhiamte kizang leh,

Jeremiah 25:27

Tua ciangin Topa in hong hopih a, “Amaute kiangah, ‘A vanglian Topa, Israel mite’ Pasian in hih bangin ci hi: Dawn un. Kham un la, lua un. Note’ kiangah namsau hong pai sak ding ka hih manin tuk un la, tho zo nawn kei un,’ va ci in.

Jeremiah 15:3

“Amaute’ sih nadingin gimna nam li ka tungsak ding hi. A kithah nading uh namsau, a keizan gawp dingin ui, a valhtum ding leh a susia gawp dingin huih lak-a vasate leh lei lak-a ganhingte ka koih ding hi.

Jeremiah 12:4

Ka gam bang tanvei a thuum ding hiam? Mun khempeuhah lopate bang tan vei a keu ding hiam? A teeng mite’ gitlohna hangin, gamsate leh vasate a mangthang sak khin uh hi. Bang hang hiam cih leh amau in, “I gamtatnate Pasian in hong mu kei ngawn,” a ci uh hi.

Jeremiah 4:21

Bang tan vei gal kisimna ka mu lai ding hiam? Bang tan vei peengkul aw ka za lai ding hiam?

Isaiah 10:15

Amah a liikto-pa pen molhtum-in a zang ding bang keek, sing a hilo mipa pen ciangkhut-in a liikto ding bang keek-in, hei in phuk nading a, amah a zangpa’ tungah kisial thei ding ahi hiam, sing-attem in amah a zangpa’ tungah kiliansak thei ding ahi hiam!

Isaiah 10:5

Assiria-te in gimna ngah hen, keima hehna molhtum leh ka lungdamna ciangkhut ahi uh hi.

Late 17:13

Topa aw, tho in! Amaute maiphut in la, thalpaih in! Topa aw, a deih khempeuh uh hih leitungah a nei migilote kiang panin nangma khut leh na namsau tawh kei hong honkhia in. Amau’ adingin na koihcing danpiaknate thuaksak in la, a tate un zong a cing valin thuak uh hen la, a naungekte’ adingin nusiat lai ta uh hen.

1 KHANG TANGTHU MASATE 21:27

Tua ciangin Topa’ thupiakna tawh vantungmi in a namsau a pai sungah siat kik hi.

2 SAMUEL NIHNA 2:26

Tua ciangin Abner in Joab samin, “Mite hih bangin kithat that lai ding ahi hiam?” A tawpna-ah a haksat zawk nading thei lo na hi hiam? A sanggamte uh a delhna panin na mite a kihei nadingin na thu piak ding bang tan sawt ding ahi hiam?” a ci hi.

Thukhente 7:20

A pawl thum-un peengkul tumin beelte sukham uh a, a veilam khut-un meilah tawi-in, a taklam khut-un a tum ding uh peengkul tawi uh hi; tua ciangin amaute kiko-in, “Topa ading leh Gideon’ading namsau khat!” a ci uh hi.

Jeremiah 48:10

“Topa’ na citak-a sem lopa in haamsiatna thuak ta hen. Thah nading a, a namsau a dok lopa in haamsiatna thuak ta hen.

Jeremiah 50:35

“Topa in kong cih-inah, Khaldea mite, Babilon khua-a teengte a kumpi uliante leh a mipilte namsau tawh kithat uh hen.

Zekhariah 13:7

Namsau aw, ka tuucingpa a su dingin kipan in la, kei tawh nasem khawmpa lang pang in. Tuucingpa sat in. Tuute kithehthang ding a, ka tuute gim ka pia ding hi.