Jeremiah 47:2 - Tedim Bible

² Topa in a cih-inah: “En un, leilu gam panin tui hong khang a, a let khia-in hong luang ding hi. Gamsung leh gam sunga om khempeuh hong tum ding a, khuapi leh khuapi sunga teeng khempeuh hong tum ding hi. Mite kiko-in, gam sunga om mite khempeuh a kap ding uh hi.

Tedim Bible Revision 2017

² Topa in a hong genin ah, “En un, leilu lam panin tui hong khang dinga, hong let khia-in hong luang ding hi. Gam sung le gam sunga om khempeuh hong tum dinga, khuapi le a sunga teeng khempeuh hong tum ding hi. Mite kiko ding uh a, gam sunga om mi khempeuh a kap ding uh hi.

Jeremiah 47:2 Referans Kwoze

Jeremiah 46:20

“Izipt gam in bawngla hoih mahmah tawh kibang hi. Leilu lam panin hong leeng cippi in amah a pet hi.

Jeremiah 8:16

Leilu lam Dan khua pek panin galte’ sakol nak ging kiza hi; a sakol hatte’ hamna awging in gam teng lei teng liingsak hi. Amau in i gam leh a sunga om teng tawh khuapi leh a sung-a teeng teng tawh a hong susia khin ding uh hi,’ a ci ding uh hi.

Jeremiah 1:14

Tua ciangin Topa in, “Leilu lam panin hih gam mi khempeuhte’ tungah siatna hong sosuk ding hi.

Mangmuhna 17:15

Khat vei amah in, “Numei gilo tutna-a na muh tuite in mipawl, mihon, gam, kamte ahi uh hi.

Mangmuhna 17:1

Tua nung ciangin hai sagih a tawi vantungmite khat in hong pai-in kei kiangah, “Hih lai takah hong pai in, tui lianpi tungah tu-in a om a lian numei gilo in a thuak ding thukhenna kong musak ding hi.

Jeim 5:1

Sum haute aw, tu-in hong pai un; note tungah hong tung ding gimna tawlna hangin kiko-in kap un.

1 KORIN MASA 10:28

Ahi zongin mikhat in, “Hihte milim biakna sa ahi hi,” ci-in hong gen leh, tua hong lak mi na khualna uh leh kitheihna lungsim tawh ngaihsunin na ne kei un.

1 KORIN MASA 10:26

Bang hang hiam na cih uh leh, leitung leh leitung-ah a om khempeuh in Topa’ aa ahi hi.

Nahum 1:8

Tuikhang in a suksiat bangin a langte susiagawp a, a galte, khuamial sungah nawhkhia hi.

Daniel 11:22

Ama mai-ah galkap honpite kisiak khia ding a, thuciamna tawh kipawl kumpipa zong a kisia mang ding hi.

Jeremiah 48:39

Moab gam kitam ta hi! A mite kap uh hi! Maizum-in hong nungngat ta uh hi! Tua ahih manin Moab in a kim-a om mite’ nuihsat ding leh lipkhap ding a suak zo hi.

Jeremiah 46:13

Izipt gam sim dingin Babilon kumpipa Nebukhadnezzar’ hong paina tawh kisai-in Topa in kamsangpa Jeremiah hih bangin a hopih hi:

Isaiah 59:19

Tua ahih ciangin nisuahna pan nitumna kikal-a om mi khempeuh in amah zahtakin, a vangliatna kihta ding uh hi. Bang hang hiam cih leh Topa’ huih nung bang, tuipi khang bangin amah hong pai ding hi.

Isaiah 28:17

Keimah in thutan’na pen khau khai bangin ka bawl ding a, thuman’na pen khaukhai sikbawk bangin ka bawl ding hi; gial in na zuau buk uh dengkhia ding a, tui in na bukna mun uh susia ding hi,” ci hi.

Isaiah 22:1

Kuam sunga mangmuhna tawh kisai thu: Kikona tawh a kidim, a gamlum khuapi, lungdam a, a diang khua aw, note khempeuh, innkhum zangah na kahtoh uh bang na cihnopna uh ahi hiam? A kithat nangma mite pen namsau tawh kithat lo a, galsunga si hi lo uh hi.

Isaiah 15:8

Bang hang hiam cih leh Moab gam kim khempeuh ah kahna aw ging hi; kahna in Eglaim khua ban a, kahna in Be-er-elim khua ban hi.

Isaiah 14:31

Filistia khuapi kongpite aw, nakpi-in kap un; khuapite aw, kiko un; Filistia mi khempeuh aw, lau-in liing un! Bang hang hiam cih leh leilu lam panin galkap honte’ hong paina leivui khu hong kitung a, tua galkapte lakah a meidawi khat beek om lo hi.”

Late 98:7

Tuipi leh a sunga omte khempeuh aw, awng un la, leitung leh a tunga teeng khempeuh aw, la sa un.

Late 96:11

Vantungmite kipak hen la, leitung lungdam hen; tuipi leh a sunga omte khempeuh awng ta uh hen;

Late 50:12

Ka gil kial taleh zong, no kiangah kong gen kei ding hi; bang hang hiam cih leh leitung leh a sunga om khempeuh keima aa ahi hi.

Late 24:1

Leitang leh a tunga omte, leitung leh a tunga teengte in Topa aa hi;

Jeremiah 6:22

Topa in, “En un, leilu lam gam panin mi hong pai uh a, leimong gamlapen panin gam lian khat galsim dingin kithawithawi hi.

Jeremiah 46:12

Gamdangte in na zum huaina uh hong za khin uh a, leitung bup-ah na kahna aw uh kiza hi. Na galkapte uh khat leh khat kiphu kha-in, a nihun a pukkhawm uh hi,” a ci hi,

Jeremiah 46:24

Izipt-te’ nungakte a maizum ding uh hi, Leilu lam pana hong pai mite’ khut sungah, amaute a kipia ding hi,” a ci hi.