Jeremiah 46:6 - Tedim Bible

⁶ A manlang pente zong paikhia thei tuan lo uh a, galkapte zong suakta lo uh hi. Leilu lam Eufrates gun geiah, hoi-in a tuk uh hi.

Tedim Bible Revision 2017

⁶ A manlang pente zong paikhia thei tuan lo uh a, galkapte zong suakta lo uh hi. Leilu lam Eufratis gun gei ah hoi-in a tuk uh hi.

Jeremiah 46:6 Referans Kwoze

Daniel 11:19

Kumpipa in a kulhpi zuankik dingin a gamah hong ciah ding a, ahih hangin gal lel-in tuk ahih manin amah a kimu nawn kei ding hi.

Jeremiah 46:12

Gamdangte in na zum huaina uh hong za khin uh a, leitung bup-ah na kahna aw uh kiza hi. Na galkapte uh khat leh khat kiphu kha-in, a nihun a pukkhawm uh hi,” a ci hi,

Jeremiah 50:32

A kisathei gam, hoi-in tuk ding a, kuamah in a phongto kei ding hi. A khuapite mei tawh ka hal ding a, a kim-a om khempeuh a kangtum ding hi.

Jeremiah 46:16

Na mi uh tampi tak hoi-in a tuk uh a, amaute in khat leh khat kiangah, ‘Kithawi dih un, i mipihte kiangah, i suahna gamah va paikik ni; tua hi leh hih namsau tawh kithahna pan i suakta ding hi,’ a kici uh hi.

Jeremiah 46:10

Bang hang hiam cih leh tu ni-in a vanglian Topa Pasian’ ni hi a, phu a lak kik ni, a galte a thuhkik ni ahi hi. Namsau in amaute that ding a, a kham mateng a si uh a dawn ding hi. Bang hang hiam cih leh a vanglian Topa Pasian in, Eufrates gun gei leilu lamah amaute biakna piakna-in a nei hi.

Jeremiah 25:9

en un, leilu lam-a om minam khempeuhte leh ka nasempa ahi Babilon kumpipa Nebukhadzezzar ka vaikhak ding a, hih gam leh a sunga teeng mi khempeuh leh hih kim-a om gam khempeuh a sim dingin ka va la ding hi. Keimah in amaute ka susia khin mang ding a, amaute a tawntungin siacip-in simmawhna ka thuaksak ding hi, ci-in Topa in kong gen hi.

Jeremiah 20:11

Ahih hangin Topa in a kihtak huai gal hangpa bangin, kei tawh hong omkhawm gige hi. Tua ahih manin kei hong bawlsiate a tuk ding uh a, kei hong zo lo ding uh hi. A tawntunga a mindaina uh kimangngilh ding hi.

Jeremiah 6:1

Benjamin’ suante aw, na suahtak nadingun tai un! Jerusalem khua taisan un! Tikoa khua-ah peengkul mut un la, Bethhakkherim khua-ah theihsakna meikhu suaksak un. Bang hang hiam cih leh leilu lam panin, gimna leh siatna lianpi a hong pai ding hi.

Jeremiah 4:6

Zion mual lampi kihilh un la, na suahtak nadingun tai un, zekai kei un! Bang hang hiam cih leh leilu lam panin siatna lianpi kong puaksuk hi.

Jeremiah 1:14

Tua ciangin Topa in, “Leilu lam panin hih gam mi khempeuhte’ tungah siatna hong sosuk ding hi.

Isaiah 8:15

Mi tampi tak tuk ding uh hi; amaute tukin kitamzan gawp ding uh hi; amaute awk-in kiman ding hi,” hong ci hi.

Thuhilh-sia 9:11

Hih leitungah ka phawk thudang khat in: a tai hat mite in tai kidemna-ah zo tawntung lo a, galhang thahatte in gal zo tawntung lo hi. A pilte in an a kham ngah tawntung lo a, a pilte hau tawntung lo hi. Hih theih siamna a neite milian suak tawntung lo hi. Mi khempeuh tungah kamsiatna vive tung hi.

Late 27:2

Ka langpangte leh ka galte ahi, siatna bawlte in hong do a, kei hong gensiat ciangun, amaute kisuikha-in puk ding uh hi.

Daniel 11:22

Ama mai-ah galkap honpite kisiak khia ding a, thuciamna tawh kipawl kumpipa zong a kisia mang ding hi.

2 KUMPI NIHNATE 23:29

Ama hun sungin Assiria kumpipa a huh dingin Eufrates gunah Izipt kumpipa Faro Neko kuanto hi. Amah khaktan dingin Kumpi Josiah kuan hi; tua ciangin Faro Neko in Josiah a muh ciangin Megiddo ah that hi.

2 KUMPI NIHNATE 24:7

Tua ciangin Babilon kumpipa in Izipt Lui panin Eufrates gun dong Izipt kumpipa’ neih khempeuh laksak khin ahih manin Izipt kumpipa a gam panin hong kuankhia kik nawn lo hi.