Jeremiah 46:5 - Tedim Bible

⁵ A bangci mawk a hia? Amaute lungmangin lah a nungkik ta uh-a! A galkapte uh kileh hawl a, lau-in taikek mang mawk uh hi. Kinunglehhei kik lo uh hi, mun khempeuh ah launa vive! Topa in a ci hi.

Tedim Bible Revision 2017

⁵ “A bangci mawk ahi hiam? Amaute lungmangin a nungkik ta uh hi. A galkapte uh kilehhawl a, lau-in tai keek mang mawk uh hi. Kinunglehheikik lo uh hi; mun khempeuh ah launa vive!

Jeremiah 46:5 Referans Kwoze

Jeremiah 49:29

A puan bukte uh leh a tuu honte uh-a kipan a buk kongkhak puante uh leh a nate khempeuh uh kilak sak ding hi. A kalaohte uh kipai khiatpih ding a, ‘Mun khempeuh ah launa!’ ci-in a kiko ding uh hi.

Jeremiah 6:25

Gamlakah paikhia kei un la, lampi ah zong pai dah un; bang hang hiam cih leh i galte in namsau a tawi uh a, i kimkot khempeuh lauhuai khin hi.

Jeremiah 46:21

A galkap cialte nangawn amau lakah bawngno dawng hat lote a bang lel uh hi. Pangin do tentan lo uh a, nungkikin a tai kek uh hi. Bang hang hiam cih leh amau’ kisiat ding ni, amau’ daan thuak ding ni hong tung zo hi.

Nahum 2:8

Tuibeem kitam pan-a tui luang khia bangin, Nineveh khuapi panin mite taikhia uh hi. “Khawl un, khawl un,” a kicih hangin, khat beek nunghei lo uh hi.

Ezekiel 32:10

Nang tunga kong bawlna thu minam tampite in lamdang sa ding uh hi. Ka namsau ka viik ciangin kumpite lau-in kigaih ding uh hi. Nang na puk ni ciangin mi khempeuh a sih khak ding uh lau-in liing kelkel ding uh hi.

Jeremiah 46:15

Bang hangin na bawngtal pasian uh Apis guallel-in taimang ahi hiam? Topa in amah a vattuk hang ahi hi.

Jeremiah 20:10

Mite’ kihuau simna tampi ka za a, mun khempeuh lauhuai hi. Ka lawm itte khempeuh in, ka cihmawh ding hong ngak gige uh a, “A mawhna pulak un! A mawhna pulak ni! Amah i khem zo kha ding hi. Tua hi leh i zo pah ding a, tua ciangin i thukkik ding hi,” a ci uh hi.

Isaiah 19:16

Tua ni ciangin Izipt mite pen numei bang ding uh a, Vanglianpen Topa in amaute tungah a khut a sin’sanna hangin lau-in liing ding uh hi.

Piancilna 19:17

Amaute in a paikhiatpih khit uh ciangin, “Na nuntak nadingin tai un; nunghei kei un la, kuam sungah zong khawl kei un; note hong kangtum kha ding ahih manin mual tungah tai to un,” ci uh hi.

Isaiah 5:25

Tua ahih ciangin, Topa’ hehna ama mite’ tungah hong khangin, a khut zanin amaute vat gawp a, mualte liing hi; amaute’ luang hawmte pen kongzing lampite ah nin bangin om hi. Hih bang teng hangin zong a hehna dam nai lo a, ama khut kizan lai hi.

Isaiah 13:8

amaute lau ding uh hi. Amaute in gim mahmahna leh nat velvalna thuak ding uh a, numei nausuak ding bangin na sa ding uh hi. Amaute khat leh khat lamdang sakna tawh ki-en ding uh a, a maitangte uh meikuang bang ding hi.

Isaiah 42:17

A kisui milimte muangin, a kisung milimte kiangah, “Note in komau’ pasiante na hi uh hi,” a ci mite kinolh ding a, maizum mahmahin ki-om sak ding hi.

Jeremiah 49:5

En in, a vanglian Topa Pasian in kong cih-inah, na kim na pam panin nang tungah gimna kong tung sak ding hi. Nang hong kihawlkhia ding a, mi khempeuh amau’ tum ciatin a tai kek ding uh a, hong kaikhawm kik ding kuamah om lo ding hi.

Ezekiel 39:18

Bashan panin tuutalte, tuunote, keelte leh bawngtal thaute a kigawh bangin a kigo ahi galkapte’ sate ne-in, leitung gam ukte’ site a dawn ding ahi uh hi.

Nahum 2:9

Ngunte la un! Khamte la un! Khua sungah sum manpha bei cih om thei lo a, van manpha bei cih om thei lo hi.

Zefaniah 1:14

Topa’ ni hong nai ta a, nai mahmahin hong tung hathat hi. Tua Topa’ ni hong tun’ciangin, galhang pente nangawn cimawhin kap ding uh hi.