Jeremiah 46:12 - Tedim Bible

¹² Gamdangte in na zum huaina uh hong za khin uh a, leitung bup-ah na kahna aw uh kiza hi. Na galkapte uh khat leh khat kiphu kha-in, a nihun a pukkhawm uh hi,” a ci hi,

Tedim Bible Revision 2017

¹² Gamdangte in na zumhuaina uh hong za khin uh a, leitung bupah na kahna aw uh kiza hi. Na galkapte uh khatlekhat kiphu kha-in, a nihun a pukkhawm uh hi,” a hong ci hi.

Jeremiah 46:12 Referans Kwoze

Jeremiah 46:6

A manlang pente zong paikhia thei tuan lo uh a, galkapte zong suakta lo uh hi. Leilu lam Eufrates gun geiah, hoi-in a tuk uh hi.

Jeremiah 14:2

“Judah gam kap a, a khuapite maimang dekdek hi. A mite in puanvom khu-in lei lakah a bok uh a, Jerusalem khua mite’ kahna aw ging hi.

Isaiah 19:2

Izipt mite amau leh amau ka kitawngsak ding hi, mi kim in sanggam khat leh khat ama vengte ciat do ding a, khua khat leh khua khat kido-in, mi khat leh khat, kumpigam khat leh khat kumpi-za kituh ding hi;

Zefaniah 1:10

Topa in hih bangin thu gen a, tua ni-in “Jerusalem khua Ngasa Kulh kongpi-ah mite’ kikona na za ding uh a, tua khuapi Veng Nihna sungah mite’ kahna, leh mual neute tungah a puak zaizai-a ging na za ding uh hi.

Jeremiah 51:54

“Ngai un! Babilon khua-ah mi kiko hi. Khaldea gam pana hong pai mite’ suksiatna lianpi hanga kahna aw ahi hi!

Jeremiah 49:21

A pukna uh gin’ ngaih lua ahih manin leitung a kiliing ding hi. A kahna aw uh San Tuipi dongah kiza ding hi.

Jeremiah 48:34

“Heshbon khua panin Elealeh khua leh Jahaz khua dongah; Zoar khua panin Horonaim khua leh Eglath-sheli-shiah khua dongah mite’ kahna aw kiza hi. Bang hang hiam cih leh Nimrim tui nangawn keu ta a, kisusia ta hi.

Isaiah 10:4

Thongkiate’ lakah tonbucip-a om ding leh a kithat mite’ lakah tuk ding bek a om hi. Hih thute khempeuh hangin ama hehna dam zo nai lo a, ama khut kizan lai hi.

1 SAMUEL MASA 5:12

a si lo mite in uilut vei uh a, khuapi sunga kahna in vantung dongah kiza to hi.

Isaiah 24:11

Leenggahzu a duh manun kongzing ah mite kiko uh hi; lungdamna khempeuh lungkhamna suak a, leitung kipahna kibeisak ta hi.

Jeremiah 2:36

Bang hangin na lungsim khel ziauziau na hi hiam? Assiriate in nang hong maizumsak ngei bangin Iziptte in zong hong maizum sak ding uh hi.

Jeremiah 47:2

Topa in a cih-inah: “En un, leilu gam panin tui hong khang a, a let khia-in hong luang ding hi. Gamsung leh gam sunga om khempeuh hong tum ding a, khuapi leh khuapi sunga teeng khempeuh hong tum ding hi. Mite kiko-in, gam sunga om mite khempeuh a kap ding uh hi.

Jeremiah 50:46

A pukna uh gin’ ngaih lua ahih manin leitung a kiliing ding hi. A kahna aw uh, gam khempeuh ah a kiza ding hi,” a ci hi.

Nahum 2:5

Galkap mangte kikaikhawm a, a galkapte uh thupia hi. Amaute, kan phung lam kiden’na uh a, a lum uh tawh kidal uh hi.