Jeremiah 46:11 - Tedim Bible

¹¹ Gilead gamah pai un la, damna zatui va la un, Izipt-te’ nungakte aw! Zatui tampi na zat khit uh hangin, damna na ngah kei uh hi.

Tedim Bible Revision 2017

¹¹ Egypt nungakte aw, Gilead gamah pai unla, damna zatui va la un. Zatui tampi na zat khit uh hangin damna na ngah tuan kei uh hi.

Jeremiah 46:11 Referans Kwoze

Jeremiah 8:22

Gilead-ah zatui om lo ahi hiam? Zato siam om lo ahi hiam? Bang hanga ka mite dam thei lo uhahi hiam?

Micah 1:9

Bang hang hiam cih leh Samaria’ meima kidamsak thei lo a, Judah in zong tua bangmah a thuak ding ahi ta hi. Ka mite’ teen’na Jerusalem khua kongpi mahmah, tua siatna in hong ban ta hi.

Isaiah 47:1

Nungak a bang Babilon aw, hong paisuk in la, leivui lakah tu in; nungak a bang Khaldea aw, tokhom om lohna lei lakah hong tusuk in! Bang hang hiam cih leh nang pen, a moi milmel, a ngeek dikdek, hong kici nawn lo ding hi.

Nahum 3:19

Na liammate a dam theihna ding om lo a, na meimate a dam thei lo pawl ahi hi. Na thuakna thu a za mi khempeuh in lungdamin a khut uh beng ding hi. Bang hang hiam cih leh na gitlohna a thuak kha lo kuamah om lo hi.

Jeremiah 14:17

“Jeremiah aw, amaute’ kiangah hih bangin va ci in: ‘Sun-le-zanin ka khitui luangluang hen la, kang ngei kei ta hen; bang hang hiam cih leh ka mite in nakpi-in liamna a thuak uh a, nakpi takin a kisat hi.

Mattiu 5:26

Aman takpi kong cih inah, na liau ding dangkasan a khitna na piak khit matengin thong sung pan na paikhia thei kei ding hi.”

Ezekiel 27:17

Judah leh Israel gam mite in zong na van leina-in mangbuh, oliv thau leh theipal, khuaizu leh singnamtui tuamtuamte hong pia uh hi.

Jeremiah 51:8

Thakhat thu-in Babilon puk a, kisiagawp hi. Amah kah ngutngut un! A liammate adingin zatui la un; dam zo kha thei lai ding hi.

Piancilna 43:11

Tua ciangin a pa uh Israel in amaute' kiangah, “A tuaci bang ding a hih leh hih bangin gamta un: gamsunga singgah limci pente na ip sung uhah pua un la, mipa' tungah letsong-in lingsi tawm, khuaizu tawm, singnai, mor paknamtui, pistakhio gah leh almond gahte puaksuk un.

Piancilna 37:25

Tua ciangin amaute an ne dingin tu uh hi; a khuadak toh uh leh Gilead panin Ishmael mite a kalaohte uh tawh singnai, lingsi, Mirrah paknamtui pua-in Izipt-ah puak suk dinga a pai mu uh hi.

Jeremiah 31:4

Aw, nungak siangtho ahi Israel aw, nang kong bawl pha kik ding hi. Na khuangte na man kik ding a, a gual nuamte’ laamna-ah na va kihel ding hi.

Jeremiah 31:21

“Lampi-ah ciamtehna bawl un la, lam lahnate phut un. Na paikhiatna uh lampi mah limtakin hong zong kik un. Hong kilehkik un, nungak siangtho tawh a kibang Israel mite aw, na khuapi uh hong zuankik un.