Jeremiah 46:10 - Tedim Bible

¹⁰ Bang hang hiam cih leh tu ni-in a vanglian Topa Pasian’ ni hi a, phu a lak kik ni, a galte a thuhkik ni ahi hi. Namsau in amaute that ding a, a kham mateng a si uh a dawn ding hi. Bang hang hiam cih leh a vanglian Topa Pasian in, Eufrates gun gei leilu lamah amaute biakna piakna-in a nei hi.

Tedim Bible Revision 2017

¹⁰ “Bang hang hiam cih leh tu ni pen Vanglian Topa Pasianʼ ni hi a, phu a lakkik ni, a galte a thuk ni ahi hi. Namsau in amaute that dinga, a kham mateng a si uh a dawn ding hi. Bang hang hiam cih leh Vanglian Topa Pasian in Eufratis gun gei leilu lamah amaute biakna-in a nei hi.

Jeremiah 46:10 Referans Kwoze

Thu-hilhkikna 32:42

Ka thaltangte si ka tawksak ding a, ka namsau in mi that ding hi—a kithatte leh a kimante, kei hong langpangte, si ding hi,’ a ci hi.

Joel 1:15

Kalai! A hun hong nai ta! Topa’ ni hong nai ta a, Vanglianpa’ suksiatna hong nai ta hi.

Jeremiah 46:2

Josiah’ tapa Jehoiakim, Judah gamah kumpi a suah zawh kum li a phak hunin Babilon kumpipa Nebukhadnezzar in Eufrates gun gei Karkhemish khua-ah Izipt kumpipa Faro Neko simin a zo hi. Izipt kumpipa’ galkapte tawh kisai-in hih bangin a hopih hi:

Jeremiah 46:6

A manlang pente zong paikhia thei tuan lo uh a, galkapte zong suakta lo uh hi. Leilu lam Eufrates gun geiah, hoi-in a tuk uh hi.

Luka 21:22

Bang hang hiam na cih uh leh, tua ni ciangin a kigelh kholsa khempeuh a tun’ nadingin daanpiak ni ahi ding hi.

Joel 2:1

Zion mual tungah peengkul tum un la, Pasian’ mual siangtho tungah pataukohna tum un. Topa’ ni hong nai ta ahih manin, gamsung mi khempeuh lau ta uh hen.

Jeremiah 51:6

“Babilon khuapi sung panin taikhia un; mi khempeuh kisuahtak tek un! Babilon’ mawhna sihpih kei un, bang hang hiam cih leh a mawhna banga a thuak nadingun hih hun in Topa’ thuhkik hun ahi hi.

Jeremiah 50:15

Khuapi sim dingin a kimkotah awng un. Babilon khua in hong lel khin zo hi. A galdalte uh cim khin a, a kulhte uh puk khin hi. Hih in Topa’ phulakna ahih manin, amau’ tungah phu la un; mite’ tung-a ahih bangun amau tungah bawl un.

Isaiah 63:4

Ka mite ka hotkhiat nading hun ta ka sa a, a galte uh phulak ding hun hi ta hi, ci-in ka ngaihsun hi.

Isaiah 13:6

Topa’ ni hong nai ahih manin nakpi-in kap un; Vanglian Pa’ kiang panin suksiatna hong tung ta ding hi.

2 KUMPI NIHNATE 24:7

Tua ciangin Babilon kumpipa in Izipt Lui panin Eufrates gun dong Izipt kumpipa’ neih khempeuh laksak khin ahih manin Izipt kumpipa a gam panin hong kuankhia kik nawn lo hi.

Isaiah 61:2

Topa maipha ngah kum, a galte tungah Pasian phulak ding hun a tun’na thu a gen ding, a thuum mi khempeuh a hehnem ding;

JOB (Job) 24:1

“Pasian in bang hangin thu a khen ni ding hun seh lo a, ama na a semte thutang ahihna a lah ni ding seh lo ahi hiam?

Isaiah 31:8

“Assiria pen mihing’ namsau ahi lo, namsau khat tawh puk ding a, mihing namsau ahi lo, namsau khat in susia ding hi; namsau panin tai ding uh a, a tangvalte uh zawhthawh thu tawh nasem dingin kikoih ding hi.

Jeremiah 12:12

Sehnel gam mualsang panin a susia dingte hong pai zo uh hi. Gam mong khat panin gammong khat dongah a lungmuang kuamah om lo hi. Bang hang hiam cih leh Topa’ namsau in mi khempeuh a vattuk hi.

Jeremiah 46:14

“Izipt gam leh Migdol khua-ah va gen un; Memfis khua leh Tahpanhes khua-ah va tangko un: ‘Kigalging sa leh kithawi sa-in om un, bang hang hiam cih leh namsau-in note hong kithat khin ding hi,’ va ci un.

Jeremiah 50:18

Tua ahih manin a vanglian Topa, Israel mite’ Pasian in kong cih-inah: En un, Assiria kumpipa daan ka piak mah bangin Babilon kumpipa leh a gam ka thuak sak ding hi.

Ezekiel 21:28

“Ezekiel aw, mailam thu gen in la, Topa Pasian ahi keimah in Israel mite a simmawh bawl Ammon mite tawh kisai-in ka thugen, hih bangin amaute kiangah gen in: A vatlum dingin namsau khat a baihsa-in om a, mi thah nadingin kinawtngil a, khuaphia bangin a tee zialzial dingin kibawl hi.

Zekhariah 6:6

Sakol vomte in a kaih leeng pen leilu lam Babilon gamah a pai ding hi a, sakol kangte nitumna lam, sakol gialte leitaw lam, sakol sante nisuahna lam gamah a pai ding ahi hi.

Isaiah 2:12

Bang hang hiam cih leh Vanglianpen Topa in a sehsa ni nei hi, a kiphasak leh a kiliansak khempeuh, a kisangsak leh a sangte khempeuh niamkhiat suk ding hi;