Jeremiah 45:5 - Tedim Bible

⁵ Tua panin nang a peng thei tuam dingin kingaihsun na hi hiam? Tua bangin kingaihsun kei in; bang hang hiam cih leh, en in, Topa in kong cih-inah, mi khempeuh’ tungah gimna ka tung sak ding hi. Ahih hangin nang pen na paina mun khempeuh ah kong suakta sak liailiai ding hi,” a ci hi.

Tedim Bible Revision 2017

⁵ Tua sung panin nang a peng thei tuam dingin kingaihsun na hi hiam? Tua bangin kingaihsun kei in; bang hang hiam cih leh en in, Topa in kong cih in ah, mi khempeuh tungah gimna ka tungsak ding hi. Ahih hangin nang pen na paina mun khempeuh ah kong suaktasak liailiai ding hi, ci hi,” ka ci hi.

Jeremiah 45:5 Referans Kwoze

Jeremiah 39:18

Bang hang hiam cih leh nang kong honkhia taktak ding a, namsau tawh thahna na thuak kei ding hi. Topa in kong cih-inah, kei hong muang na hih manin na nuntakna na suahtak liailiai ding hi, hong ci hi,’ ci-in va gen in,” a ci hi.

Hebru 13:5

Sumduh luatna tawh na kipelh un. Na neihsa zah uh sum tawh lungkim un. Bang hang hiam na cih uh leh, “Keimah in nang kong paisan ngei kei ding hi, zong kong nusia ngei kei ding hi,” ci-in Pasian in hong gen zo hi.

Jeremiah 21:9

Hih khuapi sunga a om mi peuhmah namsau tawh ahi zongin, kial tawh a hi zongin, pulnatna tawh a hi zongin a si ding uh hi. Ahih hangin pusuak khia-a, note a hong do Khalde mite kianga a lut peuhmah a nungta ding uh a, a suakta liailiai ding uh hi.

ROM (Romans) 12:16

Khat leh khat na lungsim uh na kituaksak un. Min san’na na lunggulh kei un. Lung kiniamsakna deih un. Kei mipil mi ka hi ci-in kingaihsun kei un.

Jeremiah 25:26

a gamla hi taleh a nai hi taleh leilu lama a om kumpite khempeuh khat khit ciangin khat ka dawn sak a, tua khit ciangin leitunga om gam khempeuh ka dawn sak hi. A tawpna ah Babilon kumpipa in a dawn ding hi.

Zefaniah 3:8

Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte leh kumpi gamte kaikhawmin, ka hehna ka thuaksak ding, ka lungsim ka khentat khin hi. Ka heh luatna meikuang tawh, leitung khempeuh kangtum ding hi.

Jeremiah 38:2

Jeremiah in mite’ kiangah, “Topa in hong cih-inah, Hih khuapi sunga a om mi peuhmah namsau tawh ahi zongin, kial tawh ahi zongin, pulnatna tawh ahi zongin a si ding uh hi. Ahih hangin pusuak khia-in Khaldea mite a beel peuhmah a nungta ding a, a suakta liailiai ding uh hi.

2 KUMPI NIHNATE 5:26

Ahih hangin amah in ama kiangah, “Nangmah dawn dingin a leeng tung panin mipa a kihei lai takin nang tawh ka kha omkhawm hilo ahi hiam? Sum leh puante, oliv huante leh leenggui lote, tuute leh bawngtalte, nasem numeite leh nasem pasalte san’ ding hun ahi hiam?

Piancilna 6:12

Pasian in leitung mu hi, en un, kisia hi; bang hang hiam cih leh leitungah mi khempeuh a sia-in a gamta lo kuamah om lo hi.

Isaiah 66:16

Bang hang hiam cih leh Topa in mei tawh thukhenna sem ding a, a mawh mi khempeuh tungah a namsau tawh thukhen ding hi; Topa in a thah mite tam mahmah ding hi.

1 KUMPI MASATE 3:9

Tua ahih ciangin keimah in a sia leh a pha ka theih theih nadingin na mite uk nading thu theihtelna lungsim na nasempa hong pia in; bang hang hiam cih leh hih a lian a tam na mite kua in uk zo ding ahi hiam?” a ci hi.

1 KUMPI MASATE 3:11

Pasian in ama kiangah, “Nangmah in hih thu hong ngenin, nangma adingin khan’ sauna ahi a, hauhna ahi a, na galte’ nuntakna ahi zongin hong ngen loin, a man thu theih nadingin nang adingin thu theihtelna hong ngen na hih manin,

Late 131:1

Topa aw, ka lungsim kiliansak nawn lo a, kei ka kihisak nawn kei hi; kei adingin a lian lua leh a lamdang luate ngaihsutin ka nei kei hi.

Jeremiah 25:31

A awging in leitung mong dongah kithawn ding hi, bang hang hiam cih leh gamte’ lang khatah Topa pang hi. Amah in mi khempeuh thu sit ding a, mi gilote namsau tawh a thatlum ding hi, Topa in ci hi.

Jeremiah 25:15

Topa, Israel mite’ Pasian in hih bangin kei hong hopih a, “Ka khut tung panin hehna tawh a kidim hih leenggah tui hai la in la, kong sawlna gamte khempeuh dawn sak in.

Jeremiah 25:16

Amaute in a dawn ding uh a, amaute kiang-a ka sawl namsau hangin hoi dangdangin a hailawh ding uh hi,” hong ci hi.