Jeremiah 45:3 - Tedim Bible

³ Nangmah in, ‘Gimna ka thuak hi! Bang hang hiam cih leh Topa in ka dahna leh ka natna hong behlap hi. Ka tautauna-in ka gim khin zo a, ka tawlnga thei kei hi,’ na ci hi.

Tedim Bible Revision 2017

³ Nangmah in, ‘Gimna thuak ing! Bang hang hiam cih leh Topa in ka dahna le ka natna hong behlap hi. Ka tautauna-in ka gim khinzo a, ka tawlnga thei kei hi,’ na ci hi.

Jeremiah 45:3 Referans Kwoze

Galati 6:9

Eite in lungkia loin gamtat hoih gamta ni. Bang hang hiam na cih uh leh, lungkia loin i om leh, a hun a tun’ ciangin a gah i at ding hi.

2 KORIN NIHNA 4:16

Tua ahih ciangin thanem lungkia loin ka om uh hi. Kote uh pum pua lamah a om mi in a kisiatsiat hangin ka pum sung uhah a om mi in ni khat nung ni khat kibawl thakna a ngah hi.

2 KORIN NIHNA 4:1

Tua ahih ciangin komau in tua nasepna za ka ngah uh ahih ciangin, a hong hehpihna thupha ka ngah uh mah bangin thanem lungkiatna ka nei kei uh hi.

2 THESALONIKA NIHNA 3:13

Ute naute aw, no na hih uh leh, thakiam loin ahoih nate na gamta un.

Kah la 3:32

Dahna hong thuaksak thei ding hi, ahih hangin eite a hong itna in muanhuai in a kip tawntung hi.

Kah la 1:22

A gitlohna hangun amau tungah thukhen in. Ka mawhna hanga daan nong piak mah bangin amaute zong daan pia in. Gimna ka thuak manin ka tau a, ka lungtang a gim hi.

Kah la 1:13

Amah in vantung panin meikuang hong khia a, ka sung lam a hong kang hi. Amah in thang hong siah a, awk-in lei lakah ka kipuk hi. Tua bangin natna ka thuak tawntung hi.

Jeremiah 9:1

Aw, ka lu tuikhuk hi-in, ka mitte khitui nak hi tazen leh pawh, ka mite’ kithahlupna hangin a sun a zanin kapkap mai ning!

Jeremiah 8:18

Ka dahna dam thei lo a, ka lungsim na mahmah hi.

Paunak 24:10

Haksakna na tuah ciangin na lung a kiat leh, a gina lo mi na hi hi.

Late 120:5

Note lakah ka om khak pen, Meshek gam sunga teen’ khak sangin haksa zaw a, Kedar mite’ lak-a teen’ khak sangin siahuai zaw hi.

Late 69:3

Ka kiko-kona-in ka gim a, ka gawlgui keu ta hi. Ka Pasian ka ngakna-in ka mitte maang ta hi.

Late 42:7

Nangma tuizeu ging tawh tui thukte khat leh khat kidawng a, na tuihual neu leh na tuihual liante in kei hong tuum hi.

Late 27:13

A hingte gam sungah Topa’ hoihna mu dingin ka ki-um hi.

Late 6:6

Ka tautauna-in ka gim hi; zan sialin ka khitui in ka lupphah tum a, ka kahkahna-in ka lupna kawt dikdek hi.

JOB (Job) 23:2

“Tu lai takin Pasian tungah phun lo, heh lo in ka om thei kei a, thuum loin ka om thei kei hi.

Jeremiah 45:2

“Baruk aw, Topa, Israel mite’ Pasian in nang hong hopih hi.

Late 6:7

Dahna hangin ka mit mial a, ka galte’ hangin ka mitzung zaw semsem hi.