Jeremiah 44:7 - Tedim Bible

⁷ Tu-in a vanglian Topa Pasian, Israel mite’ Pasian in kong gen-inah: Bang hangin’ note in hih bangin note’ siat nadingin mawhna lianpi bawl na hi uh hiam? Judah gam sungah papi, nupi, naupang leh naungek-a kipan a nungta lai kuamah om nawn kei hen, cih na deihna uh ahi hiam?

Tedim Bible Revision 2017

⁷ “Tu-in Vanglian Topa Pasian, Israel miteʼ Pasian in kong genin ah: Bang hangin note in hih bangin noteʼ siat nadingin mawhna lianpi bawl na hi uh hiam? Judah gam sungah papi, nupi, naupang le naungek a kipan a nungta lai kuamah om nawn kei hen, cih na deihna uh ahi hiam?

Jeremiah 44:7 Referans Kwoze

Habakkuk 2:10

Note’ vaihawmna mah in na mite uh tungah maizumna hong tun’ a, minam dangte na suksiatna uh tawh, note mahmah siat nading a bawl na hi uh hi.

Jeremiah 51:22

Papite leh nupite, khanghamte leh khangmoite, tangvalte leh nungakte,

Gamlak-vakna 16:38

amau’ nuntakna a beina dongin a khial hih mite’ paknamtui beelte siangtho hi; tua ahih ciangin biakna tau sitna kuangdai dingin seek un; bang hang hiam cih leh amaute in Topa mai-ah tuate pia uh hi; tua ahih ciangin tua nate siangtho hi. Israel mite tungah tua bangin hih nate in lim khat hi ding hi,” a ci hi.

Ezekiel 33:11

Amaute kiangah hih bangin gen in: Keimah in a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deihna hi zaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Kah la 2:11

Ka kah kahna-in ka mit paat gawp a, ka lungsim a gim lua mahmah hi. Ka mite kisiatna hangin dahin husamin ka bah gawp hi. Naupangte leh naungeekte kongzing lakah a sibup uh hi.

Jeremiah 44:14

Izipt gamah pai-a a teeng Judah mi a om laite in a zuatkik nop uh ahi Judah gamah ciahkik thei nawn loin khat beek suakta loin, zong a nungta suak kei ding uh hi. Galtai pawl khat longal khat beek a suakta kei ding uh hi,” a ci hi.

Jeremiah 9:21

Bang hang hiam na cih uh leh tawlet vangte panin sihna hong lutin, kumpipa’ inn sungah zong hong lut hi. Kong zinga naupangte a vatmang a, sumbuka tangvalte a vatlum hi.

Jeremiah 7:19

Topa in kong cih-inah, tua hangin gimna a thuak, kei hi zenzen ka hi hiam? Hilo hi. Amau’ zum nadingin amau mah in thuak uh hi zaw lo ahi hiam?

Paunak 15:32

Kithuhilh ding a ut lote amahmah a kisusia hi a, kithuhilh ding a utte pil semsem hi.

Paunak 5:22

Migilopa’ mawhna in thangzak bang hi a, ama mawhna thang sung mahah amah awk hi.

1 SAMUEL MASA 15:3

Tu-in pai-in Amalek mite vatgawp un la, amaute’ neih khempeuh susia mang khin un; amaute siit loin, numei leh pasal, naupang leh nawine laite, bawngte leh tuu, kalaoh leh la, that un,’ ci hi,” a ci hi.

Thukhente 21:11

Hih bangin na hih ding uh hi; pasal khempeuh leh pasal tawh a lum khawmsa numei khempeuh na sumai ding uh hi,” ci-in thu pia uh hi.

Joshua 6:21

Tua ciangin amaute in khuapi sunga om khempeuh numei leh pasal, a moi a ham, bawngtalte, tuute, leh late khempeuh namsau tawh that mang khin uh a, khuapi Topa tungah ap uh hi.

Thu-hilhkikna 32:25

Namsau in amaute gamlakah susia in, inn sungah launa lianpi om ding a, tangval leh nungak, naungek nawi nete sam kangsate tawh susia khawm ding hi.

Jeremiah 44:8

Note in si-in, leitunga minam dang khempeuhte in kihaamsiatna-a hong zat ding uh leh a hong simmawh nadingun bang hangin na khut uh tawh milim bawl-in na teen’ nadingun na zuat uh Izipt gamah pasian dangte’ kiangah paknamtui hal-in kei hong hehsak na hi uh hiam?

Jeremiah 42:20

Na sih nadingun lam na pial khin uh hi. Bang hang hiam cih leh Topa na Pasian uh’ kiangah, kei nong paisak uh a, ‘Ko adingin Topa i Pasian kiangah thu hong ngetsak in. Topa i Pasian in a hong gen peuhpeuh ko kiangah hong gen in. Ko zong ka mang ding uh hi,’ nong ci uh hi.

Jeremiah 26:19

Judah kumpipa Hezekiah leh Judah mi khempeuhte in amah that zenzen uh ahi hiam? Kumpipa in Topa zahtakin Topa’ pahtak ding a nget ciangin Topa in zong amau’ tunga siatna tun’sak dinga a gensa khelkik zaw hilo ahi hiam? Ahih hangin eite in eite’ tungah siatna lianpi khat i tungsak dekdek hi,” a ci uh hi.

Jeremiah 25:7

Ahih hangin Topa in kong cih-inah, note in ka thu nong ngai kei uh a, note’ daan thuak nading mahin na khut uh tawh milim bawlin nong hehsak uh hi.

Paunak 8:36

Ahi zongin kei hong mu lopa in amahmah a kisusia hi a, kei hong mudah peuhmah, a si nuam ahi hi,” hong ci hi.

Paunak 1:18

Ahi zongin hih mite in amau’ awk nading mah thang siah uh a, kuamahdang awk loin, amau mah hai awk uh hi!

1 SAMUEL MASA 22:19

Amah in siampite’ khuapi Nob khua sunga om nuntakna a nei khempeuh namsau tawh hih hi, numei leh pasal, naupang leh nawine, bawngtalte, late leh tuute, namsau tawh that khin hi.

Jeremiah 3:24

“Ahih hangin i neu lai-a kipan a zumhuai Baal pasian i biakna hangin i pute i pate’ nasep sa ahi tuute leh bawngte, a tapate le a tanute uh khempeuh i sum khin zo hi.

Kah la 2:22

Kei hong dipkua sak dingin ka galte pawisiim ding bangin na sam a, amaute in hong umcih uh a, na heh ni-in a suakta zo khat beek a om kei hi. Ka hawmthawh ka it ka tate hong thahsak uh hi.

Jeremiah 25:6

pasian dangte’ nung delh loin, a na sem loin na biak kei uh a, na khut uh tawh na bawl uh milimte peuh bia-in nong hehsak kei uh leh, note bangmah kong cih kei ding hi,’ ci-in hong gen uh hi.

Jeremiah 38:17

Tua ciangin Jeremiah in Zedekiah kiangah, “Topa, a vanglian Pasian, Israel mite’ Pasian in hong gen-inah, Babilon kumpipa’ uliante na belh leh na nuntakna hong kihu ding a, hih khuapi in zong mei tawh hal tumna thuak loin nang leh na innkuanpihte na suakta ding uh hi.

Ezekiel 9:6

Puteek, nungak tangval, numei naupang dong takin va that un la, ahi zongin a taltangah ciamtehna a nei peuhmah su kei un. Hih ka biakinn mahmah panin kipan pah un,” a cihna ka za hi. Tua ahih manin tua biakinn sunga ding Israel makaite, kipatna in nei pah uh hi.