Jeremiah 44:5 - Tedim Bible

⁵ Ahih hangin amaute in ka thu hong ngai loin a bil uh hong dawh lo uh a, a gitlohna uh panin kihei loin, pasian dangte’ kiangah paknamtui hal veve uh hi.

Tedim Bible Revision 2017

⁵ Ahih hangin amaute in ka thu hong ngai loin a bil uh hong ngat lo uh a, a gitlohna uh panin kihei loin, pasian dangte kiangah paknamtui hal veve uh hi.

Jeremiah 44:5 Referans Kwoze

Jeremiah 19:13

Jerusalem khua-a innte leh Judah kumpite’ innte—inn khum tung pan vantunga aksite khempeuh tungah paknamtui hal biakna kipiakna innte leh pasian dangte tunga dawn ding biakna a kibuakna innte khempeuh a vek-in Tofeth mun bangin a nin a suak ding hi, a ci hi,’ va ci in,” hong ci hi.

Jeremiah 11:10

Ka thu a ngai nuam lo a pu a pate uh’ mawhna lamah a kileh hei khin zo uh a, pasian dangte’ na sem dingin a zui khin zo uh hi. Israel mite leh Judah mite in a pu a pate uh tawh ka bawlsa uh ka thuciamna a palsat khin zo uh hi.

Jeremiah 11:8

Ahih hangin amaute in ka thu hong mang loin a bil uh hong ngat lo uh a, a gitlohna lungsim uh a zui tentan uh hi. Hih thuciamna a zuih ding uh thu ka piak hangin hong nial uh ahih manin tua sunga thute a vekpi-in ka tung sak ding hi,” hong ci hi.

Jeremiah 7:24

Ahih hangin amaute in ka thu hong mang lo uh a, a bil uh hong ngat lo uh hi. Amau’ gitlohna lungsim uh zui-in amau’ thuthu-in a omzaw uh a, mainawt loin a nungkin zaw uh hi.

Isaiah 48:18

Ka thupiakna a ngai hi hoh leteh! Nangma nopsakna pen gunpi bang ding a, na thumanna pen tuipi tuihualte tawh kibang ding hi;

Isaiah 48:4

Note pen paupeng-in, na ngawng uh sik thagui bang hi-in, na taltang uh sumngo banga sak a hihna thei ka hih manin,

2 KHANG TANGTHU NIHNATE 36:16

ahih hangin a mite tungah Topa’ hehna a suah ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

Jeremiah 13:10

Ka thu hong ngai nuam lo-a, amau’ ngaihsutna bang bek-a a pai tentan nuam, pasian dangte’ nasem ding leh bia dinga a nung zuih hih mi gilote in zat theih ding ahi nawn lo, hih dialkaih bang ahi ding uh hi.

Jeremiah 43:4

Tua ahih manin Kareah’ tapa Johanan leh galkap mangte khempeuh-a kipan mi khempeuh in Judah gama om suak nading Topa’ thugenna a mang kei uh hi.

Daniel 9:6

Ka kumpite uh, ko hong ukte uh, ka pu ka pate uh leh minam khempeuhte tunga na min tawh thu a hong gen na nasem kamsangte’ thu ka ngai kei uh hi.

Nehemiah 9:30

Kum tampi sung lungduaina tawh amaute na thuak a, na kamsangte tung tawnin na Kha Siangtho tawh amaute na hilhkhol hi; ahi zongin amaute in ngai nuam lo uh hi. Tua ahih ciangin gamdang mite khut sungah amaute na pia hi.

Jeremiah 11:13

Bang hang hiam cih leh, Judah aw, na khua om zahzah uh pasian na nei uh a, Jerusalem khua kongzing om zahzah meihal biakna tawh Baal biak nading a zum huai biakna taute na bawl tazen uh hi.

Jeremiah 11:17

Israel mite leh Judah mite in mei halna tawh Baal bia-in hong heh sak-a siatna a bawl manun, nang a hong phut keimah a vanglian Topa in nang’ tungah siatna tun’ nading thu kong pia zo hi,” a ci hi.

Hosea 11:2

Ahi zongin tapa bangin limbawl semsem leng, kei kiang panin gamla pai semsem hi. Ka mite in Baal tungah biakna pia uh a, milim biakna-in paknamtui hal uh hi.