Jeremiah 44:4 - Tedim Bible

⁴ Ahih hangin note kiangah ka nasem kamsangte khempeuh kong sawl a, ‘Ka muhdah hih a kihhuai na na hih nawn kei un,’ ci-in kong gensak tawntung hi.

Tedim Bible Revision 2017

⁴ Ahih hangin note kiangah ka nasem kamsangte khempeuh kong sawl a, ‘Ka muhdah hih a kihhuai na na gamta nawn kei un,’ ci-in kong gensak tawntung hi.

Jeremiah 44:4 Referans Kwoze

Jeremiah 26:5

note in a thu na man’ ngei loh uh ahi, kong sawl zelzel ka nasem kamsangte’ thu na thupisim kei uh leh

Jeremiah 7:25

Na pu na pate uh Izipt gam pan-a a hong paikhiat ni uh-a kipan tu ni ciang dong, ni khat khit ni khat, ka nasemte ahi kamsangte ka sawl tawntung a,

Jeremiah 7:13

Tu-in zong, hih nate khempeuh na hih uh a, kong gengen hangin hong ngai tuan loin kong sap hangin hong dawng lo na hih manun, Topa in kong cih-inah,

Zekhariah 7:7

Jerusalem cithei-in a khua sungah mi tampi omin, leitaw lam gam, nitumna lam gam, a kim a pam khuapite-ah mi tampi teengin a om hun lai takin, tu-a mah bangin Topa in a kamsang masate’ tung tawnin a gensa thu ahi hi.

Ezekiel 16:47

Amaute’ khekhap zui-in a muhdahhuai amaute’ gamtatnate bek tawh na lungkim zo nai kei lai a, tawmvei sungin na gamtatna khempeuh ah amaute sangin na sia zaw hi.

Ezekiel 8:10

Kei zong a sungah tumin ka khuadak hi. Kawm tung khempeuh ah gul lim, adang ganhing ninte lim, leh Israel mite’ biak milim khempeuh a kisuai ziazua ka mu hi.

Jeremiah 29:19

Bang hang hiam cih leh, Topa in kong cih-inah, ka nasem ka kamsangte’ tung tawnin kong puak ngitnget thute amaute in thupisim loin a hong mang kei uh hi.

Jeremiah 16:18

Amaute’ khialhna leh a mawhnate uh a zah nih-in ka thuk ding hi; bang hang hiam cih leh amaute in a muh thadah huai siluang hawmte tawh kibang milimte tawh ka gam a ninsak uh a, kihhuaina tawh ka gam a dimsak uh hi,” hong ci hi.

2 KHANG TANGTHU NIHNATE 36:15

A mite leh ama teen’na mun khasiat ahih manin amau’ pute pate’ Pasian, Topa in a kamtaite amaute kiangah sawl teitei hi;

1 PETER MASA 4:3

Gentailte’ deihna zui-in lunggulhna a nin deihgawhna, leenggahzu khamna, pawikhamna, tam dawn luatna, a kihhuai milim biakna-ah om theih nading hunte a kicing ta hi.

Ezekiel 16:36

Topa Pasian in hih bangin ci hi: Nang in na puante suahkhia-in, numei paktat bangin na pumpi na lunggulh mite leh na milimte tungah kipia-in, milim biakna-in na tate that na hih manin,

Jeremiah 35:17

Tua ahih manin keimah Topa, a vanglian Pasian, Israel mite’ Pasian in kong gen-inah: En un, Judah mite leh Jerusalem khua-a teeng mi khempeuh tungah a tung ding a, ka gen khiatsa siatna khempeuh ka tungsak ding hi. Bang hang hiam cih leh amau tungah ka gen hangin amau in ka thu hong ngai lo uh a, amaute ka sap hangin hong dawngkik lo uh hi, ci hi, ci-in va gen in,” a ci hi.

Jeremiah 32:33

Amaute in kei hong nung ngat-in hong thudon lo uh a, ka hilh tawntung hangin ka hilhna a hong mang kei uh hi.

Jeremiah 32:34

Amaute in ka min tawh a kilo biakinn sung nangawn ah a kihhuai milimte a koih uh a, a ninsak uh hi.

Jeremiah 32:35

En-Hinnom Mualkuam-ah a tapate leh a tanute uh meihal biakna tawh Molek pasian a biak nadingun Baal biakna tau sangte a bawl uh hi. Hih a kihhuai na semin, Judah mite mawhna a bawl sak nadingun amaute ka sawl kei a, zong ka ngaihsun kha ngei beek kei hi.

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna-uh panin kihei un la, na gamtat hoihlote uh kipuah pha un. pasian dangte nung delh loin, ama’ na na sep kei uh leh note leh na pute na pate’ kianga kong piak gam sungah na teeng ding uh hi,’ ci-in hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Daniel 9:6

Ka kumpite uh, ko hong ukte uh, ka pu ka pate uh leh minam khempeuhte tunga na min tawh thu a hong gen na nasem kamsangte’ thu ka ngai kei uh hi.

Nehemiah 9:30

Kum tampi sung lungduaina tawh amaute na thuak a, na kamsangte tung tawnin na Kha Siangtho tawh amaute na hilhkhol hi; ahi zongin amaute in ngai nuam lo uh hi. Tua ahih ciangin gamdang mite khut sungah amaute na pia hi.

Nehemiah 9:34

Ka kumpite uh, ka uliante uh, ka siampite uh leh ka pu ka pate un nangma thukham zui lo uh a, amaute tungah na piak ahi na thupiaknate leh na hilhkholhnate zong don lo uh hi.

Jeremiah 7:17

Judah gam khuapite sung leh Jerusalem khua kongzing lakah bang hih uh cih mu lo na hi hiam?

Jeremiah 7:18

Naupangte in sing tom-in, a pate un mei a tawh uh a, nupite in a nusian uh vantung kumpinu’ ading tangho a su uh a, kei hong hehsak nadingun, pasian dangte’ dawn dingin biakna a pia tazen uh hi.

Ezekiel 18:31

Na gamtatnasa uh mawhna khempeuh nusia un la, na lungsim leh na ngaihsutna uh thaksuahsak un. Bang hangin no Israel mite si nuam na hi uh hiam?