Jeremiah 44:30 - Tedim Bible

³⁰ Topa in kong gen-inah, En un, Judah kumpipa Zedekiah, a galpa ahi amah a that nuam Babilon kumpipa Nebukhadnezzar’ khut sungah ka piak mah bangin Izipt kumpipa Faro Hofra, a galte’ khut sung, amah a that nuam mite’ khut sungah ka pia ding hi,’ hong ci hi,” a ci hi.

Tedim Bible Revision 2017

³⁰ Topa in kong genin ah: ‘En un, Judah kumpi Zedekiah, a galpa ahi amah a that nuam Babylon kumpipa Nebukhadnezzarʼ khut sungah ka piak mah bangin Egypt kumpipa Faro Hofra, a galteʼ khut sung, amah a that nuam miteʼ khut sungah ka pia ding hi,’ hong ci hi,” ka ci thuah lai hi.

Jeremiah 44:30 Referans Kwoze

Ezekiel 30:21

“Ezekiel aw, Izipt kumpipa Faro’ khut ka kuaihtansak zo hi. A khut dam kikin namsau a tawi zawh nadingin kuamah in a khut tuamsak lo hi.

Jeremiah 34:21

Judah kumpipa Zedekiah leh a kumpi uliante, a galte uh’ khut sungah pia-in, amaute a that nuam mite leh note kiang pan-a a kilehkik khin zo Babilon kumpipa’ galkapte’ khut sungah ka pia ding hi.

Ezekiel 31:18

“Tua singkung in Izipt kumpipa Faro leh ama mite ahi hi. Eden huan-a singkungte nangawn tua zahin lianin hoih zaw lo hi. Ahi zongin, Eden huan-a singkungte mah bangin, Pasian thu a ngaihsun lo, gal sunga a sisate’ omna a zuan dingin, misite’ omna Leinuai a zuan ding ahi hi. Topa Pasian keimah in hih thu ka gen khin hi,” hong ci hi.

Jeremiah 27:7

Ama’ gam kisiat hun a tun’ mateng gam khempeuh in amah-a kipan a tapa leh a tupa’ na a sepsak ding uh hi. Tua khit ciangin gam tampi leh kumpi liante in amah salin a leh neih kik ding uh hi.

Jeremiah 44:29

Note’ siat nading ka gen sa thute a hong tung takpi ding ahihna thu na theih nadingun Topa in kong cih-inah, hih lim note kong pia ding a, hih munah kong thuaksak ding hi: