Jeremiah 44:26 - Tedim Bible

²⁶ Ahih hangin Topa’ thugenna hong ngai un, no Izipt gama om Judah mite aw; en un, Topa in kong cih-inah, Izipt gama om Judah mi khat beek in, ‘Topa a nuntak bangin,’ ci-in ka min zangin a kiciam nawn loh nadingun ka min lianpi tawh ka kiciam khin zo hi.

Tedim Bible Revision 2017

²⁶ Ahih hangin Egypt gamah a om no Judah mite aw, Topaʼ thugenna hong ngai un. En un, Topa in kong cih in ah, Egypt gamah a om Judah mi khat beek in, ‘Topa a nuntak bangin,’ ci-in ka min zangin a kiciam nawn loh nadingun ka min lianpi tawh ka kiciam khinzo hi.

Jeremiah 44:26 Referans Kwoze

Hebru 6:13

Pasian in Abraham thuciamna a piak ciangin, amah sangin a lianzaw tawh ciam ding om lo ahih ciangin amahmah tawh,

Ezekiel 20:39

Topa Pasian in, “Israel mite khempeuh aw, na milimte uh bia un! Ahih hangin tu-a kipanin keima thu nong man’ uh kul ding a, na milimte uh letsong piakna tawh ka min siangtho na daisak nawn kei ding uh hi,” hong ci hi.

Late 50:16

Ahih hangin migilote tungah Pasian in hih bangin ci hi: “Ka thukhamte lawh nading, ka thuciamna na muk uh tawh gen nading note in bang thu nei na hi uh hiam?

Piancilna 22:16

“Keimahmah ka kiciam hi, Topa in ci hi, bang hang hiam cih leh nang in hih thu na bawl khin a, na tapa, na tapa khat bek na humcip kei hi,

Amos 6:8

Topa Pasian thupi takin kiciam khin a, Topa, mihonte’ Pasian in hih bangin ci hi: Israelte’ kiphatsakna ka hua a, a munmuanhuaite uh ka mu nuam kei hi. Tua ahih manin a khuapi leh a sunga om teng, galte khut sungah ka pia ding hi.

Jeremiah 5:2

“Topa a nuntak bangin,” ci-in a kiciam uh hangin a zuaupi uh ahi hi.

Jeremiah 4:2

‘Topa a nuntak bangin,’ ci a, thuman tak, kip tak, thu tang tak-a thu na ciam nak uh leh, gam khempeuh in thupha ka piak ding hong ngen ding uh a, kei sungah amaute a lungdam ding uh hi,” a ci hi.

Hebru 6:18

Bang hang hiam na cih uh leh, Pasian in zuauthu a zang zo lo thu nih hangin eite mai-ah hong kikoih lametna len a, a beel dinga tai eite in hansuahna khauh i ngah nading ahi hi.

Hebru 3:18

“Note in keima nopsakna sungah na tum kei ding uh hi,” ci-in ciamsiatna a thuak mite, a thungai lote sim loh, kua mite ahi uh hiam?

Amos 8:7

Topa, Israel Pasian in ama min liatna tawh kiciam a, “Na gamtat siatnate uh ka mangngilh ngei kei ding hi.

Amos 6:10

Mi khatpeuh a sihna inn panin, mi si pua khia-in a vui dingin, a behte khatpeuh hong pai ciangin, innsung tawng-a a bu mi khatpeuh kiangah, “Hih lai-ah a si dang a om hiam?” ci-in a dot ciangin, “Om lo hi, pau kei in. Topa’ min na lawh khak ding kidawm in,” ci-in kidawng kik ding hi.

Jeremiah 46:18

“A vanglian Topa keimah in Kumpipa ka hi hi. Taber mual in mual khempeuh sangin sang zaw-in Karmel mual in tuipi tungah sangpi-in a dawktoh bangin, no hong simpa’ thahatna a lian mahmah ding hi.

Jeremiah 22:5

Ahih hangin note in hih kammalte na ngaih kei uh leh keimah Topa in kong gen-inah, hih in gamlak suaksak dingin ka kiciam hi.

Jeremiah 7:9

Note in na gu-in, tual that-in, angkawmin, a hi lopi kiciam-in, Baal kiangah meihal biakna pia-in, na theih ngei loh uh pasian dangte delhin,

Isaiah 62:8

Topa in lim takin thuciamna bawl khin zo a, a vangliatna tawh tungsak ding hi: “Na galte’ an dingin na ante ka piakik nawn kei ding a, nangma sepsa leenggahzu gamdang mite in dawn nawn lo ding hi;

Late 89:34

Ka thuciamna siasak loin, ka muk pan-a paikhia thute ka khel kei ding hi.

Gamlak-vakna 14:28

Amaute tungah hih bangin gen in. Topa in, ‘Keimah in a nungta ka hih mah bangin zakna ah na gente uh no tungah ka hong hih ding hi:

Jeremiah 24:8

“Ahih hangin Topa in kong cih-inah: Judah kumpipa Zedekiah leh ama’ gam uk uliante-a kipan hih gama a om suak Jerusalem khua sunga a om lai sun teng leh Izipt gama teengte limci lo lua-a kine thei lo theigahte bangin ka bawl ding hi.

Jeremiah 44:24

Jeremiah in mi khempeuhte’ kiang leh nupi khempeuhte kiangah a gen laina-ah, “Topa’ kammal ngai dih un, no Izipt gama om Judah mite khempeuh aw,

Jeremiah 49:13

Bang hang hiam cih leh Topa in kong cih-inah Bozrah khua in mite’ lipkhap ding, zahpih ding, nusiat ding leh kihaamsiatna a, a zat ding uh a suak ding hi,” a ci hi.

Hosea 4:15

No Israel mite, kei tungah citak loin nong taisan hangun, note bangin Judah mite khial kei ta hen. Gilgal-ah ahi a, Beth-aven-ah ahi zongin pai kei un la, tua lai munah Topa’ min tawh na kiciam kei un.

Jeremiah 44:11

“Tua ahih manin a vanglian Topa, Israel mite’ Pasian in kong gen-inah: En un, note susia dingin na langkhat uhah kei ka ding ding a, Judah gam khempeuh ka susia ding hi.

Jeremiah 44:14

Izipt gamah pai-a a teeng Judah mi a om laite in a zuatkik nop uh ahi Judah gamah ciahkik thei nawn loin khat beek suakta loin, zong a nungta suak kei ding uh hi. Galtai pawl khat longal khat beek a suakta kei ding uh hi,” a ci hi.

Jeremiah 51:14

A vanglian Topa in; ‘Kauphe zah a, tam mite kong simsak ding a, Amaute in note hong zo-in a kiko ding uh hi,’ ci-in keima’ min tawh ka kiciam khin zo hi.