Jeremiah 44:23 - Tedim Bible

²³ Note in paknamtui halin Topa tungah mawh tham loin, Topa’ thu mang loin ama’ thukhamte, a ngeinate leh a hong thupiakte zui lo na hih manun tuni mahin zong hih gimna note tungah hong tung ahi hi,” a ci hi.

Tedim Bible Revision 2017

²³ Note in paknamtui halin, Topaʼ tungah mawh tham loin, Topaʼ thu mang loin ama thukhamte, a ngeinate le a hong thupiakte zui lo na hih manun tu ni mahmah in zong hih gimna note tungah hong tung ahi hi,” ka ci hi.

Jeremiah 44:23 Referans Kwoze

1 KUMPI MASATE 9:9

Tua ciangin amaute in, “Izipt gam panin a pu a pate uh a paikhiatpih Topa a Pasian uh amaute in nusia-in, pasian dangte len uh a, tuate bia-in a na a sepna uh hang ahi hi; tua ahih ciangin Topa in hih siatna khempeuh amaute tungah tungsak hi,’ ci ding uh hi,” a ci uh hi.

Late 119:150

Gitloh ngimna tawh kei hong bawlsia amaute in kei hong neh ta uh hi; amaute in nangma thu ngaihsutin nei lo uh hi.

Nehemiah 13:18

Na pu na pate uh tu-a bang teekin a gamtat manin eite tung leh hih khuapi tungah hih bang siatna khempeuh hong tung hilo ahi hiam? Tua hi napi-in note in sabbath nitsakna tawh Israel tungah hehna tamzaw na tungsak uh hi,” ka ci hi.

2 KORIN NIHNA 6:16

Pasian’ biakinnpi in milimte tawh bangci kizom thei ding hiam? Bang hang hiam cih leh, eite in a nungta Pasian’ biakinnpi i hi hi. Pasian’ thupiakna in: “Amaute sungah ka teeng ding a, amau sungah ka vak kawikawi ding hi; Amau Pasian ka hi ding a, amaute in zong keima mi ahi ding uh hi,” a ci hi.

1 KORIN MASA 10:20

Tua bang ahi kei hi. Gentailte’ biakna in Pasian a biakna uh hi loin, dawigilote a biakna uh ahi hi. Note dawigilote tawh na kipawl ding uh ka deih kei hi.

Kah la 1:8

A minthan’na teng a bei hi, a guaktang in om ahih manin a maizum hi. Thuum in tau a, a zum manin a mai a hum hi. Jerusalem in mawhna lian bawl ahih manin a kihhuai mahmah hi.

Jeremiah 44:21

“Judah gam khuapite leh Jerusalem khua kongzing lakah note, na pute na pate uh, na kumpite uh leh kumpi uliante akipan gamsung mi khempeuh in paknamtui halna na bawl uh ciangin Topa in tua pen a phawk lo sa na hi uh hiam? A ngaihsun lo sa na hi uh hiam?

Jeremiah 44:18

Ahih hangin vantung kumpinu kiangah paknamtui halna leh tuidawn biakna ka hih nawn loh uh-a kipan bangmah ka nei nawn kei uh a, namsau leh kial in hong thatlum zawsop hi,” a ci uh hi.

Jeremiah 44:8

Note in si-in, leitunga minam dang khempeuhte in kihaamsiatna-a hong zat ding uh leh a hong simmawh nadingun bang hangin na khut uh tawh milim bawl-in na teen’ nadingun na zuat uh Izipt gamah pasian dangte’ kiangah paknamtui hal-in kei hong hehsak na hi uh hiam?

Jeremiah 40:3

Ama’ gen mah bangin Topa in tu-in zong a hih khin zo hi. Note in Topa’ tungah mawhin a thu mang lo na hih manun, note’ tungah hih na hong tung ahi hi.

Late 119:155

Migilote, kihonkhia lo ding hi; bang hang hiam cih leh amaute in nangmah thukhamte zui lo uh hi.

Late 78:56

Ahi zongin amaute in Sangpen Pasian ze-etin lehdo uh a, ama teci pan’nate zui loin,

2 KHANG TANGTHU NIHNATE 36:16

ahih hangin a mite tungah Topa’ hehna a suah ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

Late 78:10

Amaute in Pasian’ thuciamna zui lo uh a, ama thukham bangin gamta nuam lo uh hi.

Late 119:136

Mite in nangma thu zui lo ahih manin ka khitui hawk luan’in a luang hi.

Jeremiah 26:4

Nangmah in amaute’ kiangah, ‘Topa in hih bangin ci hi: Note in ka thu hong ngai loin, note’ mai-a kong lah sa ka thukham bangin na gamtat kei uh a,

Jeremiah 44:2

“A vanglian Topa, Israel mite’ Pasian in kong gen-inah: Note in Jerusalem khua leh Judah gam khuapi khempeuh tungah ka tun’sak gimna na mu zo uh hi. En un, tu ni-in tua khuate a siasa mahin om lai-a kuamah teeng lo hi.

Jeremiah 44:3

Bang hang hiam cih leh amaute in ka heh nadingin gitlohna bawl uh a, amaute-a kipan note leh na pute na pate un a theih ngei loh uh pasiante’ na semin paknamtui hal-in a bia uh hi.

Jeremiah 44:10

Amaute in tuni ciang dong kiniamkhiat lo uh a, hong zaktak loin, note leh na pute na pate kianga kong piak ka thukhamte leh ka ngeinate na zui kei uh hi.

2 KUMPI NIHNATE 17:15

Amaute in ama thukhamte, leh a pu a pate uh tawh a bawl a thuciamna, leh amaute tungah a piak hilhkholhnate simmawh uh hi. Amaute in a mawkna milimte zui-in a mawkna suak uh a, amaute tawh kibangin gamta kei un ci-in Topa in a thupiak tawh kisai-in, amaute in amau’ kim-a om minamte zui uh hi.

Daniel 9:13

Moses’ thukham sunga kigen daan khempeuh ka thuak uh hi. Topa Pasian aw, tu nangawnin zong nangma maipha hong zong loin, na thuman ka zuih theih nangun mawhna ka kisik kei uh hi.