Jeremiah 44:19 - Tedim Bible

¹⁹ Nupite in zong, “Vantung kumpinu’ tungah ama’ lim a suun dingin moh bawl-in paknamtui halna leh tui dawn biakna ka bawl uh ciangin ka pasalte uh’ thukim loh pi-a bawl ka hi zenzen uh hiam?” a ci uh hi.

Tedim Bible Revision 2017

¹⁹ Nupite in zong, “Vantung kumpinuʼ lim a sun dingin moh bawlin paknamtui halna le tui dawn biakna ka bawl uh ciangin ka pasalte uhʼ thukim lohpi-in a bawl ka hi zenzen uh hiam?” a hong ci uh hi.

Jeremiah 44:19 Referans Kwoze

Jeremiah 7:18

Naupangte in sing tom-in, a pate un mei a tawh uh a, nupite in a nusian uh vantung kumpinu’ ading tangho a su uh a, kei hong hehsak nadingun, pasian dangte’ dawn dingin biakna a pia tazen uh hi.

Jeremiah 44:15

Tua ciangin a zite un pasian dangte kiangah paknamtui a hal lam a thei papi khempeuh leh tua lai-a ding nupi khempeuh-a kipan Izipt gam leitaw lama teeng mi khempeuh, a vekpi-in mi tampi tak in Jeremiah’ kiangah:

2 KHANG TANGTHU NIHNATE 21:6

Amah in Ahab innkuan mah bangin Israel kumpite’ lampi zui hi; bang hang hiam cih leh Ahab’ tanu in ama zi ahi hi. Topa’ muhna ah amah a sia gamta hi.

1 KUMPI MASATE 21:25

Ama zi Jezebel in a hanthot Ahab bangin Topa’ muhna ah a sia gamta dingin amahmah a kipia tawm mi kuamah om lo hi.

Piancilna 3:6

Tua ahih ciangin singkung a hoihna, mi a pilsak dingin tua singkung a deihhuaina a muh ciangin, a singgah lo-in a ne hi; amah in zong singgah kimkhat a pasal pia a, a pasal in zong ne hi.

Paunak 11:21

Migilote in daan a thuak hamtang nading, midikte daan tawh a kipelh nading thei in.

Jeremiah 44:20

Tua ciangin Jeremiah in tua bang a, a dawng kik papi, nupi-a kipan mi khempeuh kiangah,

Gamlak-vakna 30:8

Ahih hangin, a pasal in tua thu a zak ni-in a lungkim lohna a gen leh, amah a kikhih tawmna ahi numei’ tunga om kamciamna leh ngaihsun lopi-in a kam paunate amah in phiatsak ding hi; Topa in tua nu maisak ding hi.

Gamlak-vakna 30:12

Ahih hangin a pasal in tua thute a zak ni-in a phiatsak leh, ama thuciamna tawh kisai-in a kam pana a gingkhia peuhmah ahi a, amahmah a kamciamna tawh kisaite ahi zongin kip lo ding hi: a pasal in tuate phiatsak ahih manin Topa in tua nu maisak ding hi.