Jeremiah 44:18 - Tedim Bible

¹⁸ Ahih hangin vantung kumpinu kiangah paknamtui halna leh tuidawn biakna ka hih nawn loh uh-a kipan bangmah ka nei nawn kei uh a, namsau leh kial in hong thatlum zawsop hi,” a ci uh hi.

Tedim Bible Revision 2017

¹⁸ Ahih hangin vantung kumpinu kiangah paknamtui halna le tui dawn biakna ka hih nawn loh uh a kipan bangmah ka nei nawn kei uh a, namsau le kial in hong that lum zawsop hi,” a hong ci uh hi.

Jeremiah 44:18 Referans Kwoze

Jeremiah 40:12

Tua ciangin Judah mi khempeuh a kitheh thangna mun khempeuh panin Judah gamah hong ciahkik uh a, Mizpah khua Gedaliah’ kiangah hong pai uh hi. Lenggahzu leh khuakhal an tampi a kaikhawm uh hi.

2 KHANG TANGTHU NIHNATE 28:23

Bang hang hiam cih leh amah a zo Damaskas’ pasiante tungah biakna pia-in, “Siria kumpite’ pasiante in amaute huh ahih manin amaute in kei hong huh theih nadingin amau’ tungah biakna ka pia ding hi,” ci hi. Ahih hangin tua pasiante in amah leh Israel khempeuh’ siatna ahi hi.

Jeremiah 19:13

Jerusalem khua-a innte leh Judah kumpite’ innte—inn khum tung pan vantunga aksite khempeuh tungah paknamtui hal biakna kipiakna innte leh pasian dangte tunga dawn ding biakna a kibuakna innte khempeuh a vek-in Tofeth mun bangin a nin a suak ding hi, a ci hi,’ va ci in,” hong ci hi.

Hosea 2:5

A nu uh a paktat hi a, tua ahih manin amaute, tua a paai numei in zumna mel thei loin a gamta ahi hi. Amah in, “Ka it pasal dangte kiangah ka pai ding hi; amaute in an leh tui, samul puan leh saihadial puan, leh oliv thau leh zu hong pia uh hi,” a ci zaw lai hi.