Jeremiah 44:17 - Tedim Bible

¹⁷ Ahih hangin ka ciamsa uh bangin kote, ka pute ka pate, ka kumpite uh leh kumpi uliante in Judah gam khuapite leh Jerusalem khua kongzing lakah ka hih ngei uh bangin vantung kumpinu kiangah paknamtui hal-in tuidawn biakna ka hih zaw ding uh hi. Bang hang hiam cih leh ka tuacih uh ciangin an tampi ka nei uh a, hau-in gimna zong ka thuak kei uh hi.

Tedim Bible Revision 2017

¹⁷ Ahih hangin ka ciam sa uh bangin kote, ka pute ka pate, ka kumpite uh le kumpi uliante in Judah gam khuapite le Jerusalem khua kongzing lakah ka hih ngei uh bangin vantung kumpinu kiangah paknamtui halin tui dawn biakna ka hih zaw ding uh hi. Bang hang hiam cih leh ka tua cih uh ciangin an tampi ka nei uh a, hau-in gimna zong ka thuak kei uh hi.

Jeremiah 44:17 Referans Kwoze

Jeremiah 7:18

Naupangte in sing tom-in, a pate un mei a tawh uh a, nupite in a nusian uh vantung kumpinu’ ading tangho a su uh a, kei hong hehsak nadingun, pasian dangte’ dawn dingin biakna a pia tazen uh hi.

Nehemiah 9:34

Ka kumpite uh, ka uliante uh, ka siampite uh leh ka pu ka pate un nangma thukham zui lo uh a, amaute tungah na piak ahi na thupiaknate leh na hilhkholhnate zong don lo uh hi.

Ezekiel 20:8

Ahi zongin amaute in kei hong demin, ka thugen hong ngai lo uh hi. A muhdahhuai a milimte uh paikhia tuan lo uh a, Izipt pasiante zong nusia lo uh hi. Tua hi a, ka heh mahmahna teng Izipt gam sungah thuaksak gawp ning ci-in ka ngaihsun hi.–

Thu-hilhkikna 23:23

Na kam uh tawh na ciamsa uh thu pen Topa note Pasian tungah nomau ut-thu-a na ciam uh ahih manin na muk uh pana paikhia peuhmah na tun sak nadingun na ngaihsun ding uh hi.

Paikhiatna 16:3

amaute' tungah, “Kote sabeel phungah tu-in ka kham takun an ka nek lai-un Izipt leitangah Topa in hong that khin hi zaw ta leh; bang hang hiam cih leh mihon buppi gilkialna tawh a that dingin note in gamlakah nong paikhiatpih uh hi,” a ci uh hi.

Filippi 3:19

Tua mite in kisiatna-ah a tung ding uh hi, amaute’ pasian in a gilpi uh ahi hi; amaute in a maizumhuai a gamtatnate uh ah a kiphasak uh hi. Amaute in leitung nate a lunggulh uh hi.

Jeremiah 44:25

a vanglian Topa, Israel mite’ Pasian in hong gen-inah: note leh na zite un na khut bek uh tawh na sep uh hi loin na kam mahmah uh tawh, ‘Vantung kumpinu tungah paknamtui hal ding leh tui dawn biakna piak dinga ka kiciamna sa uh bangin ka sem taktak ding uh hi,’ ci-in na gen khin zo uh hi. Tua ahih leh na kiciamna uh kip sak ta un la, na kiciamna uh bangin sem dih ve un!

Jeremiah 44:21

“Judah gam khuapite leh Jerusalem khua kongzing lakah note, na pute na pate uh, na kumpite uh leh kumpi uliante akipan gamsung mi khempeuh in paknamtui halna na bawl uh ciangin Topa in tua pen a phawk lo sa na hi uh hiam? A ngaihsun lo sa na hi uh hiam?

Jeremiah 19:13

Jerusalem khua-a innte leh Judah kumpite’ innte—inn khum tung pan vantunga aksite khempeuh tungah paknamtui hal biakna kipiakna innte leh pasian dangte tunga dawn ding biakna a kibuakna innte khempeuh a vek-in Tofeth mun bangin a nin a suak ding hi, a ci hi,’ va ci in,” hong ci hi.

2 KUMPI NIHNATE 17:16

Amaute in Topa a Pasian uh thupiakte khempeuh nusia-in amau’ adingin a kisung bawngno nih lim bawl uh hi; amaute in Asherah milim khat bawl uh a, vantung a, om nate khempeuh bia-in Baal’ na sem uh hi.

Thukhente 11:36

Tua ciangin tua nu in ama kiangah, “Ka pa aw, Topa tungah thu ciam khin na hih leh, na kam panin a paikhia tawh kizui-in kei tungah hong bawl in, tu-in Topa in na gal Ammon mite tungah nang ading hong thuksak khin hi,” a ci hi.

Gamlak-vakna 30:12

Ahih hangin a pasal in tua thute a zak ni-in a phiatsak leh, ama thuciamna tawh kisai-in a kam pana a gingkhia peuhmah ahi a, amahmah a kamciamna tawh kisaite ahi zongin kip lo ding hi: a pasal in tuate phiatsak ahih manin Topa in tua nu maisak ding hi.

1 PETER MASA 1:18

Na pute na pate’ ngeina uh ahi mawkna gamtatna pan kham leh ngun-a kipan a kisia thei sum tawh note hong tankhia ahi kei hi;

Marka 6:26

Kumpipa a dah mahmah hangin, a kiciam zawhna leh sabuai ah a tut khawmpihte a zahtak manin numeino a nial nuam kei hi.

Jeremiah 44:9

Judah gam leh Jerusalem khua kongzing laka na pute na pate uh’ gitlohna, Judah kumpite’ gitlohna, a zite uh’ gitlohna, note mahmah’ gitlohna leh na zite uh’ gitlohnate mangngilh khin na hi uh hiam?

Isaiah 48:5

note in, ‘Ka milim un hihte bawl a, a kisui ka milim leh a kisung ka milim un thu pia hi,’ na cih theih loh nadingun tanglai-a kipanin hih thute note tungah kong gen a, tuate hong pian’ ma-in note tungah kong zasak khol hi.

Late 106:6

Ka pate uh leh kote ka khial khin uh hi; mawhna ka bawl khin uh a, ka gitloh gamtat khin uh hi.

2 KUMPI NIHNATE 22:17

Bang hang hiam cih leh amaute in kei hong nusia-in pasian dangte tungah paknamtui hal uh a, amau’ khut tawh a bawl milimte tawh kei hong hehsak uh ahih manin hih mun tungah ka hehna kitawhkuang ding a, kimitsak lo ding hi.

Gamlak-vakna 30:2

Mi khat in Topa tungah thuciamna a ciam ciang ahi a, amah in a zuih dingin kiciamna a bawl ciang ahi zongin, amah ciampel lo ding hi; ama kam sung panin a gingkhiate khempeuh tawh kizui-in gamta ding hi.

2 KHANG TANGTHU NIHNATE 28:23

Bang hang hiam cih leh amah a zo Damaskas’ pasiante tungah biakna pia-in, “Siria kumpite’ pasiante in amaute huh ahih manin amaute in kei hong huh theih nadingin amau’ tungah biakna ka pia ding hi,” ci hi. Ahih hangin tua pasiante in amah leh Israel khempeuh’ siatna ahi hi.

Jeremiah 1:16

Ka mite in kei hong taisan uh ahih manin a mawhna uh hangin amau’ tungah thu ka khen ding hi; pasian dangte meihal biakna a pia uh a, a khut uh tawh a bawlsa milimte a bia uh hi.

Jeremiah 11:12

Tua ciangin Judah mite leh Jerusalem khua mite in meihal biakna tawh a biak uh a pasiante uh kiangah pai-in na va thuum ding uh a, ahih hangin hih gimna hong tun’ ciangin a honkhia thei tuan kei ding uh hi.

Jeremiah 18:15

Ahih hangin ka mite in kei hong mangngilh khin uh a, milim pasiante kiangah paknamtui a hal uh hi. Amau’ tot ding lampi-ah tuk uh ahih manin a tot ngei uh lampi lui zui nawnloin, lampi lopi a tawn uh hi.

Ezekiel 8:16

Tua ciangin biakinntual sungnung ah hong paipih hi. Tua lai-ah biakinn kongkhak gei, biaknatau leh innlim kikal san-ah mihing sawmnih leh nga khawng na om a, biaknatau nung ngatin nisuahna lam nga-in ni suak tuung na bia uh hi.

Ezekiel 20:32

Note in na lungsim ngaihsutna uh khentat khinin, gam danga a teeng minam dangte mah bangin sing leh suang na bia nuam uh hi. Ahi zongin note’ ut bang hi thei ngei lo ding hi.

Ezekiel 23:41

Lupna hoih mahmah tungah tu-in a mai uhah sabuai limtakin koih uh hi. Tua sabuai tungah keima piaksa paknamtui leh oliv thaute koih uh hi.

Habakkuk 1:16

A ngente un amau’ deih peuhpeuh ngahsak ahih manin, amaute in a ngente uh bia-in, biak piakna zong pia uh hi.

Jeremiah 7:17

Judah gam khuapite sung leh Jerusalem khua kongzing lakah bang hih uh cih mu lo na hi hiam?