Jeremiah 44:14 - Tedim Bible

¹⁴ Izipt gamah pai-a a teeng Judah mi a om laite in a zuatkik nop uh ahi Judah gamah ciahkik thei nawn loin khat beek suakta loin, zong a nungta suak kei ding uh hi. Galtai pawl khat longal khat beek a suakta kei ding uh hi,” a ci hi.

Tedim Bible Revision 2017

¹⁴ Egypt gamah pai-in a teeng Judah mi a omlaite in a zuatkik nop uh ahi Judah gamah ciahkik thei nawn loin, khat beek suakta loin, zong a nungta suak kei ding uh hi. Galtai pawl khat longal khat beek a suakta kei ding uh hi,” a hong ci hi.

Jeremiah 44:14 Referans Kwoze

ROM (Romans) 9:27

Isaiah in Israel thu panin, “Israel mipawlte in tuipi sehnel zahin a tam hangin a kimkhat bek in gupna a ngah ding uh hi.

Jeremiah 42:17

Izipt gamah pai-in a teeng khempeuh namsau tawh ahi zongin, kialpi tawh ahi zongin, pul natna tawh ahi zongin a si ding uh hi. Amaute’ tunga ka tun’sak ding gimna panin kuamah a suakta kei ding hi.

Isaiah 10:20

Tua ni-a kipan, Israel a om laite leh Jakob innkuan a suakta laite in amau a sugawppa suang nawn loin, Topa ahi, Israelte’ Siangtho Pa pen thuman tawh suan’ in, nei ding uh hi.

Isaiah 4:2

Tua ni ciangin Topa’ bulsel pen mel hoihin minthang ding a, leitung pan-a a piang gahte pen, a suakta Israel mite’ kiphatsakna leh minthan’na hi ding hi.

ROM (Romans) 2:3

Tua bang ahihte tungah thu na khen lai takin tua bang a hilhpa aw, Pasian’ thukhenna tawh na kipelh ding cih na ki-um hiam?

Mattiu 23:33

Mualtan’ suante aw, note in hel khua khiat ding thu tan’na bangci na suakta thei ding uh hiam?

Jeremiah 42:22

Tua ahih manin na teen’ nopna mun uhah namsau tawh thahna, gilkialna leh pulnatna tawh sihna na thuak ding uh hi, ci-in tu-in tel takpi-in thei ta un,” a ci hi.

Jeremiah 22:10

Judah mite aw, misipa Josiah kah kei un la, khasiat kei un. A kipai khiatpih Shallum adingin nakpi takin kap zaw un, bang hang hiam cih leh a pian’na gam mu dingin amah hong kilehkik nawn lo ding hi.

Ezekiel 6:8

“Tua banga kihon thahna panin pawlkhat ka suakta sak ding a, minam dangte lakah thehthangin,

Jeremiah 44:26

Ahih hangin Topa’ thugenna hong ngai un, no Izipt gama om Judah mite aw; en un, Topa in kong cih-inah, Izipt gama om Judah mi khat beek in, ‘Topa a nuntak bangin,’ ci-in ka min zangin a kiciam nawn loh nadingun ka min lianpi tawh ka kiciam khin zo hi.

Ezekiel 20:38

Note lak panin a lehdo thei mite leh kei tungah hong mawh mite ka la khia ding hi. Tu lai takin a om pakna uh gam panin ka la khia ding a, ahi zongin Israel gamah ka ciahsak kik kei ding hi. Tua ciangin Topa ka hihna thu na thei ding hi,” hong ci hi.