Jeremiah 44:1 - Tedim Bible

¹ Izipt gam Migdel khua, Tahpanhes khua, Memfis khua leh leitaw lamah a teeng Judah mite tawh kisai-in Topa in Jeremiah hopih a,

Tedim Bible Revision 2017

¹ Egypt gam Migdol khua, Tahpanhes khua, Memfis khua le leitaw lam a teng Jew mite tawh kisai-in Topa in thu hong gen a,

Jeremiah 44:1 Referans Kwoze

Jeremiah 46:14

“Izipt gam leh Migdol khua-ah va gen un; Memfis khua leh Tahpanhes khua-ah va tangko un: ‘Kigalging sa leh kithawi sa-in om un, bang hang hiam cih leh namsau-in note hong kithat khin ding hi,’ va ci un.

Isaiah 11:11

Tua ni ciangin Topa in, Assiria gam, Izipt gam, Pathros gam, Ethiopia gam, Elam gam, Shinar gam, Hamath gam leh tuipi gei-a gamte panin ama mi a om laite a ngahkik nadingin a vangliatna zang kik ding hi.

Paikhiatna 14:2

“Israel mite kihei kikin Migdol leh tuipi kikal, Pihahiroth-mai, Baalzefon nisuahna lamah giahphual a sat ding gen in; tuipi gei, tua gal khatah giahphual na sat ding hi.

Isaiah 19:13

Zoan uliante mihai suak khin a, Memfis uliante zong hai khin uh hi: minamte a makaih ding a, kineite mah in Izipt mite lam khialhpih khin hi.

Ezekiel 30:18

Izipt’ vangliatna ka suksiat ciangin Tahpanhes khuapi-ah khim zing ding a, a kisaktheihpihna teng uh bei ding hi. Izipt gamsung meiipi in khuhcip ding a, a mi khempeuh sal-in pai ding uh hi.

Ezekiel 30:16

Izipt gamsung ka hal ding a, Pelusium khuapi in gimna lianpi thuak ding hi. Thebes khuapi kulh kicim ding a, tui in a khuapi tuum ding hi. Memfis in lungkham paisuak ding hi.

Ezekiel 30:14

Izipt gam khanglam Pathros gam teng gamkhing ka suaksak ding a, Izipt gam saklam-a om Zoan khuapi ka hal ding a, kumpi khua ahi Thebes, daan ka pia ding hi.

Ezekiel 29:14

amaute’ piancilna mun Izipt khanglam Pathros gamah ka teengsak ding hi. Tua lai-ah kumpi gam gina loin om ding uh a,

Jeremiah 46:19

Sal-a hong kipaipih ciang ading na puanlomte uh, zial khol un, no Izipt gama teengte aw! Bang hang hiam cih leh Memfis khua in gamlak suak ding a, kisia-in kuamah teeng lo ding hi.

Jeremiah 2:16

Tham loin, Memfis leh Tahpanhes mite in zong a luguh a suktap sak zo hi.

Ezekiel 29:10

keimah in nangmah leh na Nail Gunpi langah ka pang hi. Izipt gam khempeuh, leilu lam Migdol khuapi panin leitaw lam Siene khuapi, Ethiopia gamgi dong, a kinusia gamkhing ka suaksak ding hi.

Piancilna 10:14

Pathru mite, Kasluh mite, (Filistia mite’ pian’na), leh Kaftor mite’ pian’na pupi ahi hi.

Jeremiah 24:8

“Ahih hangin Topa in kong cih-inah: Judah kumpipa Zedekiah leh ama’ gam uk uliante-a kipan hih gama a om suak Jerusalem khua sunga a om lai sun teng leh Izipt gama teengte limci lo lua-a kine thei lo theigahte bangin ka bawl ding hi.

Jeremiah 43:13

Amah in Izipt gam Heliopolis khua-a mualsuangte a susia ding a, Izipt pasiante kibiakna biakinnte mei tawh a halsak ding hi, a ci hi,’ ci-in va gen in,” a ci hi.

Ezekiel 30:13

“Milim khempeuh ka susia ding a, Memfis khuapi-a pasian man lote ka beisak ding hi. Izipt gam a uk ding om nawn lo ding a, mi khempeuh lau-in ka liingsak gawp ding hi.

Hosea 9:6

Lungkhamna hun hong tungin, mite na kithehthang uh ciangin, Izipt mite in note hong saangin hong kaikhawm ding a, amau gam Memfis khuapi-ah vui ding bek na hi uh hi. Na inn na lote uh, kiak leh lopa in khuhcip lel ding hi.

Jeremiah 44:15

Tua ciangin a zite un pasian dangte kiangah paknamtui a hal lam a thei papi khempeuh leh tua lai-a ding nupi khempeuh-a kipan Izipt gam leitaw lama teeng mi khempeuh, a vekpi-in mi tampi tak in Jeremiah’ kiangah: