Jeremiah 43:5 - Tedim Bible

⁵ Tua ciangin Kareah’ tapa Johanan leh galkap mangte khempeuh in, a kihawl khiatna uh gam khempeuh panin a hong ciahkik Judah mi a om lai sun teng Izipt gamah a paipih uh hi.

Tedim Bible Revision 2017

⁵ Tua ciangin Kareahʼ tapa Johanan le galkap maangte khempeuh in, a kihawlkhiatna uh gam khempeuh panin a hong ciahkik mite le Judah gamah a om lai sunteng Egypt gamah a paipih uh hi.

Jeremiah 43:5 Referans Kwoze

1 SAMUEL MASA 26:19

Tua ahih ciangin tu-in ka to kumpipa in a nasempa’ thu za in. Keimah do dingin nang hong toksuahpa in Topa ahih leh amah in biakna hong sang ta hen; ahih hangin mihing ahih leh amaute in Topa mai-ah samsiatna ngah ta hen. Bang hang hiam cih leh amaute in, ‘Pai in, pasian dangte’ na sem in,’ ci-in Topa’ gamh ka ngah loh nadingin tuni-in kei hong hawlkhia uh hi.

2 KUMPI NIHNATE 25:22

Tua ciangin Judah gam sungah a om lai, Babilon kumpipa Nebukhadnezzar in a nusiatte tungah a uk dingin Shafan’ tapa Ahikam, a tapa Gedaliah amah in seh hi.

Jeremiah 40:10

Kei ka hih leh Mizpah khua mah ah ka teeng ding a, eite kianga hong pai ding Khaldea mite’ kiangah no’ taangin ka ding ding hi. No na hih uh leh leenggah zute, khuakhal ante leh sathaute khawm un la, na bel sung uhah koih un. Na laksa uh khua sung ciat mah ah na teeng un,” a ci hi.

Jeremiah 41:10

Tua ciangin kumpi cing galkapmang Nebuzaradan in, Ahikam’ tapa Gedaliah’ uk dinga a piak kumpipa’ tanute leh Mizpah khua-a a kinusia mite khempeuh-a kipan Mizpah khua-a a om lai mi vannuai khempeuh Nethaniah’ tapa Ishmael in a man a, Ammon gam lam zuanin a paikhiatpih hi.

Jeremiah 41:17

Amaute Izipt gam zuan dingin a pai uh a, Bethlehem khua gei Khimham Khawlmun-ah a khawl uh hi.