Jeremiah 43:12 - Tedim Bible

¹² Izipt pasiante a kibiakna biakinnte a hal ding a, a pasiante uh hal-in a puakhia ding hi. Tuucingte in a puan uh tung-a khahte paai khia-a a sian’sak uh bangin amah in Izipt gam a siangsak ding a, tua khit ciangin ngaihmuang tak-in a ciahkik ding hi.

Tedim Bible Revision 2017

¹² Egypt pasian-te a kibiakna biakinnte hal dinga, a pasian-te uh halin a pua khia ding hi. Tuucingte in a puan tung uh a om khahte paai-in a siansak uh bangin amah in Egypt gam siangsak dinga, tua khit ciangin ngaihmuang takin a ciahkik ding hi.

Jeremiah 43:12 Referans Kwoze

Ezekiel 30:13

“Milim khempeuh ka susia ding a, Memfis khuapi-a pasian man lote ka beisak ding hi. Izipt gam a uk ding om nawn lo ding a, mi khempeuh lau-in ka liingsak gawp ding hi.

Isaiah 49:18

Na kimkotah khuadak to in la, mu in; na mi khempeuh hong kikhawm uh a, nang kiangah amaute hong ciah uh hi. Keimah in a nungta Topa ka hih mah bangin, na mite khempeuh hangin na kisial ding a, mothak nu in a zat bangin amaute khempeuh kizepna-in na ok ding hi.

Isaiah 19:1

Izipt gam tawh kisai thu: A manlang mahmah meii tungah Topa tuangin Izipt gamah pai hi; ama mai-ah Izipt gam milimte liing ding a, Izipt mite’ han’na bei ding hi.

Jeremiah 48:7

Na hatnate uh leh na neihsate uh na suan’ manun note zong hong kipai khiatpih ding hi. Na pasian uh Khemosh zong a siampi teng leh a ulian teng tawh, kipai khiatpih ding hi.

Jeremiah 46:25

A vanglian Topa, Israel mite’ Pasian in: “En un, Keimah in Thebes khua-a Amon pasian leh Faro kumpipa-a kipan Izipt gam, a pasiante uh leh a kumpite uh, Faro kumpipa leh amah a muang mi khempeuh tungah daan ka tat ding hi.

Late 104:2

Puanza bangin, khuavak tawh nang na kituam a, vantungte pen puanbuk bangin na zal hi.

JOB (Job) 40:10

Na ngap nak leh na minthan’ nading leh na kihihsak nadingin kipan in la, minthan’na leh minliatna nei in.

Esther 6:9

Tua ciangin kumpipa’ ulian pen khat tungah tua kumpi puante leh sakol apsak in. Kumpipa in a pahtawi nop mipa pen amah zeemsak in la, tua ciangin khua sung kongzing lampi-ah sakol tungah a tuangsa-in na ulian penpa kaisak in la, ama mai-ah kiko sakin, ‘Kumpipa in a pahtawi nop mipa tungah hih bangin kibawl ding hi,’ cisak in,” a ci hi.

2 SAMUEL NIHNA 5:21

Filistiate in tua lai-ah a milimte uh nusia uh a, David leh a mite in tuate puakhia uh hi.

Paikhiatna 12:12

Bang hang hiam cih leh keimah in tua zanin Izipt gam ka nawk ding a, Izipt leitang tungah mihing hita leh ganhing hita leh tacil khempeuh ka vat gawp ding hi; Izipt pasiante khempeuh' tungah thu ka khen ding hi; keimah in Topa ka hi hi.

Kolose 3:14

Kicin’na tawh a kipawl pawlkhat suahna ahi ki-itna, tua nate tungah thuahin silh un.

Kolose 3:12

Tua ahih ciangin note in Pasian’ teel mi, a siangtho mi, a it mite bangin hehpihna, thupha bawlna, sin kiniamsakna, lungneemna, heh baih lohna lungsimte na silh un.

Efesa 6:11

Dawimangpa’ kheemna na nan’ zawh nadingun Pasian’ galhiam khempeuh silh un.

ROM (Romans) 13:12

Zan a bei dektak hi, sun hong nai zo hi. Tua ahih ciangin khuamial gamtatna paaikhia-in khuavak galnan’na silh ni.

Zefaniah 2:11

Topa in amaute lausak gawp ding a, leitung pasiante, neu bawl gawp ding hi. Tua ciangin, minam khempeuh in amau’ gam ciat panun amah bia ding uh hi.

Jeremiah 51:44

Babilon khuate’ pasian Bel zong ka daantat ding a, a na guksa teng ka lak khiatsak kik ding hi. Gamdangte in amah a bia nuam kei ding uh hi; Babilon khua kulhpi a cim ta hi.

Jeremiah 50:2

“Gam khempeuh ah genin tangko un; dial khai un la, im kei un. ‘Babilon’ khuapi kila ta hi. Bel pasian maizum ta, a Merodak pasian kitangawp ta hi. A milimte uh maizum ta a, a pasiante uh kisiagawp ta hi,’ ci-in tangko un.

Isaiah 61:10

Topa hangin nakpi takin ka lungdam ding a, ka Pasian hangin kipakin ka diang ding hi; bang hang hiam cih leh zipipa in a lu kizemin, mo thaknu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawk kei hong tuam khin hi.

Isaiah 61:5

Gamdang mite in na tuu honte uh vak ding a, khual mite pen note’ lo kho leh leenggui puahte hi ding uh hi;

Isaiah 59:17

Amah in thumanna pen awm dalna lum bangin silh ding a, gualzawhna pen sik lukhu bangin khu ding hi. Na khempeuh a manin bawlkik nopna, gimna a piangsakte daan pia-in thukkikna puansilhin, kinna puan tawh kitun ding hi.

Isaiah 52:1

Zion aw, khanglo in, khanglo in la, na tha khauhsak in; khuapi siangtho Jerusalem aw, na puan hoihte silh in; bang hang hiam cih leh vun ki-at lo mite leh a nin mite nang sungah hong pai nawn lo ding hi.

Isaiah 46:1

Bel pasian puksukin, Nebo pasian kunsuk a, tua milimte pen ganhing leh bawngte tungah kipua hi; note’ puak hih nate pen, a gim mahmah ganhingte tungah vangik om bangin note’ tungah hong gik hi.

Isaiah 21:9

En in, sakol leeng tuangte a kopkopin hong pai!” ci hi. A dang khat in, “Babilon cim hi, cim hi; ama milim pasiante khempeuh leilak dongah amah in suksiat sak hi,” ci-in dawng hi.

Late 132:18

Ama galte maizumna tawh ka kidimsak ding a, ahih hangin ama kumpigam khangin zai semsem ding hi,” na ci hi.

Late 132:16

Ka hotkhiatna thu, a siampite ka taangko sak ding a, a mi siangthote lungdamin la sa-in awng ding uh hi.

Isaiah 46:2

Amaute kunin, amaute puksuk khawm uh a, amaute in vangik pengsak thei lo uh a, amaute mahmah zong galte’ matna sungah tung uh hi.

Jeremiah 43:13

Amah in Izipt gam Heliopolis khua-a mualsuangte a susia ding a, Izipt pasiante kibiakna biakinnte mei tawh a halsak ding hi, a ci hi,’ ci-in va gen in,” a ci hi.

Jeremiah 49:27

Damaskas khua kulhpi mei tawh kihal ding a, Benhadad kumpipa’ inn zong a kangtum ding hi,” a ci hi.

Ezekiel 29:11

Na gam sung teng mihing in ahi a, ganhing in ahi zongin sik nawn lo ding hi. Kum sawmli sung bangmah om lo ding hi.

Daniel 11:8

Amah in amaute’ milim pasiante leh na manpha ngun leh khamte Izipt gamah a pua ding hi. Kum tawm vei sung bek kilemna a om ding hi.

Jeremiah 10:11

Amaute tungah, “Vantungte leh leitung a bawl lo pasiante, leitung mun khempeuh panin a mangthang ding uh hi,” ci-in na gen ding hi.

Jeremiah 10:15

Kiman’na nei lo, a haihuaipi hi a, a kidaantah ni ciangin a kisia ding uh hi.

Jeremiah 25:19

Izipt kumpipa Faro leh a nasemte, a kumpi uliante, a mite khempeuh leh

Ezekiel 29:19

Tua ahih ciangin Topa Pasian ahi keimah in hih bangin thu kong gen hi: Tu-in Tai-ar khuapi a simna hangin Babilon kumpipa Nebukhadnezzar tungah Izipt gam ka pia ding hi. Amah in Izipt gam luhin a nate uh sut ding a, a galkapte’ thaman dingin Iziptte’ neihsa khempeuh pua khia mang ding hi.