Jeremiah 43:1 - Tedim Bible

¹ Topa Pasian in mi khempeuh kiangah gen ding a, a sawl hih thu teng Jeremiah in a gen khit ciangin

Tedim Bible Revision 2017

¹ Topa Pasian in mi khempeuh kiangah a hong sawl hih thu teng ka gen khit ciangin

Jeremiah 43:1 Referans Kwoze

Jeremiah 26:8

Mi khempeuh’ tunga Topa in gen dinga a sawl teng Jeremiah in a gen khit ciangin, siampite, kamsangte leh mi khempeuhte in a man uh a, “Nang na si ding hi.

Jeremiah 51:63

Hih laibu mite’ zakin na sim khit ciangin suang khat tawh hen khawm in la, Eufrates gun sungah paai in. Tua khit ciangin,

Jeremiah 42:22

Tua ahih manin na teen’ nopna mun uhah namsau tawh thahna, gilkialna leh pulnatna tawh sihna na thuak ding uh hi, ci-in tu-in tel takpi-in thei ta un,” a ci hi.

Sawltak 20:27

Bang hang hiam na cih uh leh, Pasian’ thu buppi note kiangah gen dingin ka pelh kei hi.

Sawltak 5:20

“Note pai un la, biakna innpi sungah ding un la, hih Nuntakna thu mite kiangah va hilh un,” ci-in thu a pia hi.

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Jeremiah 26:2

“Topa in kong cih-inah, Topa’ biakinnpi huang sungah va ding in la, Topa’ biakinnpi sunga bia dinga hong pai Judah gam khuapite khempeuh kiangah gen ding a, kong sawl khempeuh va gen in. Kam khat beek im kei in.

Jeremiah 1:17

Tua ahih manin Jeremiah aw, na kawng gak in, Tho in la, kong sawl khempeuh amaute’ kiangah va gen in. Amaute kihta kei in; na kihtak leh amau mai-ah kong lau sak zawlai ding hi.

Jeremiah 1:7

Ahih hangin Topa in, “‘Naupang khat ka hi lel hi,’ ci kei in; bang hang hiam cih leh kong puakna khempeuhte’ kiangah na pai ding a, kong sawl peuhpeuh na gen ding hi.

1 SAMUEL MASA 8:10

Tua ahih ciangin Samuel in ama tung panin kumpi khat a ngen mite kiangah Topa’ thugen khempeuh gen hi.

Paikhiatna 24:3

Moses hong pai-in Topa’ thugente khempeuh leh biakna ngeinate khempeuh mite' kiangah gen hi; mite khempeuh in aw kikhatin dawng uh a, “Topa’ gensa thute khempeuh ka hih ding uh hi,” a ci uh hi.

Piancilna 19:14

Tua ahih ciangin Lot paikhia-in a tanute a ten’pih ding a mak dingte' kiangah, “Tho un, hih mun panin paikhia un; bang hang hiam cih leh Topa in khuapi a susia ding hi ta hi,” ci hi. Ahih hangin amah a mak dingte tungah a ciamnui bang lel hi.

Jeremiah 5:12

Amaute in Topa hong nial uh a, ‘Amah in bangmah hih lo ding hi; i tungah siatna hong tung lo ding a, gal ahi zongin kial ahi zongin i thuak kei ding hi.

Jeremiah 42:21

Topa na Pasian un note’ kianga gen ding a, hong sawl teng tu ni-in kong gen khin zo hi. Ahih hangin note in khat beek na mang kei uh hi.