Jeremiah 42:6 - Tedim Bible

⁶ Nang kong sawlna uh Topa i Pasian’ hong gen bangbang hoih taleh sia taleh ka mang ding uh hi. Bang hang hiam cih leh Topa i Pasian’ thu mang leng, ei’ adingin na hong hoih ding hi,’ a ci uh hi.

Tedim Bible Revision 2017

⁶ Nang kong sawlna uh Topa i Pasianʼ hong gen bangbang hoih taleh sia taleh ka mang ding uh hi. Bang hang hiam cih leh Topa i Pasianʼ thu mang leeng, ei adingin na hong hoih ding hi,” a hong ci uh hi.

Jeremiah 42:6 Referans Kwoze

Jeremiah 7:23

Ahih hangin, ‘Ka thu hong mang un; tua hi leh note’ Pasian ka hi ding-a, note in ka hoih zawk nadingin na khempeuh-ah kong thupiak bang na zui un,’ ci-in thu ka piazaw hi.

Thu-hilhkikna 5:29

Amaute leh a suan a khakte uh a nopsak tawntung theih nadingin keimah zahtak ding leh ka thupiak khempeuh zuih ding hih bang ngaihsutna nei tawntung le-uh ka deih ahi hi.

ROM (Romans) 8:7

Bang hang hiam na cih uh leh, ci leh sa lungsim in Pasian’ Thukham mang lo tham loin a mang zo lo ahih maninah Pasian tawh a kido hi.

Thu-hilhkikna 5:33

Note nungta-in, nuamsa-in, na tan’ ding uh leitangah sawtpi na nuntak nadingun Topa na Pasian un note hong thupiakna lampi khempeuh na tawn ding uh hi.

ROM (Romans) 7:13

Tua bang ahih leh, a hoih a pha na in keima tungah sihna a suak ahi hiam? Tua bang hi zenzen lo hi. Mawhna in mawhna taktak ahihna a kilat nadingin a pha nate hangin keima sungah sihna thu a piangsak hi. Bang hang hiam na cih uh leh, mawhna in thukham hangin mawhna taktak a pian’ theih nading ahi hi.

ROM (Romans) 7:7

Tua bang ahih leh, bang i ci gen ding hiam? Thukham in mawhna ahi i ci ding hiam? Tua bang hi zenzen lo hi. Ahi zongin thukham bek hangin mawhna lungsim ka thei hi. Bang hang hiam na cih uh leh, “Huaihamna lungsim nei kei in,” ci-in Thukham in na ci kei leh, huaihamna lungsim ke’n ka thei kei ding hi.

Isaiah 3:10

Amaute tungah thu hoih ding hi, ci-in thuman mite kiangah gen un, bang hang hiam cih leh amaute in amau gamtatna hoih a gah ne ding uh hi.

Late 128:2

Na khut tawh na sepsa thaman na ne ding a, na lungdamin na ma vang ding hi.

Joshua 24:24

Mite in Joshua kiangah, “Topa i Pasian’ na ka sem ding uh a, ama thu ka mang ding uh hi,” a ci uh hi.

Paikhiatna 24:7

Tua ciangin amah in thuciamna laibu la-in, mite’ zak-in tua laibu sim hi; amaute in, “Topa’ gensa khempeuh kote in ka hih ding uh a, kote ka thumang ding uh hi,” ci uh hi.

Thu-hilhkikna 5:27

A nai-ah va pai in la, Topa i Pasian in a gen ding khempeuh va za in; Topa i Pasian in nang tungah hong gen ding teng ko tungah hong gen in; kote in hong mangin ka sem ding uh hi,’ nong ci uh hi.

Jeremiah 22:15

Taamtaak sing tawh inn na lam manin kumpi kisa na hi hiam? Na pa in an ne tui dawn a, thumanna leh diktatna tawh na a sep manin a maa pai hilo ahi hiam?

Jeremiah 43:4

Tua ahih manin Kareah’ tapa Johanan leh galkap mangte khempeuh-a kipan mi khempeuh in Judah gama om suak nading Topa’ thugenna a mang kei uh hi.

Late 78:36

Ahih hangin amaute in a kam uh tawh amah phat khem uh a, a lei uh tawh ama tungah zuau gen uh hi.