Jeremiah 42:4 - Tedim Bible

⁴ Kamsangpa Jeremiah in zong amaute’ kiangah, “Nong genna-uh ka thei khin zo hi. En un, Topa na Pasian uh’ kiangah nong ngetna bangun thu ka ngen ding a, Topa’ hong dawn’ kikna bangbang ka hong gen ding hi. Bangmah kong im kei ding hi,” a ci hi.

Tedim Bible Revision 2017

⁴ Kei zong amaute kiangah, “Nong genna uh ka thei khinzo hi. En un, nong ngetna bangun Topa na Pasian uh kiangah thu ka ngen dinga, Topaʼ hong dawnkikna bangbang kong gen ding hi. Bangmah kong im kei ding hi,” ka ci hi.

Jeremiah 42:4 Referans Kwoze

Late 40:10

Nangma gupkhiatna huhna ka lung sungah ka im kei a, na thumanna leh na gupkhiatna thu ka gen khin hi; na itna kip leh na thumanna mi honpi tungah ka im kei hi.

1 SAMUEL MASA 12:23

Tua tham loin kei zong, note adingin Topa tungah thunget lohna tawh ka na khial het kei ding hi; keimah in a hoih a man lampite note kong hilh ding hi.

Paikhiatna 8:29

Tua ciangin Moses in, “En in, nang' kiang panin kei paikhia-in Faro' kiang pan, a nasemte' kiang pan leh a mite' kiang panin tho honpite zingciang a paikhiat theih nadingin Topa' tungah thu ka ngen ding hi; ahi zongin Topa' tungah biakna pia dingin mite paisak lohna tawh Faro hong zuau-tat kik nawn kei in,” ci hi.

Sawltak 20:20

Note ading thupha khat beek siit loin mi kikhopna sungah ahi zongin, inn khat pan inn khatah ahi zongin, ka hong hilh hi.

Jeremiah 23:28

Kamsangpa in mang a mat leh a mang bek mah gen hen la, ahih hangin ka thu genna a za mipa in ka thu genna mah man takin gen ta hen. Buhtu leh buhtang bangci kibat theih ding ahi hiam? Topa in kong ci hi.

ROM (Romans) 10:1

Ute naute aw, Israel mite in gupna a ngah nadingun ka lungsim in deihin, Pasian kiangah thu ka ngetsak hi.

Sawltak 20:27

Bang hang hiam na cih uh leh, Pasian’ thu buppi note kiangah gen dingin ka pelh kei hi.

Ezekiel 2:7

Amaute in hong mang a, hong mang kei zongin, nang tungah kong gen khempeuh amaute tungah va gen in. Amaute pen a lehdo thei mi ahihna uh phawk in.

Jeremiah 23:35

Mi khempeuh in a lawmte’ kiangah ahi zongin, ‘Topa in bangin hong dawng hiam? Topa in bangin hong gen hiam?’ ci-in na kidong zaw ding uh hi.

Jeremiah 26:2

“Topa in kong cih-inah, Topa’ biakinnpi huang sungah va ding in la, Topa’ biakinnpi sunga bia dinga hong pai Judah gam khuapite khempeuh kiangah gen ding a, kong sawl khempeuh va gen in. Kam khat beek im kei in.