Jeremiah 42:21 - Tedim Bible

²¹ Topa na Pasian un note’ kianga gen ding a, hong sawl teng tu ni-in kong gen khin zo hi. Ahih hangin note in khat beek na mang kei uh hi.

Tedim Bible Revision 2017

²¹ Topa na Pasian un noteʼ kiangah gen dingin a hong sawl tu-in kong gen khinzo hi. Ahih hangin note in khat beek na mang kei uh hi.

Jeremiah 42:21 Referans Kwoze

Ezekiel 2:7

Amaute in hong mang a, hong mang kei zongin, nang tungah kong gen khempeuh amaute tungah va gen in. Amaute pen a lehdo thei mi ahihna uh phawk in.

Sawltak 20:20

Note ading thupha khat beek siit loin mi kikhopna sungah ahi zongin, inn khat pan inn khatah ahi zongin, ka hong hilh hi.

Ezekiel 3:17

“Ezekiel aw, Israel minamte’ galvilpa dingin nang kong koih hi. Nangma tungah ka hong gen hilhkholhnate khempeuh amaute tungah na gen sawn ding hi.

Thu-hilhkikna 29:19

Note lakah numei ahi a, pasal ahi a, innkuan ahi a, minam khat ahi zongin, tua minamte’ pasian na a sem dingin Topa i Pasian kiang panin tu ni-in a lungsim a heikhia a om khak ding kidawm un; tua hi kei leh note lakah gu a nei gah kha a gah singkung hong bang ding a, hih kiciamna kammalte za napi-in a lungsim ah amah thupha kipia tawmin, ‘Ka lungsim khauhna tawh ka gamta zongin ka suakta veve ding hi,’ a ci hong om kha ding hi. Hih in mihoih leh misia, a kibangin phiatkhiatna hong suak sak ding hi.

Jeremiah 43:1

Topa Pasian in mi khempeuh kiangah gen ding a, a sawl hih thu teng Jeremiah in a gen khit ciangin

Jeremiah 43:4

Tua ahih manin Kareah’ tapa Johanan leh galkap mangte khempeuh-a kipan mi khempeuh in Judah gama om suak nading Topa’ thugenna a mang kei uh hi.

Thu-hilhkikna 30:15

“Mu un, tu ni-in na teel dingun note mai-ah nuntakna leh hauhna, sihna leh siatna ka koih khin zo hi.

Thu-hilhkikna 30:19

Tu ni-in note lang khat ah teci a pang dingin vantung leh leitung ka sam a, note mai-ah na teel dingun nuntakna leh sihna, thupha leh samsiatna ka koih hi; tua ahih ciangin note leh na suan leh khakte uh na hin’ theih nadingun nuntakna teel un la,

Late 81:12

Tua ahih ciangin amau ut banga gamta dingin amau lungsim khauhna bangin ka tasak hi.

Jeremiah 43:7

Amaute in Topa’ thu mang lo uh a, Izipt gamah pai-in Tahpanhes khua a tung uh hi.

Ezekiel 33:31

Tua ahih ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kam-un hoih khem napi-in, a lungsim uhah amau’ meet nading bek ngaihsun uh hi.

Ezekiel 33:32

Amaute’ adingin nang pen mite’ lungnop nadingin zawl la sa-in lasaknate a tum mipa tawh na kibang lel hi. Na thugen khempeuh hong ngai napi uh, khat beek zui lo uh hi.