Jeremiah 42:2 - Tedim Bible

² kamsangpa Jeremiah’ kiangah, “Kong thuumna uh hong ngai in la, hih a hong kinusia teng adingin Topa na Pasian’ kiangah, thu hong ngetsak in. Bang hang hiam cih leh khat vei lai-in mi tampi ka hih uh hangin tu-in nong muh mah bangin, mi tawmno khat bek ka hi ta uh hi.

Tedim Bible Revision 2017

² kei kiangah, “Kong thumna uh hong ngai inla, a hong kinusia ko teng adingin Topa na Pasian kiangah thu hong ngetsak in. Bang hang hiam cih leh khatvei lai-in mi tampi ka hih uh hangin tu-in nong muh bangin mi tawmno khat bek ka hi ta uh hi.

Jeremiah 42:2 Referans Kwoze

Jeremiah 36:7

Amaute in Topa tungah thuum-in a vekpi-un a hoihlohna uh panin a kihei kha thei ding uh hi. Bang hang hiam cih leh hih mite tungah Topa in tun’sak dinga a gensa a hehna leh a thangpaihna lian mahmah hi,” a ci hi.

Siampi Laibu 26:22

Keimah in note lakah gamsate hong khahin, amaute in na tate uh hong neksak ding a, na ganhingte uh susia-in, note mi tawmno khat hong suah ding a, note’ lampite in gamkhing suak ding hi.

Jeim 5:16

Tua ahih ciangin khat leh khat na mawhna uh kipulaakin, na cidam nadingun khat leh khat ading thu na kingetsak un. Midik’ thungetna in nakpi vanglianin muibun mahmah hi.

Sawltak 8:24

Simon in, “Na thupiak khat beek keima tungah a tun’ loh nadingin Pasian kiangah thu hong ngetsak in,” a ci hi.

Kah la 1:1

Khat vei lai-a mi a dim taka a teen’na Jerusalem khuapi in bang zah ta-a gamdai ahi hiam? Leitung bup in a zahtak khuapi tu-in meigong tawh a kibang hi. Leitung khuapi khempeuhte’ lak panin a thupipen tu-in sal-in a kiman khin zo hi.

Isaiah 37:4

A nungta Pasian zahko dingin ama topa, Assiria kumpipa in a sawl a galkap mangpa’ thugennate, Topa na Pasian in za hen la, tua bang thu a gente daantat ta hen. Tua ahih ciangin a om lai i mite’ adingin thungen in,’ a ci hi,” ci-in a gen uh hi.

Isaiah 1:9

Vanglianpen Topa in eite tawmno khat a nungta-in hong siit hi kei leh, eite pen Sodom khua bang khinin, Gomorrah khua bang i suak khin ta ding hi.

1 SAMUEL MASA 12:19

Tua ciangin mi khempeuh in Samuel kiangah, “Kote ka sih loh nadingun na nasemte’ adingin Topa tungah thungen in; bang hang hiam cih leh ka khialhnasate uh banah kote adingin kumpi khat ngenin hih siatna ka behlap lailai uh hi,” a ci uh hi.

1 SAMUEL MASA 7:8

Tua ciangin Israel mite in Samuel kiangah, “Filistiate khut sung panin amah in eite hong hotkhiat theih nadingin Topa i Pasian tungah eite adingin thunget na khawl kei in,” a ci uh hi.

Jeremiah 37:20

Tu-in ka Topa kumpipa aw, ka thugen nong ngaih nadingin kong thuum hi. Kumpi thuvanpipa Jonathan’ innah nong puak kik nawn loh nadingin na mai nuai-ah kiniamkhiatna tawh kong thuum hi. Bang hang hiam cih leh nong puakkik leh tua lai-ah ka si taktak ding hi,” a ci hi.

Jeremiah 37:3

Zedekiah kumpipa in kamsangpa Jeremiah’ kiangah, Shelemiah’ tapa Jehukal leh Ma-aseiah’ tapa siampipa Zefaniah sawl a, “Topa i Pasian’ kiangah kote’ adingin thu hong ngetsak in,” ci-in a gen sak hi.

1 KUMPI MASATE 13:6

Tua ciangin kumpipa in Pasian’ mipa kiangah, “Tu-in Topa na Pasian’ maipha kunh in la, ka khut a ngei a bat nadingin kei adingin thu hong ngetsak in,” a ci hi. Tua ciangin Pasian’ mipa in Topa tungah kunh hi; tua kumpipa’ khut a ngei bang kik a, a ni danga mah hong bang hi.

Thu-hilhkikna 28:62

Note vantung aksite bangin a tam na hihna sung uhah tawmno bek na pha ding uh hi; bang hang hiam cih leh Topa na Pasian uh thu na mang kei uh hi.

Paikhiatna 8:28

Tua ahih ciangin Faro in, “Gam lakah Topana Pasian uh tungah biakna pia dingin note kong paisak ding hi; ahih hangin gamlapi-ah na pai kei ding uh hi. Kei adingin hong thumsak in,” ci hi.

Mattiu 24:22

Tua nite a kitomsak kei leh kuamah suakta zo lo ding hi. Ahih hangin a teelsate adingin a kitomsak ding hi.

Ezekiel 12:16

Ahi zongin gal sung, kialpi leh natna sung panin tawm khat ka suaktasak dinga minam dangte’ lak-a a omna mun panun a gamtatnasate uh a muhdahhuaina phawkin, keimah in Topa ka hihna thu hong thei ding uh hi,” hong ci hi.

Jeremiah 42:20

Na sih nadingun lam na pial khin uh hi. Bang hang hiam cih leh Topa na Pasian uh’ kiangah, kei nong paisak uh a, ‘Ko adingin Topa i Pasian kiangah thu hong ngetsak in. Topa i Pasian in a hong gen peuhpeuh ko kiangah hong gen in. Ko zong ka mang ding uh hi,’ nong ci uh hi.

Jeremiah 21:2

“Kote adingin Topa’ kiangah thu hong dot sak in. Babilon kumpipa Nebukhadnezzar in hong sim hi. Topa in a nalamdangte khat kei tungah hong sem leh amah a kilehkik sak kha thei ding hi,” ci-in a dong sak hi.

Isaiah 1:15

Thu ngenin na khutte uh nong zaak uh ciangin note kiang pan ka mai ka seel ding a, thu tampi na nget uh hangin, ke’n ka ngai tuan kei ding hi; bang hang hiam cih leh note’ khut in sisan tawh kidim hi.

1 SAMUEL MASA 12:23

Tua tham loin kei zong, note adingin Topa tungah thunget lohna tawh ka na khial het kei ding hi; keimah in a hoih a man lampite note kong hilh ding hi.

Thu-hilhkikna 4:27

Topa in mite lakah note hong thehthang ding a, Topa in note hong hawlna minamte lakah mi tawmcik bek na om lai ding uh hi.

Paikhiatna 9:28

Topa' tungah thum in; bang hang hiam cih leh hih vanging leh gialpi kicing zo hi; note kong paisak ding a, note na khawl nawn kei ding uh hi,” ci hi.

Jeremiah 15:11

Topa aw, amaute’ hoih nadingin nang tungah kong thuumsak kei a, gimna leh haksatna hun ciangin ka galte adingin nang tungah kong ngetsak kei leh tua haamsiatnate kei tungah hong tung ta hen!

Jeremiah 38:14

Kumpipa Zedekiah in kamsangpa Jeremiah a vaikhak a, Topa’ biakinn lutna kongkhak tumna-ah a sam hi. Kumpipa in Jeremiah kiangah, “Thu khat kong dong ding hi: bangmah hong im kei in,” a ci hi.

Jeremiah 40:15

Tua ciangin Kareah’ tapa Johanan in Mizpah khua-a Gedaliah kiangah, “Nethaniah’ tapa Ishmael hong that sak in. Kuamah in hong thei lo ding uh hi. Nang hong kithat leh nang hong beel Judah mite kikhenthang ding a, Judah mi a om lai sun teng in zong bei lawh ding uh ahih manin bang hangin amah in nang hong that laizang ding ahi hiam?” ci-in a hopih sim hi.

Hosea 8:10

Tua bangin mi namdangte a cial hangun keimah in amaute kaikhawmin daan ka pia ding hi. Assiria kumpipa’ bawlsiatna tawh a sawt loin gimna ngah ding uh hi.

Amos 7:2

Kauphe in gamsung lopate a gaih khit ciangin, keimah in Topa tungah ka thuum a, “Topa Pasian aw, na mihingte’ mawhna maisak in. Amaute minam tawm hi-in zawngkhal uh ahih manin bangci thuak zawh ding uh ahi hiam?” ka ci hi.

Thu-hilhkikna 28:63

Topa in note tungah a hoih bawlna leh note tampi phasakna ah nuam a sak mah bangin, note tungah siatna tun’sakna leh note suksiatna ah zong Topa in nuamsa ding hi; a luah dingin na lutna uh leitang panin note hong kilakhia ding hi.

Late 119:170

Keima thuumna in nangma kiang hong ban hen la, nangma thu omsa tawh kizui-in kei hong honkhia in.

Isaiah 42:20

Israel in na tampi mu a, ahih hangin tuate encian lo hi; ama bilte kihong a, ahih hangin amah in khua za lo hi.

Jeremiah 2:27

Amaute in singtawng khat kiangah, ‘Nang ka pa na hi hi,’ peuh a ci uh a, suangtum khat kiangah, ‘Ka pian’na ka nu na hi hi,’ peuh a ci uh hi. Bang hang hiam cih leh amaute in kei hong nungngat uh a, a hong maingat kei uh hi. Ahih hangin haksatna a tuah uh ciangin, ‘Tho in la, hong hon in,’ hong ci uh hi.