Jeremiah 42:17 - Tedim Bible

¹⁷ Izipt gamah pai-in a teeng khempeuh namsau tawh ahi zongin, kialpi tawh ahi zongin, pul natna tawh ahi zongin a si ding uh hi. Amaute’ tunga ka tun’sak ding gimna panin kuamah a suakta kei ding hi.

Tedim Bible Revision 2017

¹⁷ Egypt gamah pai-in a teeng khempeuh namsau tawh ahi a, kialpi tawh ahi a, pulnatna tawh ahi zongin a si ding uh hi. Amauteʼ tungah ka tunsak ding gimna panin kuamah a suakta kei ding uh hi.

Jeremiah 42:17 Referans Kwoze

Jeremiah 42:22

Tua ahih manin na teen’ nopna mun uhah namsau tawh thahna, gilkialna leh pulnatna tawh sihna na thuak ding uh hi, ci-in tu-in tel takpi-in thei ta un,” a ci hi.

Jeremiah 44:28

Namsau tawh thahna a thuak kha lo, mi tawmkhate in Izipt gam panin Judah gama teeng dingin a pai a nungta lai sunte in kei’ kammal leh amau’ kammal koi zaw, a manin tung cih a thei ding uh hi.

Jeremiah 24:10

Namsau tawh kithahna, kialpi leh pulnatnate ka tungsak ding a, amaute leh a pu a pate’ kianga ka piaksa gam sungah khat beek ka nungta sak nawn kei ding hi.

Jeremiah 38:2

Jeremiah in mite’ kiangah, “Topa in hong cih-inah, Hih khuapi sunga a om mi peuhmah namsau tawh ahi zongin, kial tawh ahi zongin, pulnatna tawh ahi zongin a si ding uh hi. Ahih hangin pusuak khia-in Khaldea mite a beel peuhmah a nungta ding a, a suakta liailiai ding uh hi.

Jeremiah 42:15

Judah mi a om laite aw, Topa’ kammal ngai un. A vanglian Topa, Israel mite’ Pasian in kong cih-inah: Izipt gam-a teeng dingin na pai teitei uh a, na teen’ teitei uh leh

Ezekiel 11:8

Note in namsau na kihta uh hi. Ahi zongin namsau tawh note a hong sat ding mi kong paisak ding hi.