Jeremiah 42:16 - Tedim Bible

¹⁶ na kihtaktak uh namsau in Izipt gamah note hong that veve ding a, na kihtaktak uh kialpi in zong Izipt gamah note hong nung delh veve-in tua lai munah na si veve ding uh hi.

Tedim Bible Revision 2017

¹⁶ na kihtaktak uh namsau in Egypt gamah note hong that veve dinga, na kihtaktak uh kialpi in zong Egypt gamah note hong nung delh veve-in, tua lai munah na si veve ding uh hi.

Jeremiah 42:16 Referans Kwoze

Ezekiel 11:8

Note in namsau na kihta uh hi. Ahi zongin namsau tawh note a hong sat ding mi kong paisak ding hi.

Jeremiah 44:27

En un, keimah in amaute tungah hoihna tung loin siatna a tun’ nadingin ka bawl ding hi. Izipt gam-a om Judah mite khempeuh namsau leh kialpi tawh a si ding uh a, khat beek a suakta kei ding uh hi.

Johan 11:48

Hih mi i koihkhong leh, mite khempeuh in amah a um ding uh a, Rom mite hong pai-in eite omna gam ahi zongin, eite pawl ahi zongin hong susia ding uh hi,” a ci uh hi.

Zekhariah 1:6

Ahi zongin ka nasem ahi kamsangte’ tung tawnin ka hilhkholhna leh ka thupiaknate in note dongin hong su kha lo ding sa na hi uh hiam? Tua ahih ciangin a tawpna-ah amaute kisik uh a, hih dinga ka lungsimah ka geelsa bangin amau’ gamtatna tawh kizui-in daan ka piakna thu phawk uh hi,’ ci in,” a ci hi.

Jeremiah 42:13

Ahih hangin note in, Topa na Pasian uh’ thu mang loin, ‘Hih gam sungah ka teeng nawn kei ding uh hi.

Paunak 13:21

Tuahsiatna in mawhneite sulzuih kawikawi a, midikte tuahpha kawikawi hi.

Thu-hilhkikna 28:45

Amah in note hong piak ama thu piaknate leh thukhamte zui loin, Topa na Pasian uh thu mang lo na hih manun, note na siat matengun hih samsiatnate khempeuh note tungah hong tungin, note hong delhin hong pha ding uh hi.

Thu-hilhkikna 28:22

Topa in pulnatna, leh cisa natna, meima nasia, leh a sa mahmah natna, leh keutumna, leh huihpi mutgawpna, leh a nom tawh note hong vatgawp ding hi; note na siat mateng uh tuate in hong delh ding hi.

Thu-hilhkikna 28:15

“Ahih hangin note in Topa na Pasian uh thu mang loin, tu ni-a note kong piak ama thupiaknate leh ama thukhamte khempeuh lim takin na zuih kei uh leh, hih samsiatna khempeuh note tungah hong tung ding a, note hong ban ding hi.

Jeremiah 27:8

“‘Ahih hangin gam khat peuhpeuh ahih kei leh kumpi khat peuhpeuh in Babilon kumpipa Nebukhadnezzar’ na sem loin, Babilon kumpipa’ hakkol a ngawngah a puak kei leh, amah ka ukcip sak mateng tua gam, namsau tawh, kialpi tawh, pulnatna tawh ka daantat ding hi,’ Topa in kong ci hi.

Jeremiah 41:18

Bang hang hiam cih leh Khaldea mite a kihta uh hi. Babilon kumpipa in gam uk dinga a koih Ahikam’ tapa Gedaliah, Nethaniah’ tapa Ishmael in suamlum ahih manin a kihta uh ahi hi.