Jeremiah 42:14 - Tedim Bible

¹⁴ Gal om lohna, peengkul kitum lohna, an duh gilkial lohna Izipt gamah pai-in tua laiah ka teeng ding uh hi,’ na cih uh leh

Tedim Bible Revision 2017

¹⁴ Gal om lohna, peengkul kitum lohna, anduh gilkial lohna Egypt gamah pai-in tua lai ah ka teeng ding uh hi,’ na cih uh leh

Jeremiah 42:14 Referans Kwoze

Jeremiah 41:17

Amaute Izipt gam zuan dingin a pai uh a, Bethlehem khua gei Khimham Khawlmun-ah a khawl uh hi.

Jeremiah 4:19

Aw, ka lungtang, ka lungtang! Na ka sa mahmah hi! Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.

Jeremiah 4:21

Bang tan vei gal kisimna ka mu lai ding hiam? Bang tan vei peengkul aw ka za lai ding hiam?

Isaiah 31:1

Izipt gamah huhna ngen dingin paisuk a, sakolte suan’ in a nei, leengte a tam manin muang a, sakol tuangte a hat mahmah manin a suang, ahih hangin Israelte’ Siangtho Pa a suang lo, Topa thu a dong lote in gimna ngah ta hen!

Paikhiatna 16:3

amaute' tungah, “Kote sabeel phungah tu-in ka kham takun an ka nek lai-un Izipt leitangah Topa in hong that khin hi zaw ta leh; bang hang hiam cih leh mihon buppi gilkialna tawh a that dingin note in gamlakah nong paikhiatpih uh hi,” a ci uh hi.

Jeremiah 43:7

Amaute in Topa’ thu mang lo uh a, Izipt gamah pai-in Tahpanhes khua a tung uh hi.

Isaiah 30:16

“Hi lo! Sakol tungah manlang takin i tai ding hi,” ci na hih uh ciangin note na taikhia ding uh a; “Sakol zaptel tungah i tuang ding hi,” ci na hih uh ciangin note hong delh mite zong zaptel ding hi.

Thu-hilhkikna 29:19

Note lakah numei ahi a, pasal ahi a, innkuan ahi a, minam khat ahi zongin, tua minamte’ pasian na a sem dingin Topa i Pasian kiang panin tu ni-in a lungsim a heikhia a om khak ding kidawm un; tua hi kei leh note lakah gu a nei gah kha a gah singkung hong bang ding a, hih kiciamna kammalte za napi-in a lungsim ah amah thupha kipia tawmin, ‘Ka lungsim khauhna tawh ka gamta zongin ka suakta veve ding hi,’ a ci hong om kha ding hi. Hih in mihoih leh misia, a kibangin phiatkhiatna hong suak sak ding hi.

Gamlak-vakna 16:13

Kote tungah nangmah ulian-in kibawl tawmin, gamlakah kote hong that dingin bawngnawi leh khuaizu a luan’na gam panin nong paikhiatpihna thu hawmthawh lai na hi hiam?

Paikhiatna 17:3

Ahih hangin tua mun-ah tui duhin mite dangtak uh a, Moses tungah mite phun-in, “Kote leh ka tate uh leh ka ganhingte uh dangtakin a si dingin bang hangin Izipt panin kote hong paipih to na hi hiam?” ci uh hi.

Gamlak-vakna 14:3

Namsau tawh a si dingin bang hangin Topa in hih gamah kote hong paipih ahi hiam? Ka zite leh ka tate uh galte’ mat suak ding uh hi; Izipt ah ciahkik ding ko adingin hoihzaw ding hilo ahi hiam?” a ci hi.

Gamlak-vakna 14:4

Amaute khat leh khat kiangah, “Makai khat teelin Izipt ah ciahkik ni,” kici uh hi.

Thu-hilhkikna 17:16

Amah in ama aituam dingin sakolte tampi pha sak lo ding hi; Topa in no kiangah, ‘Hih lampi tawnin na kileh kik ngei kei ding uh hi,’ hong ci ahih manin, amah in sakolte tampi-in khangsak lo ding hi; Izipt gamah mite a paikik nading piangsak lo ding hi.