Jeremiah 42:11 - Tedim Bible

¹¹ Na kihtak uh Babilon kumpipa kihta nawn kei un. Topa in kong cih-inah, lau nawn kei un. Bang hang hiam cih leh amah’ khut sung pana hong honkhia ding leh hong lakhia dingin keimah in kong ompih hi.

Tedim Bible Revision 2017

¹¹ Na kihtak uh Babylon kumpipa kihta nawn kei un. Topa in kong cih in ah, lau nawn kei un. Bang hang hiam cih leh ama khut sung pan a hong hon khia ding le a hong la khia dingin keimah in note kong ompih hi.

Jeremiah 42:11 Referans Kwoze

ROM (Romans) 8:31

Tua bang ahih leh, hih thu hangin bang gen ding i hi hiam? Pasian in eite lamsang ah a om leh, kua in eite lang khatah a pang zo ding hiam?

Jeremiah 1:19

Amaute in nang’ lang khatah hong do ding uh hi. Ahih hangin a hong zo kei ding uh hi; bang hang hiam cih leh, Topa in kong cih-inah, nangmah hong dal dingin kong ompih ding hi,” hong ci hi.

Jeremiah 1:8

Amaute kihta kei in, bang hang hiam cih leh nangmah hong dal dingin kong ompih hi, Topa in kong ci hi,” hong ci hi.

Isaiah 43:5

Nang tawh hong omkhawm ka hih manin lau kei in; nisuahna lam panin na suan leh khakte kong paipih ding a, nitumna lam panin na mite kong kaikhawm ding hi.

Isaiah 43:2

Nangmah in tuite na kantan ciangin nang tawh kong omkhawm ding a, gunte na kantan ciangin tui in hong tuum lo ding hi; mei kantanin na pai ciangin na kang kei ding a, a meikuangte in nang hong kangtum lo ding hi.

2 TIMOTI NIHNA 4:17

Thuhilhna khempeuh ka hilh theih nading ahi zongin, Gentail mi khempeuh in a zak nadingun ahi zongin, Topa in kei lamah om a, keima tha hong dimsak a, humpinelkai’ kam sung pan hong honkhia hi.

Jeremiah 41:18

Bang hang hiam cih leh Khaldea mite a kihta uh hi. Babilon kumpipa in gam uk dinga a koih Ahikam’ tapa Gedaliah, Nethaniah’ tapa Ishmael in suamlum ahih manin a kihta uh ahi hi.

Jeremiah 27:17

Amau’ thu na mang kei un. Na nuntak theih nadingun Babilon kumpipa’ na na sem zaw un. Bang hangin hih khuapi gam simtham suak laizang ding ahi hiam?

Jeremiah 15:20

Hih mite tungah sumngo tawh a kibawl khua kulhpi kong bang sak ding a, amaute in a hong sim uh hangin a hong zo kei ding uh hi. Bang hang hiam cih leh a hong honkhia ding leh a hong suahtak dingin nang kong om pih hi, Topa in kong ci hi.

Isaiah 41:10

nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.

Late 46:11

Mi honte’ Topa in ei tawh omkhawm a, Jakob' Pasian in eima belh ahi hi.

Joshua 1:9

Thu hong pia khin hilo ka hi hiam? Thahat in la hang in; lau kei in la, lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

Joshua 1:5

Na nuntak sung tawntung kuamah in na mai hong khak zo lo ding hi; Moses tawh ka om mah bangin nang tawh zong kong om ding hi; nang kong tamasak kei ding a, kong nusia kei ding hi.

Thu-hilhkikna 20:4

bang hang hiam cih leh note tungah gualzawhna a hong pia ding, na langte uh hong dosak dingin note tawh hong paikhawmpa in Topa na Pasian uh ahi hi,’ ci ding hi.

Gamlak-vakna 14:9

Topa lehdo kei hamtang un; amaute pen zialmang pak ding i hih manin tua gam mite kihta kei un; amau’ kiang panin amau’ kidalna kilakhia a, eite tawh Topa hong om hi; amaute kihta kei un,” ci uh hi.

Sawltak 18:10

Bang hang hiam na cih leh, nangmah tawh hong omkhawm ka hih manin kuamah in nang hong doin hong liamsuah kei ding hi. Bang hang hiam na cih leh, hih khua sungah keimah in mi tampi ka nei hi,” a ci hi.

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Mattiu 10:28

Pumpi a thah theih hangin kha a that zo lote na kihta kei un. Pumpi leh kha hel khua sungah a khul zopa na kihta zaw un.

Jeremiah 27:12

Judah kumpipa Zedekiah’ kiangah zong tua mah bangin ka gen-a, “Na nuntak theih nadingin Babilon kumpipa’ hakkol pua in. Amah leh a mite’ na va sem in.

Late 46:7

Mi honte’ Topa ei tawh hong omkhawm a, Jakob’ Pasian in eima belh ahi hi.

2 KUMPI NIHNATE 25:26

Tua ciangin a neu a lianin mi khempeuh, leh galkap a ukte dingkhia-in Izipt ah pai uh hi; bang hang hiam cih leh amaute in Khaldea mite kihta uh hi.

Late 118:6

Topa in kei hong ompih hi; bangmah ka kihta kei ding hi. Mi in kei bang hong cih zo ding ahi hiam?

Jeremiah 27:11

Ahih hangin Babilon kumpipa’ hakkol pua a, ama’ na a sem gam pen, lo kho-a a teen’ theih nadingin ama’ sung mahah ka omsak ding hi, ci-in Topa in hong gen hi,’ ci-in gen uh hen,” hong ci hi.