Jeremiah 42:1 - Tedim Bible

¹ Tua ciangin galkap mangte khempeuh, Kareah’ tapa Johanan, Hoshaiah’ tapa Azariah leh a neupen pan-a kipan a lianpen dongin mi khempeuh hong paipih uh a,

Tedim Bible Revision 2017

¹ Tua ciangin galkap maangte khempeuh, Kareahʼ tapa Johanan, Hoshaiahʼ tapa Azariah le a neu pen pan a kipan a lian pen dongin mi khempeuh hong pai khawmin

Jeremiah 42:1 Referans Kwoze

Jeremiah 41:11

Ahih hangin Kareah’ tapa Johanan leh amah tawh a omkhawm galkapmang khempeuh in Nethaniah’ tapa Ishmael’ tatsiatna khempeuh a zak uh ciangin

Jeremiah 40:13

Tua ciangin Kareah’ tapa Johanan leh gamsung khua neu-a om galkap mangte khempeuh Mizpah khua Gedaliah’ kiangah hong pai uh a,

Jeremiah 6:13

Bang hang hiam cih leh a neupen pan a lianpen dongin, thuman lopi tawh sum zongin a huaiham uh hi. Kamsangte-a kipan siampite dongin thuman lo khin uh hi.

Jeremiah 44:12

Izipt gama teeng ding a, lungsim a khensat khin Judah mi a om laite, a vekpi-un ka si sak khin ding hi. Izipt gamah namsau tawh kithat sakin kial tawh ka puksisak ding hi. A neu penpen-a kipan a golpen dongin namsau leh kialpi tawh a si ding uh a, mite’ lipkhap, mite in kihaamsiatna-in a zat leh, mite’ simmawh ka suaksak ding hi.

Jeremiah 42:8

Tua ciangin amah in Kareah’ tapa Johanan, amah tawh a omkhawm galkap mangte khempeuh leh a neupen pan-a kipan a lianpen dongin mi khempeuh a sam a,

Jeremiah 40:8

Mizpah khua Gedaliah’ kiangah a pai uh hi. Nethaniah’ tapa Ishmael, Kareah’ tapa Johanan, Tanhumeth’ tapa Seraiah, Netofah khua Efai’ tate, Ma-akath mi Jezaniah leh a galkapte a pai uh hi.

Sawltak 8:10

A neu a lian a om khempeuh in, “Hih mi in Lian kici Pasian’ vangliatna mah hi,” ci-in ama thu a ngai uh hi.

Jeremiah 8:10

Tua ahih manin a zite uh midangte ka piaksak ding a, a lote uh zong midangte ka luahsak ding hi. Bang hang hiam cih leh a neupen pan a lianpen dongin thuman lopi tawh sum zongin a huaiham uh hi. Kamsangte akipan siampite dongin thuman lo khin uh hi.

Mattiu 15:8

“Hih mipawlte in amau’ kam uh tawh kei hong zahtak uh hangin, A lungsim uh, kei tawh kigamla hi.

Ezekiel 33:31

Tua ahih ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kam-un hoih khem napi-in, a lungsim uhah amau’ meet nading bek ngaihsun uh hi.

Ezekiel 11:1

Tua ciangin Pasian’ Kha in biakinn nisuahna lam kongpi-ah hong paipih hi. Tua kongpi gei-ah mihing sawmnih leh nga na om a, tuate lakah minam makai ahi nihte, Azzur’ tapa Jaiazaniah leh Benaiah’ tapa Pelatiahte zong na kihel uh hi.

Ezekiel 8:11

Tua lai-ah Israel minam makai sawmsagih na om a, tuate lakah Shafan’ tapa Jaazaniah zong na om hi. Amaute in paknamtui halna kuang khat ciat tawi uh a, paknamtui hal khute van lamah kahto biaibuai hi.

Jeremiah 42:20

Na sih nadingun lam na pial khin uh hi. Bang hang hiam cih leh Topa na Pasian uh’ kiangah, kei nong paisak uh a, ‘Ko adingin Topa i Pasian kiangah thu hong ngetsak in. Topa i Pasian in a hong gen peuhpeuh ko kiangah hong gen in. Ko zong ka mang ding uh hi,’ nong ci uh hi.

Jeremiah 41:16

Tua ciangin Kareah’ tapa Johanan leh a paipih galkap mangte khempeuh in, Nethaniah’ tapa Ishmael in Mizpah khua-ah Ahikam’ tapa Gedaliah a thah khit ciang manin a paikhiatpih galkapte, nupite, naupangte leh kumpi inn sung mangte akipan a om lai mite khempeuh Gibeon khua panin a ciahpih kik uh hi.

Isaiah 48:1

Israel min tawh a kilo, Judah sung pan-a a piangkhia; Topa’ min tawh thuciam in Israel min lo napi-in, thuman thutak tawh Israel Pasian a pulak lo, Jakob innkuan aw, hih thu ngai un.

Isaiah 29:13

Tua ciangin Topa in: “Amaute’ lungsim kei tawh kigamla napi-in hih mite in a kam uh tawh kei kiangah hong nai uh a, a muk uh tawh kei hong pahtawi-in, amaute in kei hong kihtakna pen mihingte’ thupiak a zuihna uh ahi lel hi;

2 KUMPI NIHNATE 25:23

Tu-in gamsunga om galkap a ukte leh a mite in Babilon kumpipa in a uk dingin Gedaliah a sehna thu a zak uh ciangin amaute a mite uh tawh Mizpah a, Gedaliah kiangah hong pai uh hi; tuate in Nethaniah’ tapa Ishmael, leh Kareah’ tapa Johanan, leh Netofah mi Tanhumeth’ tapa Seraiah, leh Ma-akath mi Ja-azaniah ahi uh hi.

Jeremiah 37:3

Zedekiah kumpipa in kamsangpa Jeremiah’ kiangah, Shelemiah’ tapa Jehukal leh Ma-aseiah’ tapa siampipa Zefaniah sawl a, “Topa i Pasian’ kiangah kote’ adingin thu hong ngetsak in,” ci-in a gen sak hi.

Jeremiah 41:18

Bang hang hiam cih leh Khaldea mite a kihta uh hi. Babilon kumpipa in gam uk dinga a koih Ahikam’ tapa Gedaliah, Nethaniah’ tapa Ishmael in suamlum ahih manin a kihta uh ahi hi.

Jeremiah 43:2

Hoshaiah’ tapa Azariah leh Kareah’ tapa Johanan-a kipan mi gilo dangte khempeuh in Jeremiah kiangah, “Nang in zuau na phuak hi. Topa i Pasian in, ‘Izipt gamah a teeng dingin pai kei un,’ ci-a gen dingin nang hong sawl lo hi.