Jeremiah 41:5 - Tedim Bible

⁵ Shekhem, Shiloh leh Samaria khuate panin mi sawmgiat hong pai uh hi. Amaute in a khamul uh metin a puan uh bal kek-in, a pumpi uh a kikui gawp sa-in Topa’ biakinn ah an tawh biakna leh paknamtui tawh biakna a piak ding uh hong tawi khawm uh hi.

Tedim Bible Revision 2017

⁵ Shekhem, Shiloh le Samaria khuate panin mi sawm giat hong pai uh hi. Amaute in a khamul uh metin a puan uh bal kekin, a pumpi uh a kikui gawp sa-in Topaʼ biakinn ah an tawh biakna le paknamtui tawh biakna a piak ding uh hong tawi khawm uh hi.

Jeremiah 41:5 Referans Kwoze

1 KUMPI MASATE 16:24

Amah in Shemer’ tung panin ngun talen nih-in Samaria mual lei hi; amah in kulh tawh a mual um a, tua mual a neipa Shemer’ min tamin a lamsa khuapi min Samaria phuak hi.

2 KUMPI NIHNATE 25:9

Amah in Topa’ inn, kumpipa’ inn leh Jerusalem khua sung inn khempeuh hal hi; inn lian khempeuh amah in haltum hi.

Joshua 18:1

Tua ciangin Israel mihon buppi Shiloh-ah kikhawm uh a, tua lai-ah kikhopna buk lam uh hi; amaute mai-ah gam zawhsa-in om hi.

Thu-hilhkikna 14:1

Note in Topa na Pasian uh mite na hi uh hi; mi site hangin note ki-at keh loin, na sam uh zong na mettol kei ding uh hi.

1 KUMPI MASATE 12:1

Shekhem ah Rehoboam pai hi; bang hang hiam cih leh amah kumpi a suaksak dingin Israel khempeuh Shekhem ah hong pai uh hi.

Thukhente 9:1

Tu-in Jerubbaal’ tapa Abimelek Shekhem-a a nu’ tanaute kiangah pai-in amaute leh a nu’ innkuante beh khempeuh kiangah,

Piancilna 33:18

Paddan-aram panin hong paina lampi, Kanaan gamsunga om, Shekhem khuapi-ah lungmuang takin Jakob hong tung hi; khuapi mai-ah amah in phual sat hi.

Isaiah 15:2

A sangna munte ah a kap dingin Dibon khuamite pai to uh hi; Nebo leh Medeba khuate’ hangin Moab mite nakpi takin kap uh hi. Dahna limin lu khempeuh kimettol a, khamul khempeuh kimetmai hi;

1 KUMPI MASATE 16:29

Judah kumpi Asa’ kum sawmthum-le-giatna kumin Omri’ tapa Ahab in Israel tungah uk ding kipan a, Omri’ tapa Ahab in Samaria panin Israelte tungah kum sawmnih-le-nih sung uk hi.

1 KUMPI MASATE 12:25

Tua ciangin Jeroboam in Efraim mualtung gam sungah Shekhem khua lamin tua lai-ah teeng hi; tua ciangin tua lai panin amah paikhia-in Penuel lam hi.

1 SAMUEL MASA 1:7

Tua ahih ciangin a kum kumin tua bangin hih uh hi; Topa’ inn-ah amah a paitoh simin a lawmnu in amah phin zel hi. Tua ahih ciangin Hannah kapin an ne lo hi.

Jeremiah 7:14

ka min tawh a kilo, note in na muan’ uh hih biakinn leh note leh na pu na pate-uh’ kiang-a kong piak hih mun, Shiloh tunga ka hih bangin ka hih ding hi.

Jeremiah 7:12

Ka min ka teen’sak masakna Shiloh khua-ah va pai un la, ka mi Israel mite’ gitlohna hang-a ka nasepna va en dih un.

Late 102:14

Bang hang hiam cih leh na nasemte in tua khua suangtumte itin a leivuite nangawn pammaih sa uh hi.

2 SAMUEL NIHNA 10:4

Tua ahih ciangin Hanun in David’ nasemte manin a khamul uh a lang ciat kiat khiatsak a, a puan uh a laizang, a kawng ciangah at khiatsakin amaute sawlkhia hi.

Joshua 24:32

Israel mite in Izipt panin a puak uh Josef’ guhte pen Shekhem’ pa Hamor’ tapate tung panin Jakob in dangka zakhat tawh a lei leitang Shekhem-ah kivui hi; tua leitang pen Josef’ suan-le-khakte’ luah a suak hi.

Piancilna 34:2

Hiv mi Hamor’ tapa Shekhem,tua gam ulianpa in amah a muh ciangin, amah in manin luppih a, siasak hi.

Piancilna 37:12

Tu-in a pa uh’ tuuhonte cing dingin Shekhem gei-ah a sanggamte pai hi.

Thukhente 18:31

Tua ahih ciangin amaute in Shiloh-ah Pasian’ inn a om sung teng Mikah’ bawlsa a kiseek milim phut uh hi.

Late 78:60

Amah in, mihingte’ lak-a omna puanbuk, Shiloh khua-a a omna nusia a,

Jeremiah 16:6

Hih gamah miliante leh mineute a si ding uh a, kivui loin, amau adingin kuamah kap loin, kuamah in a pumpi uh kui liam loin, a sam uh a met kei ding uh hi.

Jeremiah 41:4

Gedaliah a kisuam ni zing ciang kuama’ theih ma-in

Jeremiah 47:5

Gaza khua-te maizum ta uh a, Ashkelon khua kisia ta hi. Aw, no Anakim mi a om laite aw, bang tan no leh no kisuliam ding na hi uh hiam?

Jeremiah 48:37

“Mi khempeuh in a lu uh met tol uh a, a khamul uh kiatsiang uh hi. A khutte uh kui kek uh a, a kawng uhah ippi puan a teeng uh hi.

Joel 2:13

Na dah taktakna uh lungkhamna tawh langsak un la, na puan uh a balkeek bek hi kei un,” hong ci hi. Topa, note’ Pasian kiangah ciahkik un. Amah migi-in hehpihna a nei hi a, a lung duai-in hong huh nuam tawntung a, daan hong tat loin hong maisak nuam tawntung hi.

1 KHANG TANGTHU MASATE 19:4

Tua ahih ciangin Hanun in David’ nasemte manin a khamul uh metsak a, a kawngciang uhah a puante at khiatsakna tawh amaute daisakin sawl khia hi; tua ciangin amaute kihem uh hi.