Jeremiah 41:18 - Tedim Bible

¹⁸ Bang hang hiam cih leh Khaldea mite a kihta uh hi. Babilon kumpipa in gam uk dinga a koih Ahikam’ tapa Gedaliah, Nethaniah’ tapa Ishmael in suamlum ahih manin a kihta uh ahi hi.

Tedim Bible Revision 2017

¹⁸ Bang hang hiam cih leh Babylon mite a kihta uh hi. Babylon kumpipa in gam uk dingin a koih Ahikamʼ tapa Gedaliah pen Nethaniahʼ tapa Ishmael in suam lum ahih manin a kihta uh ahi hi.

Jeremiah 41:18 Referans Kwoze

Jeremiah 40:5

Jeremiah a pai loh ciangin Nebuzaradan in, “Babilon kumpipa in Judah gam khuapite uk ding a, a koih, Ahikam’ tapa, Shafan’ tupa Gedaliah, kiangah paikik in. Amah tawh na mipihte lakah teeng in. Na teen’ nop kei leh lah na pai nopna peuhpeuh ah pai in,” a ci hi. Tua ciangin kumpi cing galkap mangpa in amah an leh letsong pia-in a paisak hi.

Jeremiah 42:16

na kihtaktak uh namsau in Izipt gamah note hong that veve ding a, na kihtaktak uh kialpi in zong Izipt gamah note hong nung delh veve-in tua lai munah na si veve ding uh hi.

Jeremiah 42:11

Na kihtak uh Babilon kumpipa kihta nawn kei un. Topa in kong cih-inah, lau nawn kei un. Bang hang hiam cih leh amah’ khut sung pana hong honkhia ding leh hong lakhia dingin keimah in kong ompih hi.

Isaiah 57:11

Nang zuau-in, kei hong phawk loin, kei nong ngaihsut loh nadingin na kihtak hih pasiante bang ahi hiam? Sau veipi sung pau loin ka om hit-hiat manin kei hong zahtak lo na hi hiam?

2 KUMPI NIHNATE 25:25

Ahih hangin a kha sagihna sungin kumpi innkuan sung panin Elishama’ tapa Nethaniah, a tapa Ishmael mihing sawm tawh hong kuanin Gedaliah leh Mizpah ah amah tawh a om Judah mi leh Khaldea mite simin that hi.

Jeremiah 42:1

Tua ciangin galkap mangte khempeuh, Kareah’ tapa Johanan, Hoshaiah’ tapa Azariah leh a neupen pan-a kipan a lianpen dongin mi khempeuh hong paipih uh a,

2 KUMPI NIHNATE 25:22

Tua ciangin Judah gam sungah a om lai, Babilon kumpipa Nebukhadnezzar in a nusiatte tungah a uk dingin Shafan’ tapa Ahikam, a tapa Gedaliah amah in seh hi.