Jeremiah 41:1 - Tedim Bible

¹ Kha sagih kha hong tun’ ciangin Nethaniah’ tapa, Elishama’ tupa, kumpi nam leh kumpipa’ ulian pente khat ahi Ishmael, mi sawm tawh Mizpah khua Ahikam’ tapa Gedaliah’ kiangah hong pai uh hi. Mizpah khua-ah amaute in an a nek khawm laitak-un,

Tedim Bible Revision 2017

¹ Kha sagih kha hong tun ciangin Nethaniahʼ tapa, Elishamaʼ tupa, kumpi nam le kumpipaʼ ulian pente khat ahi Ishmael, mi sawm tawh Mizpah khua Ahikamʼ tapa Gedaliahʼ kiangah hong hawh uh hi. Mizpah khua ah amaute in an a nekkhawm laitakun,

Jeremiah 41:1 Referans Kwoze

Jeremiah 40:8

Mizpah khua Gedaliah’ kiangah a pai uh hi. Nethaniah’ tapa Ishmael, Kareah’ tapa Johanan, Tanhumeth’ tapa Seraiah, Netofah khua Efai’ tate, Ma-akath mi Jezaniah leh a galkapte a pai uh hi.

Jeremiah 40:6

Tua ciangin Jeremiah zong Ahikam’ tapa Gedaliah’ omna Mizpah khua-ah pai-in gam sunga a om lai a mipihte tawh a teeng khawm hi.

Late 41:9

Ka muan’, ka lawm itpa, keima an a nepa nangawn in, a khetul tawh keimah hong peek hi.

Johan 13:18

Note khempeuh kong ci nuam kei hi. Ka teel mite ka thei hi. ‘Keima an a ne mi in a khetul tawh hong peek hi,” ci-a Lai Siangtho thu a tun’ nading ahi hi.

Ezekiel 17:13

Amah in kumpipa’ innkuanpih mite khat la-in, amah tawh thuciamna khat bawl a, ama tungah a thuman taktakna dingin kiciamna bawlsak hi. Tua gam-a mi liante ciahpih hi.

Jeremiah 36:20

Tua ciangin amaute in thuvanpipa Elishama’ inndei sungah tua laizial a koih uh a, kumpipa’ omna inndei sungah a lut khit uh ciangin kumpipa kiangah tua thu khempeuh a gen uh hi.

Jeremiah 36:12

Kumpipa’ inn sung, thuvanpipa’ inndei sungah a paisuk a, tua lai munah thuvanpipa Elishama, Shemiah’ tapa Delaiah, Akbor’ tapa Elnathan, Shafan’ tapa Gemariah, Hananiah’ tapa Zedekiah-te akipan kumpi ulian khempeuh tu-in a na om uh hi.

Paunak 27:4

Hehna leh sinsona siahuai a, ahi zongin hazatna siahuai zaw lai hi.

Paunak 13:10

Hilh ding ut lo a, kihihsakna in kitotna bek piangsak thei a, hong kithuhilh ding utna in a hoihzaw ahi hi.

Late 109:5

Tua ahih ciangin amaute in hoihna’ adingin siatna, itna’ adingin muhdahna tawh kei hong thuk uh hi.

2 KHANG TANGTHU NIHNATE 22:10

Tu-in Ahaziah’ nu Athaliah in a tapa a sihna a muh ciangin amah kipanin Judah sung pan kumpi innkuan khempeuh susia hi.

2 KUMPI NIHNATE 25:25

Ahih hangin a kha sagihna sungin kumpi innkuan sung panin Elishama’ tapa Nethaniah, a tapa Ishmael mihing sawm tawh hong kuanin Gedaliah leh Mizpah ah amah tawh a om Judah mi leh Khaldea mite simin that hi.

2 KUMPI NIHNATE 11:1

Tu-in Ahaziah’ nu Athaliah in a tapa a sihna a theih ciangin amah kipanin kumpi innkuan khempeuh susia hi.

2 SAMUEL NIHNA 3:27

Hebron-ah Abner hong kik ciangin, Joab in amah tawh a kituam hopih dingin kulh kongpi pam-ah paikhiatpih a, a sanggampa Asahel’ phu lakna-in amah in a gil sunin, tua ciangin si hi.

Jeremiah 39:14

thong huang sung panin Jeremiah a lakhia uh hi. Ahikam’ tapa ahi, Shafan’ tapa Gedeliah kiangah, inn a, a ciahpih dingin a ap uh hi. Tua ahih manin Jeremiah a mipihte’ lak mahah a teeng hi.

Jeremiah 40:5

Jeremiah a pai loh ciangin Nebuzaradan in, “Babilon kumpipa in Judah gam khuapite uk ding a, a koih, Ahikam’ tapa, Shafan’ tupa Gedaliah, kiangah paikik in. Amah tawh na mipihte lakah teeng in. Na teen’ nop kei leh lah na pai nopna peuhpeuh ah pai in,” a ci hi. Tua ciangin kumpi cing galkap mangpa in amah an leh letsong pia-in a paisak hi.

Jeremiah 40:13

Tua ciangin Kareah’ tapa Johanan leh gamsung khua neu-a om galkap mangte khempeuh Mizpah khua Gedaliah’ kiangah hong pai uh a,

2 KUMPI NIHNATE 25:22

Tua ciangin Judah gam sungah a om lai, Babilon kumpipa Nebukhadnezzar in a nusiatte tungah a uk dingin Shafan’ tapa Ahikam, a tapa Gedaliah amah in seh hi.

Jeremiah 40:7

Babilon kumpipa in Ahikam’ tapa Gedaliah, gam uk dingin koih a, Babilon khua-a sal dinga a kipaipih lo gam sunga mizawng pente ahi papi, nupi leh naupangte a en dinga a koihna thu gamsung khua neu-a om galkap mangte leh a galkapte un a zak uh ciangin