Jeremiah 40:8 - Tedim Bible

⁸ Mizpah khua Gedaliah’ kiangah a pai uh hi. Nethaniah’ tapa Ishmael, Kareah’ tapa Johanan, Tanhumeth’ tapa Seraiah, Netofah khua Efai’ tate, Ma-akath mi Jezaniah leh a galkapte a pai uh hi.

Tedim Bible Revision 2017

⁸ Mizpah khua Gedaliah kiangah a pai uh hi. Nethaniahʼ tapa Ishmael, Kareahʼ tapa Johanan, Tanhumethʼ tapa Seraiah, Netofah khuami Efaiʼ tate le Maakath mi Jezaniah-te in a galkapte hong paipih uh hi.

Jeremiah 40:8 Referans Kwoze

Jeremiah 42:1

Tua ciangin galkap mangte khempeuh, Kareah’ tapa Johanan, Hoshaiah’ tapa Azariah leh a neupen pan-a kipan a lianpen dongin mi khempeuh hong paipih uh a,

Thu-hilhkikna 3:14

Manasseh mi Jair in Bashan kici Argob gam khempeuh, Geshur mite leh Ma-akath mite’ gamgi dong la a, tua sunga khua neu minte ama min tam sakin tuni donga a kip Havvoth-jair phuak hi.)

Jeremiah 43:2

Hoshaiah’ tapa Azariah leh Kareah’ tapa Johanan-a kipan mi gilo dangte khempeuh in Jeremiah kiangah, “Nang in zuau na phuak hi. Topa i Pasian in, ‘Izipt gamah a teeng dingin pai kei un,’ ci-a gen dingin nang hong sawl lo hi.

Jeremiah 42:8

Tua ciangin amah in Kareah’ tapa Johanan, amah tawh a omkhawm galkap mangte khempeuh leh a neupen pan-a kipan a lianpen dongin mi khempeuh a sam a,

Jeremiah 40:6

Tua ciangin Jeremiah zong Ahikam’ tapa Gedaliah’ omna Mizpah khua-ah pai-in gam sunga a om lai a mipihte tawh a teeng khawm hi.

Nehemiah 7:26

Bethlehem leh Netofah khuami za khat leh sawmgiat-le-giat ahi hi.

Ezra 2:22

Netofah khuami sawmnga-le-guk ahi hi.

2 SAMUEL NIHNA 10:8

Tua ciangin Ammon mite hong kuankhia-in kulh kongpi lutna-ah gal sim dingin pang uh hi; Zobah leh Rehob-a Siria mite, Top mite, leh Ma-akahte, gamlakah amau pawl ciatin om uh hi.

2 SAMUEL NIHNA 10:6

Ammon mite in amaute David’ huat mi a suah khitna uh a muh uh ciangin Ammon mite in mi sawlin Bethrehob-a Siria mite, leh Zobah-a Siria mite, khe galkap tul sawmnih, leh Ma-akah kumpipa, mi tulkhat tawh, Tob mite mi tulsawm leh tulnih cial uh hi.

Jeremiah 43:5

Tua ciangin Kareah’ tapa Johanan leh galkap mangte khempeuh in, a kihawl khiatna uh gam khempeuh panin a hong ciahkik Judah mi a om lai sun teng Izipt gamah a paipih uh hi.

Jeremiah 40:11

Tua mah bangin Moab gam, Ammon gam, Edom gam leh gamdang a, teeng Judah mi khempeuh in, Babilon kumpipa in Judah gamah mi pawlkhat om sak lai a, tuate a uk dingin Ahikam’ tapa, Shafan’ tupa Gedaliah koih hi, cih thu a za uh hi.

Jeremiah 38:26

amau’ kiangah, ‘Kumpipa in kei, Jonathan’ innah a si dingin hong puakkik nawn loh nadingin a thuum hi’ng’ ci in la, dawng in,” ci-in a gen hi.

Jeremiah 37:20

Tu-in ka Topa kumpipa aw, ka thugen nong ngaih nadingin kong thuum hi. Kumpi thuvanpipa Jonathan’ innah nong puak kik nawn loh nadingin na mai nuai-ah kiniamkhiatna tawh kong thuum hi. Bang hang hiam cih leh nong puakkik leh tua lai-ah ka si taktak ding hi,” a ci hi.

Jeremiah 37:15

Kumpi uliante zong Jeremiah tungah heh mahmah uh a, a sat khit uh ciangin thong ding a, a kizang sa, kumpi thuvanpipa Jonathan’ innah thong a kia sak uh hi.

Ezra 2:2

Zerubbabel, Jeshua, Nehemiah, Seraiah, Re-elaiah, Mordekai, Bilshan, Mispar, Bigvai, Rehum leh Baanahte makai-in tua mite ciahpih uh hi. Israel mi phazahte in:

1 KHANG TANGTHU MASATE 11:30

Netofah khuami Maharai, Netofah khuami Baanah’ tapa Heled,

1 KHANG TANGTHU MASATE 2:54

Bethlehem khuapi a sat Salma’ suante in: Netofah mite, Atroth-bethjoab, leh Zorah mi ahi Manahath mite a lang ahi hi.

1 KHANG TANGTHU MASATE 2:48

Kaleb’ zineu Ma-akah in Sheber leh Tirhanah nei hi.

2 KUMPI NIHNATE 25:25

Ahih hangin a kha sagihna sungin kumpi innkuan sung panin Elishama’ tapa Nethaniah, a tapa Ishmael mihing sawm tawh hong kuanin Gedaliah leh Mizpah ah amah tawh a om Judah mi leh Khaldea mite simin that hi.

2 KUMPI NIHNATE 25:23

Tu-in gamsunga om galkap a ukte leh a mite in Babilon kumpipa in a uk dingin Gedaliah a sehna thu a zak uh ciangin amaute a mite uh tawh Mizpah a, Gedaliah kiangah hong pai uh hi; tuate in Nethaniah’ tapa Ishmael, leh Kareah’ tapa Johanan, leh Netofah mi Tanhumeth’ tapa Seraiah, leh Ma-akath mi Ja-azaniah ahi uh hi.

2 SAMUEL NIHNA 23:34

Maiakah khuami Ahasbai’ tapa Elifelet, Gilo khuami Ahithofel’ tapa Eliam,

Jeremiah 40:13

Tua ciangin Kareah’ tapa Johanan leh gamsung khua neu-a om galkap mangte khempeuh Mizpah khua Gedaliah’ kiangah hong pai uh a,

Jeremiah 40:14

“Ammon kumpipa Baalis in nang hong suam dingin Nethaniah’ tapa Ishmael a sawl lam na thei hiam?” ci-in a dong uh hi. Ahih hangin Ahikam’ tapa Gedaliah in amau’ gen a um kei hi.

Jeremiah 40:15

Tua ciangin Kareah’ tapa Johanan in Mizpah khua-a Gedaliah kiangah, “Nethaniah’ tapa Ishmael hong that sak in. Kuamah in hong thei lo ding uh hi. Nang hong kithat leh nang hong beel Judah mite kikhenthang ding a, Judah mi a om lai sun teng in zong bei lawh ding uh ahih manin bang hangin amah in nang hong that laizang ding ahi hiam?” ci-in a hopih sim hi.

Jeremiah 41:1

Kha sagih kha hong tun’ ciangin Nethaniah’ tapa, Elishama’ tupa, kumpi nam leh kumpipa’ ulian pente khat ahi Ishmael, mi sawm tawh Mizpah khua Ahikam’ tapa Gedaliah’ kiangah hong pai uh hi. Mizpah khua-ah amaute in an a nek khawm laitak-un,

Jeremiah 41:2

Nethaniah’ tapa Ishmael leh tua mi sawmte in, Babilon kumpipa in gam uk ding a, a koih Ahikam’ tapa, Shafan’ tupa Gedaliah pen namsau tawh a sat uh a, a thatlum uh hi.

Jeremiah 41:11

Ahih hangin Kareah’ tapa Johanan leh amah tawh a omkhawm galkapmang khempeuh in Nethaniah’ tapa Ishmael’ tatsiatna khempeuh a zak uh ciangin