Jeremiah 40:7 - Tedim Bible

⁷ Babilon kumpipa in Ahikam’ tapa Gedaliah, gam uk dingin koih a, Babilon khua-a sal dinga a kipaipih lo gam sunga mizawng pente ahi papi, nupi leh naupangte a en dinga a koihna thu gamsung khua neu-a om galkap mangte leh a galkapte un a zak uh ciangin

Tedim Bible Revision 2017

⁷ Babylon kumpipa in gam uk dingin Ahikamʼ tapa Gedaliah koih a, Babylon khua ah sal dingin a kipaipih lo gam sungah mizawng pente ahi papi, nupi le naupangte a en dingin a koihna thu, Babylon-teʼ khut sungah a lut nai lo, gam sung khua neu-a om galkap bute le a galkapte un a zak uh ciangin

Jeremiah 40:7 Referans Kwoze

Jeremiah 39:10

Kumpi cing galkap mangpa Nebuzaradan in bangmah a nei lo mizawng pawlkhat Judah gamah nusia-in leenggah huan leh lo a pia hi.

Ezekiel 45:16

Israel mi khempeuh in hihte pen biakna-a piak dingin, amau a uk ulianpa tungah puak ding uh hi.

Jeremiah 39:4

Judah kumpipa Zedekiah leh galkap khempeuh in amaute a muh uh ciangin a tai sim uh hi. Zan laitakin kumpipa’ huan sung tawnin kulh tegel kikal-a kongpi kan tan-in khuapi sung pan a paikhia uh a, Arabah leizang lam a manawh uh hi.

2 KUMPI NIHNATE 25:4

Tua ciangin khuapi kulh sulet uh hi; Khaldea mite khuapi kiimah a ompi mahin, kumpipa’ huan kiang lam kulhpi nih kikal kulh kongpi lampi zui-in kumpipa leh a galhang mi khempeuh zanin tai uh hi. Amaute Arabah lam manawhin pai uh hi.

2 KUMPI NIHNATE 25:12

Ahih hangin a cingte a ukpa in leenggui lote a en ding leh lo kho dingin tua gam mi a zawngpente pawlkhat nusia hi.

Jeremiah 41:11

Ahih hangin Kareah’ tapa Johanan leh amah tawh a omkhawm galkapmang khempeuh in Nethaniah’ tapa Ishmael’ tatsiatna khempeuh a zak uh ciangin

Jeremiah 43:6

Papi, nupi, naupang, kumpipa’ tanute-a kipan kumpi cing galkap mang Nebuzaradan in Ahikam’ tapa, Shafan’ tupa ahi Gedaliah’ kep dinga a nusiat mi khempeuh a paipih uh hi. Kamsangpa Jeremiah leh Neriah’ tapa Baruk zong a kipaipih hi.

Jeremiah 52:16

Ahih hangin kumpipa a cing galkap mangpa Nabuzaradan in leenggah lo cing ding leh lokho dingin gam sunga a zawngpente pawlkhat a nusia lai hi.

Jeremiah 39:9

Tua ciangin kumpi cing galkap mangpa Nebuzaradan in khuapi sunga a kinusia lai mite tawh, ama kianga a tai mite tawh, a omlai mite tawh, Babilon-ah sal dingin a paipih hi.

Jeremiah 39:14

thong huang sung panin Jeremiah a lakhia uh hi. Ahikam’ tapa ahi, Shafan’ tapa Gedeliah kiangah, inn a, a ciahpih dingin a ap uh hi. Tua ahih manin Jeremiah a mipihte’ lak mahah a teeng hi.

Jeremiah 41:1

Kha sagih kha hong tun’ ciangin Nethaniah’ tapa, Elishama’ tupa, kumpi nam leh kumpipa’ ulian pente khat ahi Ishmael, mi sawm tawh Mizpah khua Ahikam’ tapa Gedaliah’ kiangah hong pai uh hi. Mizpah khua-ah amaute in an a nek khawm laitak-un,

Jeremiah 41:10

Tua ciangin kumpi cing galkapmang Nebuzaradan in, Ahikam’ tapa Gedaliah’ uk dinga a piak kumpipa’ tanute leh Mizpah khua-a a kinusia mite khempeuh-a kipan Mizpah khua-a a om lai mi vannuai khempeuh Nethaniah’ tapa Ishmael in a man a, Ammon gam lam zuanin a paikhiatpih hi.