Jeremiah 40:5 - Tedim Bible

⁵ Jeremiah a pai loh ciangin Nebuzaradan in, “Babilon kumpipa in Judah gam khuapite uk ding a, a koih, Ahikam’ tapa, Shafan’ tupa Gedaliah, kiangah paikik in. Amah tawh na mipihte lakah teeng in. Na teen’ nop kei leh lah na pai nopna peuhpeuh ah pai in,” a ci hi. Tua ciangin kumpi cing galkap mangpa in amah an leh letsong pia-in a paisak hi.

Tedim Bible Revision 2017

⁵ Kei ka pau loh ciangin Nebuzaradan in, “Babylon kumpipa in Judah gam khuapite a uk dingin a koih Ahikamʼ tapa, Shafanʼ tupa Gedaliah kiangah paikik in. Amah tawh na mipihte lakah na teng in. Na ten nop kei leh lah na pai nopna peuhpeuh ah pai in,” a hong ci hi. Tua ciangin kumpi cing galkap mangpa in an le letsong hong pia-in kei a hong paisak hi.

Jeremiah 40:5 Referans Kwoze

Jeremiah 39:14

thong huang sung panin Jeremiah a lakhia uh hi. Ahikam’ tapa ahi, Shafan’ tapa Gedeliah kiangah, inn a, a ciahpih dingin a ap uh hi. Tua ahih manin Jeremiah a mipihte’ lak mahah a teeng hi.

Jeremiah 41:2

Nethaniah’ tapa Ishmael leh tua mi sawmte in, Babilon kumpipa in gam uk ding a, a koih Ahikam’ tapa, Shafan’ tupa Gedaliah pen namsau tawh a sat uh a, a thatlum uh hi.

Hebru 13:6

Tua ahih ciangin: “Topa in kei hong huhpa hi a, ka lau kei ding hi. Mite in kei tungah bang hong cih thei ding ahi uh hiam?” ci-in kimuan’na lungsim tawh i gen thei hi.

Sawltak 28:10

Tua mite in lungdamna tampi hong pia uh a, teembaw tungah ka tuan’ kik uh ciangin ka sapnate uh teembaw tungah a koih uh hi.

Sawltak 27:43

Ahih hangin galkap mangpa in Paul a suahtaksak nop maninah galkapte’ hihna kham a, “Tui peek siamte in peek masa uh a, lei tungah a tung masa ding uh hi.

Sawltak 27:3

A zing ciangin Sidon khua ka tun’ uh ciangin, ama lawmte kiangah pai-in an vakna a ngah theih nadingin Julias in Paul hehpihin thu a pia hi.

Jeremiah 40:4

Tu-in, en in, na khuta kibulh kolte, tu ni-in kong sutkhiat sak kong khah khia ta hi. Babilon khua-ah kei tawh pai ding hoih na sak leh hong pai in. Keimah in nang lim takin kong kem ding hi. Ahih hangin Babilon khua-ah kei tawh pai ding hoih nasak kei leh hong pai kei in. Gam khempeuh na mai-ah om a, na pai nopna peuhpeuh ah na pai thei hi,” a ci hi.

Jeremiah 26:24

Ahih hangin Shafan’ tapa Ahikam in Jeremiah hu ahih manin mite’ khut sungah kipia loin thahna a thuak kei hi.

Jeremiah 15:11

Topa aw, amaute’ hoih nadingin nang tungah kong thuumsak kei a, gimna leh haksatna hun ciangin ka galte adingin nang tungah kong ngetsak kei leh tua haamsiatnate kei tungah hong tung ta hen!

Paunak 21:1

Topa’ khut sungah kumpipa om a, lo sunga tui lak bangin a deihna peuhah hei kawikawi thei hi.

Paunak 16:7

Topa’ deih bang-a gamtatna in, galte nangawn lawm-a kaih zawhna hi.

JOB (Job) 22:29

Pasian in mi kiphasakte niamkhiat a, mi niamte gum hi.

Nehemiah 1:11

Keima hong thungetna leh nangma min a zahtak nuam na nasemte’ thungetna na bil hong ngat in. Tu ni-in kei tungah mavan’na hong pia in la, kei tungah hih kumpipa hong migit nading lungsim guan in,” ka ci hi.

Ezra 7:27

Tua ciangin Ezra in, “Jerusalem a, om Topa’ inn tua bangin a minthangsak thuah dingin kumpipa lungsim ah suak sak a, kumpipa leh a thulamlakte leh a uliante kei tungah a thunuam dingin a bawl i pu i pate’ Pasian ahi Topa in thupha ngah ta hen!” a ci hi. Tua hi a, Topa ka Pasian in kei hong ompihna thei ka hih manin ka lungsim hong hang a, kei hong zui dingin Israel makaite ka khawm hi.

Ezra 7:6

hih Ezra pen Babilon panin hong paito hi. Amah pen Israel Pasian, Topa in a piak Moses thukham a siam lai thei mi khat ahi hi; Topa ahi ama Pasian in ompih ahih manin ama nget khempeuh kumpipa in pia hi.

2 KHANG TANGTHU NIHNATE 34:20

Tua ciangin kumpipa in Hilkiah, Shafan’ tapa Ahikam, Mikah’ tapa Abdon, lai-atpa Shafan, leh kumpipa’ nasempa Asaiah thu pia-in,

2 KUMPI NIHNATE 22:14

Tua ahih ciangin siampi Hilkiah, Ahikam, Akbor, Shafan, leh Asa-iahte, puan a kem, Harhas tapa Tikvah, a tapa Shallum’ zi kamsangnu Huldah kiangah pai uh hi (tu-in tua nu in Jerusalem khua sung a Veng Nihna ah teng hi); tua ciangin tua nu tawh amaute kiho uh hi.

2 KUMPI NIHNATE 22:12

Tua ciangin kumpipa in siampi Hilkiah, leh Shafan’ tapa Ahikam, leh Mikaiah’ tapa Akbor, leh lai-atpa Shafan, leh kumpipa’ nasem Asa-iah thu pia a,

Jeremiah 41:1

Kha sagih kha hong tun’ ciangin Nethaniah’ tapa, Elishama’ tupa, kumpi nam leh kumpipa’ ulian pente khat ahi Ishmael, mi sawm tawh Mizpah khua Ahikam’ tapa Gedaliah’ kiangah hong pai uh hi. Mizpah khua-ah amaute in an a nek khawm laitak-un,

Jeremiah 41:18

Bang hang hiam cih leh Khaldea mite a kihta uh hi. Babilon kumpipa in gam uk dinga a koih Ahikam’ tapa Gedaliah, Nethaniah’ tapa Ishmael in suamlum ahih manin a kihta uh ahi hi.