Jeremiah 40:4 - Tedim Bible

⁴ Tu-in, en in, na khuta kibulh kolte, tu ni-in kong sutkhiat sak kong khah khia ta hi. Babilon khua-ah kei tawh pai ding hoih na sak leh hong pai in. Keimah in nang lim takin kong kem ding hi. Ahih hangin Babilon khua-ah kei tawh pai ding hoih nasak kei leh hong pai kei in. Gam khempeuh na mai-ah om a, na pai nopna peuhpeuh ah na pai thei hi,” a ci hi.

Tedim Bible Revision 2017

⁴ Tu-in en in, na khut a kibulh kolte tu ni-in kong sutkhiatsak a, kong khah khia ta hi. Babylon khua ah kei tawh pai ding hoih na sak leh hong pai in. Keimah in limtakin nang kong kem ding hi. Ahih hangin Babylon khua ah kei tawh pai ding hoih na sak kei leh hong pai kei in. Gam khempeuh na mai ah om a, na pai nopna peuhpeuh ah na pai thei hi,” a hong ci hi.

Jeremiah 40:4 Referans Kwoze

Piancilna 20:15

Abimelek in, “En in, ka leitang in na mai-ah om hi; nangmah in hoih nasakna munah teng in,” ci hi.

Piancilna 13:9

Na mai-ah gam buppi om hilo ahi hiam? Kei’ kiang panin nangmah paikhia tawm in. Nang in veilam na lak leh, kei taklam-ah ka pai ding hi; tua ahih kei leh zong, nang in taklam na lak leh, kei veilam-ah ka pai ding hi,” ci hi.

Piancilna 47:6

Izipt leitang khempeuh nangma' thu ahi hi; na pa leh na sanggamte lei hoihna penah teengsak in; Goshen leitangah amaute teengsak in; amaute' lakah a hih thei mi na muh leh ka ganhingte a kem dingin koih in,” ci hi.

Jeremiah 37:14

Tua ciangin Jeremiah in zong, “Hi lo hi’ng; Khaldea mite’ lamah ka tai sim kei ding hi,” a ci hi. Ahih hangin Irijah in ama’ cihna ngai loin Jeremiah man a, kumpi uliante’ kiangah a paipih hi.

Kah la 3:7

Amah in kol hong bulh a, taikhiat zawh lohna kulhpi sungah a hong koih hi.

Piancilna 44:21

Tua ciangin nangmah in na nasemte' kiangah, ‘Ka mit tawh amah ka muh theih nadingin kei' kiangah amah hong tonpih suk un,’ na ci hi.

Esther 3:11

Tua ciangin kumpipa in Haman kiangah, “Na sum cihte leh na mi cihte nangmah kong pia hi; na ut bangbangin bawl in,” a ci hi.