Jeremiah 40:3 - Tedim Bible

³ Ama’ gen mah bangin Topa in tu-in zong a hih khin zo hi. Note in Topa’ tungah mawhin a thu mang lo na hih manun, note’ tungah hih na hong tung ahi hi.

Tedim Bible Revision 2017

³ Ama gen bangmahin Topa in tu-in zong a hih khinzo hi. Note in Topaʼ thu mang loin a tungah mawh na hih manun, note tungah hih bang thu a hong tung ahi hi.

Jeremiah 40:3 Referans Kwoze

ROM (Romans) 2:5

Tua bangin na lungkhauh leh, a kisik nuam lo na lungsim mah bangin Pasian’ hehna leh Pasian’ thuman thukhenna a kilat Ni ciangin na pumpi tungah hehna na khol hi.

Jeremiah 50:7

Amau a mute in na negawp uh hi. A galte un, ‘Ko bangmah khialhna ka nei kei uh hi. Bang hang hiam cih leh a pute a pate uh a muan’ leh a lametna uh ahi Topa’ tungah amaute a mawh uh hi,’ a ci uh hi.

ROM (Romans) 3:19

Thukham in a gen thu khempeuh thukham nuai-ah a om mite kiangah a gen hi cih i thei hi. Tua ahih ciangin kam a vekpi kikham uh a, leitungmi khempeuhte in Pasian mai-ah mawhsakna a thuak ding uh hi.

Nehemiah 9:33

Kote tungah hong tungsa thu khempeuh ah nangmah a thutang na hi a, nang citakin a om na hi a, ko a khial gamtat kha ka hi uh hi.

Nehemiah 9:28

Ahi zongin a tawldam khit uh ciangin nangma muhna ah a sia gamta zel uh a, nangmah in amau’ galte khut sungah na nusia a, a galte un amaute ukgawp uh hi. Ahi zongin amaute in nang tungah huhna hong nget uh ciangin vantung panin amau’ ngetna za-in na hehpihna tawh amaute tam veipi na honkhia hi.

Thu-hilhkikna 29:25

Tua ciangin mite in, ‘Amah in Izipt gam panin a paikhiatpih lai-in amaute tawh a bawl, a pu a pate uh Pasian ahi Topa’ thuciamna amaute in nusia in,

Jeremiah 44:23

Note in paknamtui halin Topa tungah mawh tham loin, Topa’ thu mang loin ama’ thukhamte, a ngeinate leh a hong thupiakte zui lo na hih manun tuni mahin zong hih gimna note tungah hong tung ahi hi,” a ci hi.

Jeremiah 11:17

Israel mite leh Judah mite in mei halna tawh Baal bia-in hong heh sak-a siatna a bawl manun, nang a hong phut keimah a vanglian Topa in nang’ tungah siatna tun’ nading thu kong pia zo hi,” a ci hi.

Jeremiah 22:8

“Tua ciangin minam dang tampi in hih khuapi a kantan ding uh a, a inn sak a inn khangte’ kiangah, “Bang hangin hih khuapilian hi ci bawl ahi hiam?” ci-in khat leh khat a kidong ding uh hi.

Jeremiah 39:16

“Ethiopia mi pa Ebedmelek’ kiangah pai in la, ‘A vanglian Topa, Israel mite’ Pasian in hong gen-inah: En in, Hih khuapi hoih nading hi lo, a siat nading ka gen sate ka tungsak ding a, tua ni a hong tun’ ciangin nangmah in zong na mu ding hi.

Kah la 2:17

Topa in a sehna bangin a tawp khakna ah a hong bawl hi. Sau veipi lai-a a hong hilhkholhsa bangin hong hehpih nawn loin a hong susia hi. Galte gualzawhna pia a, ei hong guallel sak a, amaute a lungdamsak hi.