Jeremiah 40:15 - Tedim Bible

¹⁵ Tua ciangin Kareah’ tapa Johanan in Mizpah khua-a Gedaliah kiangah, “Nethaniah’ tapa Ishmael hong that sak in. Kuamah in hong thei lo ding uh hi. Nang hong kithat leh nang hong beel Judah mite kikhenthang ding a, Judah mi a om lai sun teng in zong bei lawh ding uh ahih manin bang hangin amah in nang hong that laizang ding ahi hiam?” ci-in a hopih sim hi.

Tedim Bible Revision 2017

¹⁵ Tua ciangin Kareahʼ tapa Johanan in Mizpah khua-a Gedaliahʼ kiangah, “Nethaniahʼ tapa Ishmael hong thatsak in. Kuamah in hong thei lo ding uh hi. Nang hong kithat leh nang a hong beel Jew mite kikhenthang dinga, Judah gamah mi a om lai sunteng in zong beilawh ding uh ahih manin bang hangin amah in nang hong that laizang ding ahi hiam?” ci-in a hopih sim hi.

Jeremiah 40:15 Referans Kwoze

2 SAMUEL NIHNA 21:17

Ahih hangin amah huh dingin Zeru-iah’ tapa Abishai hong pai a, Filistiapa simin amah that hi. Tua ciangin David mite in amah kunhin, “Galdo dingin ko tawh nong kuankhia nawn kei ding hi, tua hi kei leh Israel mite’ muan’ leh suan’pa kong taan kha ding uh hi,” a ci hi.

1 SAMUEL MASA 26:8

Tua ciangin Abishai in David kiangah, “Pasian in na galpa tu ni-in na khut sungah hong pia hi; tua ahih ciangin tu-in teipi-in lei tawh khatvei bek hong khawhcip sak in, nihvei khawh ding kisam lo hi,” a ci hi.

Johan 11:50

Mi tampi tangding mi khat hong sih leh, Judah mite a kisiat sangin a pha zaw ci-in ngaihsun lo na hi uh hiam?” a ci hi.

Jeremiah 42:2

kamsangpa Jeremiah’ kiangah, “Kong thuumna uh hong ngai in la, hih a hong kinusia teng adingin Topa na Pasian’ kiangah, thu hong ngetsak in. Bang hang hiam cih leh khat vei lai-in mi tampi ka hih uh hangin tu-in nong muh mah bangin, mi tawmno khat bek ka hi ta uh hi.

JOB (Job) 31:31

Zin leh leeng lim takin ka do tawntungna thu, ka na hong sepsak mi khempeuh in thei uh hi.

2 SAMUEL NIHNA 18:3

Ahih hangin mite in, “Nang nong kuan khia kei ding hi. Bang hang hiam cih leh kote tai le-ung amaute in kote phamawh hong sa lo ding hi. Kote kimkhat si le-ung amaute in kote phamawh hong sa lo ding hi. Ahih hangin nang in kote tulsawm zahin na manpha hi; tua ahih ciangin khuapi panin kote kiangah huhna hong puak lecin hoihzaw hi,” a ci uh hi.

1 SAMUEL MASA 24:4

Tua ciangin David mite in ama kiangah, “Topa in nang kiangah, ‘En in, na khut sungah na galpa kong pia ding a, hoih na sak bangin ama tungah na hih ding hi,’ hong cih ni tu ni hita hi,” a ci uh hi. Tua ciangin David ding-in Saul’ puantualpi mong at khiat simsak hi.

Jeremiah 40:8

Mizpah khua Gedaliah’ kiangah a pai uh hi. Nethaniah’ tapa Ishmael, Kareah’ tapa Johanan, Tanhumeth’ tapa Seraiah, Netofah khua Efai’ tate, Ma-akath mi Jezaniah leh a galkapte a pai uh hi.