Jeremiah 4:9 - Tedim Bible

⁹ Topa in, “Tua ni ciangin kumpipa leh kumpi uliante a lungkia ding uh a, siampite lau mahmah-in, kamsangte a dipkua ding uh hi,” a ci hi.

Tedim Bible Revision 2017

⁹ Topa in, “Tua ni ciangin kumpipa le kumpi uliante lungkia ding uh a, siampite lau mahmah in, kamsangte dipkua ding uh hi,” a ci hi.

Jeremiah 4:9 Referans Kwoze

Sawltak 13:41

Tua thu in: ‘Mi gilote aw, en un, Lungmang un la, taimang un! Bang hang hiam na cih uh leh, nomau khang lai takin na khat ka bawl ding hi, tua bawlna thu mi khat in hong hilh hangin na um kei ding uh hi,’ a ci hi,” ci-in a hilh hi.

Jeremiah 52:7

Tua ciangin khua kulhpi kiphutlet a, khuapi kimkotah Khaldea mite om napi-in, galkapte in zan laitak-in kumpipa’ huan gei-a kulh tegel kikal-a kongpi tawnin a taikhia sim uh a, Arabah leizang lam a manawh uh hi.

Jeremiah 37:19

Nang’ kiang a, ‘Babilon kumpipa in nang leh hih gam hong sim lo ding hi,’ ci-a thu a hong genkhol, na kamsangte tu-in koiah om uh ahi hiam?

Jeremiah 5:31

Kamsangte in thuman gen lo uh a, siampite in amau’ ut bangun a uk uh hi; ka mite in phamawh a sa kei sawnsawn uh hi, a tawpna hun hong tun’ ciangin bang na cih ding uh hiam?

Isaiah 19:16

Tua ni ciangin Izipt mite pen numei bang ding uh a, Vanglianpen Topa in amaute tungah a khut a sin’sanna hangin lau-in liing ding uh hi.

Isaiah 19:3

Izipt mite’ lungsim hawmsuak ding a, amau’ geelnate ka siasak ding hi; amaute in milimte leh khongkhai theite, vankah theite leh aisan theite thu dong ding uh hi;

Late 102:4

Lungkham lua-in lopa bangin ka keutum a, an nangawn ka ne zo kei hi.

2 KUMPI NIHNATE 25:4

Tua ciangin khuapi kulh sulet uh hi; Khaldea mite khuapi kiimah a ompi mahin, kumpipa’ huan kiang lam kulhpi nih kikal kulh kongpi lampi zui-in kumpipa leh a galhang mi khempeuh zanin tai uh hi. Amaute Arabah lam manawhin pai uh hi.

Jeremiah 48:41

Khuapite kila-in kulhpite zong kila ding hi. Tua ni ciangin Moab galkapte in nupi nausuak dingte bangin a lau ding uh hi.

Isaiah 28:19

Hong nawk sial-in note hong tai ding hi; bang hang hiam cih leh zingsang khat khit zingsang khat, sun leh zan-in hong nawk tawntung ding hi; Topa tung panin na zak uh thute a ban banin launa lianpi vive hi ding hi.

Jeremiah 2:26

“Guta khat a kimat cianga a zum bangin, Israel mite, a kumpite uh, uliante, a siampite uh leh a kamsangte uh zong a zum ding uh hi.

Jeremiah 25:34

“No makaite aw, tau un la, kap un, no uliante aw, vut lakah kikhuk un. Bang hang hiam cih leh hong kithahlup ni ding leh na kikhenthang ni ding uh hong tung zo hi; tuutal teelte bangin hong kithatlum ding hi.