Jeremiah 4:7 - Tedim Bible

⁷ Humpi khat a bukna sawl kawm lak pan hong kuankhia zo a, gamte susia dingpa hong paikhia khin zo hi. Na gam uh a kisia sak ding leh na khuapite uhah kuamah a teen’ loh nadingin a susia dingin ama’ omna panin hong kuankhia khin zo hi.

Tedim Bible Revision 2017

⁷ Humpinelkai khat a bukna sawlkawm panin hong kuan khia zo a, gamte a susia ding pa hong paikhia zo hi. Na gam uh a kisiasak ding le na khuapite uh ah kuamah a ten loh nadingin a susia dingin ama omna panin hong kuan khia khinzo hi.

Jeremiah 4:7 Referans Kwoze

Jeremiah 5:6

Tua ahih manin tuulak panin humpi khat in amaute that ding a, sehnel gam panin keivom khat in a petgawp ding hi. Kamkei khat in a khuapite uh vil gige a, a pusuak khia peuhpeuh balzan gawp ding hi; bang hang hiam cih leh amaute’ mawhna uh tamlua a, kei hong taisan mun lua uh hi.

Jeremiah 2:15

Humpite bangin a galte in amah hawk uh a, nakpi takin a hawkgawp uh hi. A gam uh gam simtham a suah uh a, a khuapite cim-in kuamah teeng lo hi.

Isaiah 6:11

Tua ciangin keimah in “Topa aw, bang tanvei sawt ding ahi hiam?” ka ci hi. Amah in, khuapite-ah a teeng kuamah om loin hawm suakin, innte ah kuamah om loin kinusia a, leitang pen gamkhing suak kiuhkeuhin,

Isaiah 1:7

Na gam uh khing a, na khuapite uh mei tawh kihal hi; na muh tangpi mahun gamdang mite in na gam uh hong laksak a, theih ngei lohte’ lotthal bangin na khempeuh susia gawp uh hi.

Daniel 7:4

Amasa pen humpinelkai tawh kibang a, ahi zongin muvanlai’ kha tawh a kibang kha a nei hi. Ka et lai takin a kha tegel a hong kibotkhia hi. Tua ganhing leitung panin kidom kaang to a, mihing bangin a khe nih in kiding sak a, mihing’ lungsim ama tungah a kipia hi.

Jeremiah 50:17

“Israel mite humpi in a delhmang tuu tawh a kibang uh hi. A masa-in Assiria kumpipa in a ne a, tu-in a tawpna ah Babilon kumpipa Nebukhadnezzar in a guh dongin a teep tum hi.

Jeremiah 25:9

en un, leilu lam-a om minam khempeuhte leh ka nasempa ahi Babilon kumpipa Nebukhadzezzar ka vaikhak ding a, hih gam leh a sunga teeng mi khempeuh leh hih kim-a om gam khempeuh a sim dingin ka va la ding hi. Keimah in amaute ka susia khin mang ding a, amaute a tawntungin siacip-in simmawhna ka thuaksak ding hi, ci-in Topa in kong gen hi.

Jeremiah 49:19

En un, lonona a, nuam taka om tuute, Jordan gam tuulak pan a, a hong paito humpi in a delhmang bangin keimah in amaute a gam uh nusia-in thakhat thu-in ka tai mangsak ding a, a gam uh a uk dingin ka deih peuhpeuh ka seh ding hi. Bang hang hiam cih leh kei bang mi kua om ahi hiam? Ka to ding kua om lai ahi hiam?

Jeremiah 34:22

En un, Topa in kong cih-inah, keimah in thu ka pia ding a, hih khuapi-ah kong la kik ding hi. Amau in hih khuapi hong simin, hong la-in, mei tawh hong halsak ding uh hi. Judah gam khuapite kuama’ teen’ lohna mun awng ka suaksak ding hi,” a ci hi.

Jeremiah 33:10

“Topa in kong cih-inah, note in, ‘Hih munah mihing, ganhing om loin mun dai suak hi,’ ci-in na gen uh mah bangin Judah gam khuapite leh Jerusalem khua kongzingte awng a, mihing ganhing kuamah a teeng kei hi.

Jeremiah 26:9

Bang hangin, ‘Hih biakinnpi in Shiloh tawh kibang ding a, hih khuapi-ah a teeng om loin gam simtham a suak ding hi,’ ci-in Topa’ minin thu hilh na hi hiam?” ci-in a gen uh hi. Topa’ biakinnpi sungah mi khempeuh in Jeremiah a umcih uh hi.

Jeremiah 25:38

Topa’ namsau hangin ahi zongin a lauhuai ama’ hehna hangin ahi zongin, amau’ gam in gam simtham suak khin ahih manin humpi in a kua a nusiat bangin Topa in a mite a nusia zo hi.

Isaiah 5:9

Vanglianpen Topa in ka zakna-ah hih bangin kiciam hi: “Aman takin, inn tampi tak hawmsuak ding a, a lian a hoih innte ah a teeng om lo ding hi.

2 KUMPI NIHNATE 24:1

Ama hun sungin Babilon kumpipa Nebukhadnezzar hong kuanto a, Jehoiakim kum thum sung ama nasem suak hi; tua ciangin Jehoiakim in amah lehdo hi.

Daniel 5:19

Amah lian lua mahmah ahih manin gam khempeuh, nam khempeuh, pau khempeuhte in kihta in a liing uh hi. Mi khatpeuh a thah nop leh that a, a nuntak sak nop leh a nungta sak hi. A ut leh mi khatpeuh pahtawi-in, a ut leh a daisak thei hi.

Jeremiah 50:44

“En un, lo nona-a nuam taka om tuute, Jordan gam tuulak pana hong paito humpi in a delh mang bangin keimah in amaute, a gam uh nusia-in thakhat thu-in ka taimang sak ding a, a gam uh a uk dingin ka deih peuhpeuh ka seh ding hi. Bang hang hiam cih leh kei bang mi kua om ahi hiam? Ka to ding kua om lai ahi hiam? Ka mai-ah kua kumpi hong ding ngam ding ahi hiam?

Jeremiah 27:8

“‘Ahih hangin gam khat peuhpeuh ahih kei leh kumpi khat peuhpeuh in Babilon kumpipa Nebukhadnezzar’ na sem loin, Babilon kumpipa’ hakkol a ngawngah a puak kei leh, amah ka ukcip sak mateng tua gam, namsau tawh, kialpi tawh, pulnatna tawh ka daantat ding hi,’ Topa in kong ci hi.

Jeremiah 9:11

Jerusalem khua ninkholna ka bangsak ding a, se-alte’ teen’na ka suak sak ding hi. Judah khuapite gamlak ka suak sak ding a, kuamah a teeng nawn kei ding hi,” a ci hi.

2 KUMPI NIHNATE 25:1

Tua ahih manin ama uk a kum kua-na, tua kum a kha sawmna, tua kha a ni sawm ni-in Babilon kumpipa Nebukhadnezzar a galkap khempeuh tawh Jerusalem a sim dingin hong pai-in tua khua umcih uh hi; tua ciangin amaute in a kimkotah umcih nading panmun bawl uh hi.

Jeremiah 4:29

Sakol tunga tuangte leh thal tawite’ aw a kizak ciangin mi khempeuh galtai mang uh a, gamlak-ah tai-in, suang lakah a kahto uh hi; khuapi khempeuh kinusia khin a, kuamah teeng nawn lo hi.

Jeremiah 22:7

Nang’ lang khatah a hong susia ding mi ka kithawisak ding a, a hei uh hong keng ding uh hi. Amaute in na sidar khuam hoihpente hong phuksak ding uh a, mei-ah hong khul sak ding uh hi.

Jeremiah 44:2

“A vanglian Topa, Israel mite’ Pasian in kong gen-inah: Note in Jerusalem khua leh Judah gam khuapi khempeuh tungah ka tun’sak gimna na mu zo uh hi. En un, tu ni-in tua khuate a siasa mahin om lai-a kuamah teeng lo hi.

Ezekiel 12:20

Mihing a dimna khuapite kisusia ding a, gamsung khempeuh gamkhing suak ding hi. Tua ciangin Topa ka hihna thu hong thei ding uh hi,” hong ci hi.

Ezekiel 21:31

Note tungah ka hehna kong khah ding a, mei-am kuang hong bang ding hi. Mi thah a siam, migilote khut sungah note kong pia ding hi.

Ezekiel 32:2

“Ezekiel aw, Izipt kumpipa Faro tamlawh in la, hih bangin ci in: Minam dangte lakah, humpinelkai bangin na kingaihsun a, ahi zongin nangmah in gun sung tok gawpin gun a ninsak, awle tawh na kibang zaw hi.

Siampi Laibu 26:31

Keimah in na khuapite uh siasakin, na biakinnte uh gamkhing ka suaksak ding a, nomau’ gim namtuite ka diik kei ding hi.

Siampi Laibu 26:33

Keimah in minamte lakah note kong thehthang ding a, keimah in namsau a paai panin dokin note kong delh ding hi; na leitang uh gamkhing hi ding a, na khuapite uh a sia hi ding hi.

Jeremiah 8:16

Leilu lam Dan khua pek panin galte’ sakol nak ging kiza hi; a sakol hatte’ hamna awging in gam teng lei teng liingsak hi. Amau in i gam leh a sunga om teng tawh khuapi leh a sung-a teeng teng tawh a hong susia khin ding uh hi,’ a ci ding uh hi.

Jeremiah 22:6

Bang hang hiam cih leh Judah kumpi inn tawh kisai-in Topa in kong cih-inah: Nangmah in Gilead gam bangin ahi zongin Lebanon mualvum bangin ahi zongin na hoih hi. Ahih hangin nang sehnel gam kong suaksak ding a, kuamah teen’ lohna khua kong suaksak ding hi.

Jeremiah 46:18

“A vanglian Topa keimah in Kumpipa ka hi hi. Taber mual in mual khempeuh sangin sang zaw-in Karmel mual in tuipi tungah sangpi-in a dawktoh bangin, no hong simpa’ thahatna a lian mahmah ding hi.