Jeremiah 4:5 - Tedim Bible

⁵ Judah gamah va gen un la, Jerusalem khua-ah va tangko un. Gam sung khempeuh-ah peengkul mut-in awng un la, va gen un. ‘Hong kikhawm un la, khuapi muan’ huaite sungah va lut ni!’ va ci un.

Tedim Bible Revision 2017

⁵ Judah gamah va gen unla, Jerusalem khua ah va taangko un. Gam sung khempeuh ah peengkul mutin awng unla, va gen un. Hong kikhawm unla khuapi muanhuaite sungah va bu ni, va ci un.

Jeremiah 4:5 Referans Kwoze

Jeremiah 8:14

“Tua ciangin mite in, ‘Bang hangin tutu lai i hi hiam? Kikai khawm un la, khuapi muanhuaite va beel ni, tua laiah va si ni; bang hang hiam cih leh Topa tungah i mawh manin Topa i Pasian in eite a si dingin hong koih khin zo hi, i dawn dingin gutui hong piakhin zo hi.

Jeremiah 6:1

Benjamin’ suante aw, na suahtak nadingun tai un! Jerusalem khua taisan un! Tikoa khua-ah peengkul mut un la, Bethhakkherim khua-ah theihsakna meikhu suaksak un. Bang hang hiam cih leh leilu lam panin, gimna leh siatna lianpi a hong pai ding hi.

Joshua 10:20

Joshua leh Israel mite in amaute a bei siang dongin tampi tak a thah khit ciang, leh a suakta lai mite amau’ khuapi muanhuai sungah a tum khit uh ciangin,

Hosea 8:1

Patau kohna peengkul tum in. Muvanlai bangin galte in ka gam tunga len’ vat dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Amos 3:8

Humpinelkai a hawk ciangin, kua lau loin om thei ahi hiam? Topa Pasian in thu a gen ciangin, kua in ama thu gen loin om thei ding ahi hiam?

Amos 3:6

Khuapi sungah pataukohna gal peengkul a kitum ciangin, mite lau loin om mawk thei ahi hiam? Topa’ tun’ sak lohpi-in khuapi sungah, lauhuaina mawk tun’ ahi hiam?

Jeremiah 35:11

Ahih hangin Babilon kumpipa Nebukhadnezzar in hih gam hong sim ciangin kote in, ‘Hong pai un. Khaldea galkapte leh Siria galkapte kihta i hih manin Jerusalem khua-ah pai ni,’ ka kici uh a, tua mah bangin tu-in Jerusalem khua-ah ka teeng uh hi,” a ci uh hi.

Jeremiah 11:2

“Hih thuciamna thute ngai in la, Judah mite leh Jerusalem khua mite kiangah va gen in.

Jeremiah 9:12

Hih thu a tel thei ding mipil kua ahi hiam? Hih thu a genkhia dingin Topa in kua hopih na hi hiam? Kuamah in hih gam a kantan nawn loh nadingin bang hangin kisia-in gamlak tawh kibang ahi hiam?

Jeremiah 5:20

Jakob’ suante tungah gen in. Judah mite tungah hih bangin ci in:

Gamlak-vakna 10:3

A nih-in a kitum ciangin kikhopna buk kong nangma kiangah mihon khempeuh hong kikhawm ding uh hi.

Ezekiel 7:14

“Amaute in gal peengkul tum uh a, a vekpi-in kiging uh hi. Ahi zongin mi khempeuh tungah ka hehna tung kim ding ahih manin galsim dingin kuamah kuan khia lo ding hi.

Joel 2:1

Zion mual tungah peengkul tum un la, Pasian’ mual siangtho tungah pataukohna tum un. Topa’ ni hong nai ta ahih manin, gamsung mi khempeuh lau ta uh hen.

Gamlak-vakna 10:2

“Ngun peengkul nih bawl in; tuate na bawl ciangin na seek ding hi; mi honte khop nading leh giahphual nusiat nadingin na zang ding hi.

Isaiah 28:19

Hong nawk sial-in note hong tai ding hi; bang hang hiam cih leh zingsang khat khit zingsang khat, sun leh zan-in hong nawk tawntung ding hi; Topa tung panin na zak uh thute a ban banin launa lianpi vive hi ding hi.