Jeremiah 4:4 - Tedim Bible

⁴ Judah mite leh Jerusalem khua mite aw, Topa’ tungah vun at un la, na lungtang uh vun at un. Na tua cih kei leh na bawl uh mawhnate hangin, ka hehna mei bangin hong kuangkhia ding a, a phelh zo kuamah om lo ding hi,” a ci hi.

Tedim Bible Revision 2017

⁴ Judah mite le Jerusalem khua mite aw, Topaʼ thu zui unla, lungsim takpi tawh zui un. Na tua cih kei uh leh na bawl uh mawhnate hangin ka hehna mei bangin hong kuang khia dinga, a phelh zo kuamah om lo ding hi,” a ci hi.

Jeremiah 4:4 Referans Kwoze

Thu-hilhkikna 10:16

Tua ahih ciangin Topa’ thu mang un la, lung khauh nawn kei un.

Kolose 2:11

Khazih’ sungah vunatna hangin ci-le-sa pumpi paaikhia-in, khut tawh kibawl lo vunatna Topa tawh na ngah uh baptaizna hangin, amah tawh na kivui khawm uh hi. Khazih sihna pan a thosak Pasian’ vangliatna na upna uh hangin baptaizna ngahin tua Topa tawh thawhkikna na ngah uh hi.

Thu-hilhkikna 30:6

Note in na lungsim khempeuh uh leh na nuntakna khempeuh uh tawh Topa na Pasian uh itin na hin’ theih nadingun, Topa na Pasian un note leh na suan leh khakte uh tungah thuman’ nopna lungsim hong guan ding hi.

Jeremiah 9:26

Izipt mite, Judah mite, Edom mite, Ammon mite, Moab mite leh a sam uh a mettom sehnel gam-a omte khempeuh zong ka daantah ding hi. Bang hang hiam na cih leh hih gamte khempeuh in vun a at kei uh a, Israel mi khempeuh zong a lungsim sung uhah vun at lohpi ahi uh hi.

Jeremiah 21:12

David’ suante aw! Topa in a cih-inah: Zingsang simin man takin thu khen un la, mi bawlsiapa’ khut sung pan a bawlsiatpa hon khia un. Tua bang na hih kei uh leh na siatna bawlnate hangun ka hehna mei bangin a kuang ding a, kuamah in a phelh zo kei ding hi.

Amos 5:6

Topa zong un, tua hi leh na nungta ding uh hi. Amah na zon’ kei uh leh, Josef mite tungah amah mei bangin hong kuang ding a, tua mei in Bethel-a om mite kang tumin, tua mei a phelh ding kuamah om lo ding hi.

Zefaniah 2:2

Ansi bangin hong kizapkhiat ma, Topa’ hehna na tungah hong tuk ma, Topa in a hehna hong lah ni hun a tun’ ma-in, thu ngaihsun in kikheel in.

Ezekiel 20:33

“Keimah in a nungta Topa Pasian ka hih mah bangin, khut khauh tak leh ka vangliatna leh ka hehna tawh note kong uk gawp taktak ding hi.

Ezekiel 24:13

Jerusalem aw, na gamtat hoih lohnate in nang hong ninsak khin hi. A sian’suah dingin kong hanciamciam hangin a nin mahin na om lai veve hi. Ka heh mahmahna na thuak khit matengin na siang kik ngei kei ding hi.

Kah la 4:11

Topa in a hehna khempeuh siit nawn loin hong buakhia-a, meikuang tawh Jerusalem hong hal ahih manin a kangtum hi.

Ezekiel 24:8

Ka heh suakin a phu a kilak theih nadingin a man’than’ theih loh nading munah a sisante tua ci-in ka omsak hi.

Ezekiel 16:38

Midang tawh na mawhna hang leh na mi thahna hangin thu kong khen ding a, ka hehna tawh sihdaan kong pia ding hi.

Ezekiel 8:18

Tua ahih manin amaute in ka heh mahmahna thuak ding uh a, amaute ka zah kei ding a, zong ka khasiat kei ding hi. Amaute in a tha neih tawpun kei tungah thu hong nget uh hangin amaute’ thungetna ka ngai kei ding hi,” hong ci hi.

Ezekiel 6:12

A gamla-a omte cina-in si ding uh a, a nai-a omte gal sungah si ding uh hi. A om lai sunte gilkialin puksi ding uh hi. Amaute in keima hehna thuak ding uh hi.

Jeremiah 36:7

Amaute in Topa tungah thuum-in a vekpi-un a hoihlohna uh panin a kihei kha thei ding uh hi. Bang hang hiam cih leh hih mite tungah Topa in tun’sak dinga a gensa a hehna leh a thangpaihna lian mahmah hi,” a ci hi.

Jeremiah 23:19

En un, Topa’ huihpi nung! A hehna hong kinuai nainai-in hong paikhia ta a, mi gilo pa’ lutang hong kiden’na ding hi.

Jeremiah 21:5

Keimahmah in hehna leh thangpaihna lianpi tawh ka ban zan-in, a hat mahmah ka khut tawh note kong do ding hi.

Isaiah 51:17

Topa’ khut sung panin ama hehna hai a dawn khin, hoina haipi a tawdat dongin a dawn khin Jerusalem aw, nangmah khanglo in nangmah khanglo in la, dingto in.

Siampi Laibu 26:28

note tawh a kilehngatin ka heh ngawh pah ding a, note’ khialhna hangin keimahmah in a zah sagih vei-in kong thuhilh ding hi.

Ezekiel 21:17

Kei zong ka khut ka beng ding a, tua ciangin ka hehna dam ding hi. Topa ahi keimah in hih thu kong gen khin hi,” hong ci hi.

Ezekiel 18:31

Na gamtatnasa uh mawhna khempeuh nusia un la, na lungsim leh na ngaihsutna uh thaksuahsak un. Bang hangin no Israel mite si nuam na hi uh hiam?

Thu-hilhkikna 32:22

Bang hang hiam cih leh ka hehna in mei tawh kuang a, Leinuai thukna mun dong kuang hi, leitung leh a tunga piangte kangtum a, mualte’ bulpite’ kuangsak hi.

ROM (Romans) 2:25

Pasian’ Thukham na zuih leh, vun atna hangin noptuamna a om hi. Ahi zongin Thukham na khialh leh, na vun atna in vun at lohna a suak kik hi.

Siampi Laibu 26:41

“Ahih hangin kei tungah khemna tawh hong gamtatnasa uh leh kei tawh kilehngatin a paina uh hangin amaute tawh kilehngatin pai-in, amau galte’ leitangah amaute ka paipihna thu ahi, amau’ mawhna leh, a pu a pate’ mawhna pulakin a lungsim uh niamkhiatin, amaute in a mawhna a kipuahphat uh leh;

Isaiah 10:17

Israel’ khuavak pen mei suakin, ama Siangtho Pa pen meikuang suak ding hi; ni khat sungin ama lingkungte leh lingte kang-in beitum ding hi.

Isaiah 30:33

Tofeth a kihal nading mei phualpi mun, sawt pekin kibawl khin zo hi; hi hi, kumpipa’ adingin a baihsa-in kikoih a, a mi-halna pen lianin kisangsak a, sing a sangpi-in vum venvan hi. Topa in kaat kuang hu sang khia ding a, tua meiphualpi tawh kuang ding hi.

Jeremiah 9:25

“En un, Topa in kong cih-inah, vun ki-at hi napi-a vun ki-at taktak lote khempeuh ka daantah ni hun hong tung ding hi.

Jeremiah 44:22

Topa in na hoihlohnate uh leh na bawl uh kihhuainate hangin no hong thuak zo nawn lo hi. Tua ahih manin tuni mahmah-in zong na gam uh gamlak suak khin a, mite’ kihaamsiatna suakin kuamah teeng nawn lo hi.

Ezekiel 44:7

Keimah biakna-in sathaute leh sasite nong piak uh ciangin, keima thu a mang lo, vun a ki-at lo gamdang mite a sungah na lutsak uh a, ka biakinn na ninsak uh hi. Tua bangin a muhdahhuai na gamtatnate uh tawh ka thuciamna na siasak uh hi.

2 KHANG TANGTHU NIHNATE 34:25

Amaute in amau’ gamtatna tawh kei hong hehsak theih nadingun amaute in kei hong nusia in, pasian dangte tungah paknamtui hal uh ahih manin hih mun tungah ka hehna kisungin dai lo ding hi.

Jeremiah 15:14

Na theih ngei loh uh gam khatah na galte’ na ka hong semsak ding hi; bang hang hiam cih leh ka hehna kitawh kuang a, a mit nawn kei ding hi,” hong ci hi.